عشق الرعد " قبل وبعد التعديل "

عشق الرعد الجزء الرابع

جلس يوسف على ركبتيه على الأرض أمامها، تحدث بهدوء : فهد ذي يعقوب بالظبط بس يعقوب وفهد عمرهم ما يبقوا أغلى منك يا سيليا، أنا لما اتجوزت سيلا كان جوايا هدف واحد وهو إني ارتاح، اكتفيت من إرهاق زينة وأمها والواحد ايه أحلى من إنه يتجوز حد بيحبه، عيشت معاها أيام كانت ليا الأم والصاحبة والحبيبة وكل حاجة حلوة، أنا لما كنت بقعد معاها الاقيها حضناني، عمرها ما قالتلي لا على حاجة ولا اهتمت إني في يوم هقولها ما أنتِ عملتي كذا، احنا الرجالة غدارين اوي يا سيليا

صمت قليلاً يسترجع ذكريات كانت أول سبب في قهره، وأكمل : اتبطرت عليها، غدرت بيها في حين هي ضحت بكل حاجة عشاني، قهرتها وخليتها تعيش أيام وليالي مستنياني على الأرض ارجعلها، كنت سبب إن ابوها وأخوها وعمها وواحد كلب ذي عاصم يمد أيده عليها، وواحدة ذي زينة تقهرها، قفلت الباب في وشها كتير

بدأ يقص لها تفاصيل جعلت دموعها تنهمر، وكأنها ورثت عن أمها نصيبها في الحياة، اجهشت بالبكاء فجأة وهو يقول : ربنا استوى على عرشه بيشوف الدنيا والناس والظالم والمظلوم، أنا عيشت ست سنين كنت بنتقم من نفسي في كل حاجة، يعقوب سيبته لعمتك عشق شهر واحد اقعد في مكان مقدرتش، انا كنت بهرب والليل دا انا معرفتش ليه طعم نوم، من هنا لهنا ذي التايه، اللحظة اللي أنام فيها كنت ...

نفرت عروقه بغضب دفين واغمض عيناه لبرهة، اخفض صوته قائلاً : أنا عمري ما حبيت كرم ولا هحبه، انا بكرهه يا سيليا ومحدش يعرف دا غيرك الوقتي، كل أما اتخيل أنه لمسها انا .. غيث انا بكرمه لأجل خاطرها بس أنا بحس إني بتأذى لما بشوفه، عارفة شعور إن الشخص اللي هو ملكك وكل حياتك حد تاني يـ ..

امتغضت ملامحها من الفكرة فأكمل : اوعي تعيشي اللي أنا عيشته يا سيليا أو تسمحي ليه، الدنيا صعبة ووجع القلب مفيش اصعب منه

فتحت سيلا الباب وتركت ما في يدها قائلة : ماما عملت شوية مسقعة وقالتلي طلعي ليوسف بيحبها، قاعدين كده ليه؟

وقفت خلف يوسف تضع يديها على كتفه، رفعت آيسل عيناها قائلة : عملتي ايه يا اختي عشان ربنا يبعت ليكي واحد قمر ذي بابايا، اشقراني وعيونه زرقا ودمه خفيف وحنين، هاا السحر كان عند مين

خلعت حجابها قائلة بمرح : وهي أمك شوية يا بت ولا ايه! تعالى سيبتك نايم ووحشتني

غمز يوسف لآيسل ثم التفت يدفن وجهه في حضنها، مررت سيلا يدها بين خصلاته قائلة : ابوكي دا كل حياتي، مزعلاه ليه يا بت؟

ردت آيسل وهي تقف : لا زعلته ولا نيلة، انا نازلة اشوف البت جوان وهاجي مع جاسمين، اسمع يا حاج استفرد بيها

وغمزت بمرح فاردفت سيلا : قليلة الأدب، مين اللي فسدك

أحضرت اسدالها والنقاب واردفت : أنا فاسدة لوحدي بس متجوزتش الفاسد اللي يقولي بيدك يا حاچة، كنت جدعة احب ابن عشق يا اختي