كلشي بية.!!! شنو اللي مابية بعد هذا الخبر؟!
مو بخير ووضعي وبكائي كان جواب كافي
يوضح حالتي اله، ممكن أكون جبل شامخ
بوجه الناس كلها بس يم أخواتي أنهدم، أبتعد عني من
ما حصل جواب دقايق ورجعلي قدملي بطل ماي
روكان: اهدئي كلشي راح يكون بخير.
جنت محتاجة شي يطفي نار كلبي
بس الماي ما جان كافي حتى يطفيها،
نهضت من مكاني رافضة مساعدتة رافضة الكلام وياه
مسحت وجهي الغركان بدموعي بهسترية
مستمر مقدملي بطل الماي ومضيگ عيونه عليه
يباوعلي بتركيز وعلامات الأستفهام واضحة بنظراتة
مُرجان: مابيه شي شكراً.
تركتة ورجعت للمركز بسرعة، بعد كل خطوة أحس
هاي خطوتي الأخيرة وبعدها
راح اطيح على الأرض فاقدة أخر ذرة طاقة عندي
أخذت أغراضي وسرى تمشي وراية مستغربة حالتي
أمطرتني بالأسئلة والكلام بس ماعنـدي جواب مُقنع
مُـرجان: مابية شي سُرى بس غيـد مريضة ولازم اروح.
سرى: زين خلي آشـور يوصلج، شوفي أيدج شلون
ترجف شلون راح تسوقين السيارة؟!
مُـرجان: انطي خبر لدكتور فادي وكليلة صار عدها ظرف طارئ.
طلعت من الغرفة بسرعة وهي تركض وراية
تحاول تقنعني آشـور يوصلني او أخذ تكسي
واعرفها خايفة عليه بس عقلي جان مو براسي وبس
أريد اوصل البيت واشوف غيـد وأطمن كلبي بشوفتها...
امشي واتعثر بخطوات الحيرة والألم
حسيت المسافة بين المركز وسيارتي تزيد ما تقل
تعثرت بحجر صغير وردت اطيح على وجهي بس
انتشلني ذاك الغريب بين أديه مرة ثانية
روكان: الله الله على كيفج.
لمجرد ما توازنت خطواتي أبتعدت عنه بسرعة
صوت بداخلي يردد "اهدي مُرجان لا تثيرين تعاطف
الكل بسبب حدث عابر" أخذت نفس عميق
وحاولت أكون طبيعية
مُـرجان: شكراً.
كملت طريقي وحسيت بخطواتة وراية
روكان: أذا بيج شي خليني اوصلج لبيتكم؟!
وكفت يم سيارتي وفعلاً حسيت نفسي ماكدر
أسوق وممكن ما أوصل البيت سلامات،
وبنفس الوقت رافضة مساعدة روكان، شخص غريب
كل اللي أعرفة عنه جاي ويا مريض لهذا المركز،
تصادفنة مرتين شلون راح أكدر أقبل بمساعدتة،
طال صمتي وعيني عليه وهو ينتظر جواب منـي
روكان: أعتبريني سايق تكسي وهم بيتكم بعيد ماراح توصلين سلامات بهذهِ حالتج.
بهتت ملامحي بعد ما سمعت كلامة.!!
كيف يعرف أذا بيتي قريب او بعيد؟!!
ثاني مرة يثير الفضول بداخلي أعرف شي عنه،
أول مرة نظراتة المريبة وهسه محاولة مُساعدتة اللي
مُرجان: شلون عرفت بيتي بعيد؟!
ВИ ЧИТАЄТЕ
أغلال المرجان (غَـربيب)
Боєвики• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 2 || مُلتقى الغُرباء
Почніть із самого початку
