زُخــٓـم

-٩-

ألزُخم

-٩-

أنتَ وينك
ليش خَذت عيني ومشيت؟
ليش احس رُحي بعيدة
ليش كُل ماكبرت بَروحي غُربتك
تنچفي بحُضني قصيدة
دورت كُل غيمة عنك.
كُل حلم
كُل مطرة
كُل شارع اظلم
كُل ديرة ومالكيتك
كته نسيتك ومانسيت
كته اليوم؟
باجر
عُكبه
اشهُر
سنين
ومانسيتك
جست گلبي وذكرك
بچة وبچيت وياه

Present

اثاث مطبخ تُأسر العيون بجماله، طاوله فخمه، كراسي فخمه، صحون وملاعق من ذَهب، فطور ملكي، خدم بكُل مكان، ملابس انيقه مكياج ملكي أنيق

اكُل بكُل حياء وبساطه ومندمجه بالفطور رفعت عيني عليها والكاها تعطيني نظره الكُره، الحقد، التكبر او الغرور

-بيج شي قُربان؟

قُربان:- شو مدسألين ع اختج!

غصيت بالگمه وبديت اكح

-زُخم:- قُربان مو گتلج لاتفتحين هل موضوع

كامت من الفطور بغضب جازع

-باوعتلة بنظرات القهر والذل

-أريج:- احس نفسي ثگيلة عليكم

-زُخم:- آنستي أريج لتفكرين هيج بالعكس متونسين بوجودج

-أريج :- صارلكم ٣٩يوم متحمليني خلص كافي

وكمت من الكرسي وعسريع طلعت ع غرفتي

فتحت باب غرفتي وكعدت ع تخت ضربت بوجهي المرايه الكبيره الحاطيها بالغرفه كمت وكفت كبالها اباوع لنفسي بثقه جنت لابسه فستان بينصل ماروني حلقات اذن كبيره شعري مفتوح ع طوله

-ههه احلى منها بكُلشي والله لأخذو منج

Let's move

أيريم

-آنسه إيريم سوي قهوه مُره

-أيريم:- تمام رقم الطاوله؟

- ٣٤

-أيريم:- تمام مشكور

وكفت اسوي القهوه المُره الي الزبون طلبها باوعت بيها وحجيت وي نفسي

-إيريم :- معقوله القهوه المُره طيبه!
زين ليش الناس تشربها هيج واي واي اني شعليه اتفلسف

شلت الصينيه وحطيت كوب القهوه المُر بيها ورحت ع طاوله ٣٤

-تفضل استاذ

دار وجهو اليه ولا انصدم بيه

-إيريم :- هم انتَ هم انتَ؟؟

-سمندل :- على كيفج ست إيريم مو هوَ مال الخلفج

-أيريم:- يعني من طلعت من هجمانك لحد هسه بس اشوفك بخلقتي

-سمندل:- ممكن نطلع ورى ما تكملين شغلج!