زُخــٓـم

-٤-

لـ زيَـنب أحمَد
ألزُخــم
لاتنسون التصويت"تعليق بين الفقرات

-لاتثق بألحُب-

كاعد ع كرسي خشب ٬ واديه مچتفة ٬ وهوَ كاعد كدامي يحجي بتلكُء.

-منو دازك عليها ٬؟
-سيدي كُتلك هوَ

تقدمت يمه ولزمته من ياخته ٬
-لاتجذب هوَ ميسويها
-سيدي لاتثق بيه
ضربته راچدي وأردفت بغضب:- لتحجي عليه .....

عفته مربوطه اديه طلعت من الغرفه وقفلت الباب بالمفتاح “ كعدت عالقنفه فتحت جهازي واتصلت عليه

-كملت شغلك
-زُخم:- اي يول وفزت بالقضيه
-مبروك صدك جبته ٬ واعترف
تغيرت نبرة للغضب واردف بَحيره
زُخم:- اي وشكلك!
-كال أنتَ.؟
زُخم:- هه واكيد ماصدكته
-بس يَمكن صدكته ٬
زُخم:- متوقع اسوي هيج؟
- تسويها أنتَ كُل هَمك أنتقامك مو صحيح:؟
زُخم:- كتلك تركتها
-واريج شنو سالفتها؟
زُخم:- وانتَ تدري شنو السالفه
-اي ادري تكسرها وتذبها
زُخم:- بعدين نتفاهم!
-صدكني ما اسامحك وحق ربك

فصل الاتصال بوجهي واني هم رحت انام شويه..

أيريم:- صافنه ع حياطين الغرفة الي مليانه رطوبة والسكف مخضر وريحه تُگتل

خُرم:- هها يحلواا !
أيريم:- نجب
خُرم:- ليش هيج قاسيه؟
أيريم:- لا انتَ ادبسز
خُرم:- اويي قويه
أيريم:- انتَ متحول مو
خُرم:- نجبي ك....
أيريم:- اكُل خ....

لزمني من فچي وقرب وجهو عليه يحجي وهو يتفحص ملامحي الحاده
خُرم:- راح أعوفج الخاطر السيد
بصقت بالكاع المن شال ايدو عني واسترجعت ذكريات هذاك اليوم النگس

-الماضي-

أيريم:- بابا انتَ منو
سمندل:- بس اوكفي احجي وياج كلمتين
أيريم:- بابا انتَ شبيككك
سمندل:- اصبري لحظه اوكفي
أيريم:- تفضل
سمندل:- هينه نحجي
خزرت وجهه وكلت بحديه
أيريم:- لعد وين تريد
سمندل:- نكعد ع مصطبه
أيريم:- تفضل
كعدت ع مصطبه وبدأ يحك كصته ويحجي ببرود
سمندل:- انتِ بيج أمراض او هيج شي؟
أيريم:- ليش انتَ دكتور واني ماعرف
سمندل:- هسه جاوبي
أيريم:- لا ماعندي
سمندل:- هو هذا الحلو
أيريم:- شنو عيني شنو؟
سمندل:- نريد نستأجر رحمج
صفنت بوجهه وبسرعه ضربته راجدي
أيريم:- شتفضلت انت فعلاً ادبسز
سمندل:- وافقي لاتتندمين بعدين ورداية
أيريم:- وليش حتى اتندم شو دوخر
عفته ومشيت بسرعه وتركته يصيح
سمندل :- صدكي راح تخضعيلي ٬ رحمج انتِ راح تطلبين نستأجره اصبري الايام هي التحكم

-يتمّ استئجار الرحم من خلال اللجوء لإمرأة متطوعة تملك رحمًا سليمًا، تقوم بتاجير الرحم لحمل جنين الزوجين. تبدأ هذه العمليّة من خلال اللجوء للتلقيح الصناعي أو ما يعرف باطفال الانابيب بحيث يتم تخصيب الجنين مخبريًّا ليتمّ زرعه بعد ذلك بداخل رحم المرأة التي تقوم بتأجير الرحم.-

فتحت مفتاح البيت وفتت كعدت ع قنفة
أيريم:- أريج وينجج ولج
بقيت احجي واعيط بس ماكو صوت لزمت جهازي ع أثر اشعار من رقم غريب فتحت المسج وبدأت اطرافي تجمد وكصتي تزخ عرك جانت صورة اختي أريج و وياها زلمه غريب ومكتوب بالمسج
-رحمج او اختج
حكيت اديه بسرعه اخذت نفس عميق ورديتلو بكل هدوء دال ع قوة شخصيتي
-بطران غبي مثلا اني ما افتهم انو الصوره فبركه؟
-تعالي لراس شارعكم وتشوفين.
عفته مجاوبت عليه ورجعت لبست قمصلتي وطلعت من البيت اتلفت خاف اكو احد يراقبني او من هذا القبيل طلعت ع راس الشارع بقيت اتلفت شفت ماكو احد درت راسي رايده ارجع ولا ايد نحطت ع خشمي وايد الثانية حاصره جسمي حاولت افتح عيني بس ماكدرت غير شفت شخص ملثم وعيونه ملونه.

رجعت الواقعي الأليم واني اشوفه كاعد كدامي حجيت وياه بغضب :- صارلي شكد هينه
خُرم:- ٣ ايام
أيريم:- وانتَ صدك تحجي لعد اختي وينها شبيها
خُرم:- مابيها شي
باوعتلة بعيون مغرغرة بالدموع
أيريم:- سويتولها استأجار رحم مو؟
خُرم:- لا شسالفه
أيريم:- لعد اني
خُرم :- والله ماسوينالكم شي ياعيني شبيج
أيريم:- المن تسوون الرحم وهيج لعد
بعده محاجي وسبقته :- خاف عصابة تبيعون اعضاء
خُرم:- ع كيفج بس مرة السيد متخلف
أيريم:-لعد تدمرون حياة بنت غيرها علمودها
صفن بوجهي واردف بحيرة
:- شرطت يتزوج غيرها ومن تخلف تنتحر والطفل هي تربي او يسوون استاجار رحم
أيريم:- هاي مخبلة صدك تحجي
خُرم:- مريضه نفسياً
أيريم:- لعد ليش اني بالذات يردون رحمي؟يعني الاقصده اكو بنات يسون هذا الشي
خُرم:- بوية الثارات كلشي تسوي
صفنت عليه وأردفت بحيرة:- عن أي ثارات
كام ولزمني من فچي وحجه بهدوء
خُرم:- مو مال عمرج
كام طلع من الغرفه وعافني بحيرتي احاول افكر واستوعب هو شديحجي او شحجه بالأصل.

كاعدين اني وياها كبال الدكتوره وخايفين من الي راح تكوله
:- نفس كُل مرة مديفيد العلاج
زُخم:- والحل دكتورة
قُربان:- شنو نفس كل مرة انتِ شبيج غبيه انتِ متنطيني علاج زين
لزمتها من ايدها واحاول أهديها
زُخم:- هشش قرباني اني اتفاهم
عفتها وأردفت بالدكتورة :- وهسه شنسوي
:- الغلط من انستك عقيم مصفرة والعلاجات ماتفيد بيها
زُخم:- والحل؟
باوعت ملامحي بحيرة وحجت بياس
:- ماتكدرن الا بحل واحد
قُربان:- اي دكتورة احجي ننفذه والله
:- انتو متردون تبني لعد سوو استاجار الرحم
زُخم:- دكتورة شدتحجين ماكو غير هلشي
:- ماكو حل
اباوعلها صافنه بيه وأردفت بحماس ظاهر ع ملامحها
قُربان:- اني اعرف منو حتسوي هيج وتقبل
تفحصت ملامحها خايف من الي راح تكوله
قُربان :-..... تسوي هيج

يَتبع

عُذراً ع بارت القصير بس مريضه وتدرون مدارس
فمالحكت أكتب اكثر من هذا

شنو تتوقعون يصير؟