زُخــٓـم

-٥-

لـ زيَـنب أحمَد
زُخــٓـم

لاتنسون التصويت ٬ تعليق بين الفقرات

واكفه عالباب مال بيتنه ومطنكرة انتظر امي تفكلياه

-أريج:- يا ماما اجاني الفرج
-وشبيج جوجوه؟
-أريج:- دشوفج شنطوني
-شنطوج؟
فتت ع مطبخ و ذبيت جنطتي بالكاع وبديت افتح ب السحاب ألجبير طلعت ١٠ كُتب
أريج:- سلموني كتب شوفيهم
بدت امي تفتح بالكُتب وصافنه بوجهي
أردفت بعُطف:- منو سلمج ياهم جوجوه؟
أريج:- المديرة
-تنطيج بس رياضيات؟
أريج:- ويي بس رياضيات
-منين جبتيهم.
أريج:- ماما شفتو غرفة بيها كتب جثيرة ف اخذت ١٠ كُتب وطلعت
-فلكج وليش بكتي
-أريج:- وليش مأينطوني كتب بلا
-سود الله وجهج ع هل عملة
كمت اتعارك وي امي واحجي بعصبيه معنو جان عُمري بوكتها ٧ سنوات بس جنت ام لسان هواي أثناء عركتنه دخلن خواتي الكبار أيريم٬ميريم
ميريم:- شبيكم تصيحون
أريج:- بكت ١٠ كُتب
-صلفة والله صلفة
أيريم:- نرجعهم
-بـ اي وجه اروح ع مديرة اكللها والله بتي باكت ١٠ كتب وجيت ارجعهم
أيريم:- اهو عادي
-نلصمن
انهينه حديثنه المُمل ورحت اباوع تلفزيون ولاهمني اي شيء.

باوعت ع روحي شون جاي اضحك بهستيرية
-عود صدك تخبلت اهع اهع أريج لمخبلة
أنهيت كلامي الجارح عن نفسي وكعدت اطحن الطباشير ودموعي تجاره ع خدي
-لهدرجه حملي ثكيل عليج عفتيني ٣ ايام واختفيتي جان كتيلي اني اروح من حياتج
طلعت الورقه من جيب البدي وكعدت اقراها

-أريج"لتنتظرين مني اي شي البيت بعته وأخذت حكو واكيد رحت تزوجت الزلمه الي كتلج عليه ٬ اتمنى ديرين بالج ع روحج وتعتمدين ع نفسج تمام" أيريم"

بقيت منتچيه ع حايط البيت وحاضنه رجليه لصدري وافرك بايديه حتى يدفن او انفخ عليهن هوى حار استسلمت لكُل شي مُر بحياتي وغمضت عيوني.

لفح وجهي هوى حار وايد تتلمس خدي الصاير احمر من البرد فتحت عيني بقوة وأردفت بتعب:- انتَ؟
-جنت انتظرچ بالتقاطعات او براس شارعكم وما اجيتي
أريج:- وهسه ليش اجيت؟
-بعدج زعلانه؟
أريج:- وانتَ منو حتى ازعل عليك
تقرب كعد يمي ع الكاع
أريج:- الكوت مالك غالي لايتوصخ
-فدوة الج
أريج:- روح عني
-اعرف بعدج زعلانه من سالفة المطعم !
أريج:- ضحكت عليه
-ماعرفها صدكي
أريج:- وليش تحلف جذب
-بيش احلفلج ماعرفها
أريج:- لعد شتقربلك
زفر هوى حار وحجه بعفوية ممزوجه بالخداع
-هي تحبني
أريج:- وانتَ
-ماحبها بس احبج الج
أريج:- جذاب
-عوفج مني انتِ ليش مو ببيتج
أريج:- اختي عافتني وباعت البيت
-يح يح صدك
أريج:- تتشمتَ؟
وكعت ع حضنه من التعب وعيوني بدت تغوش ماصحيت غير ع ايد تحط كمادات ع كصتي
أريج:- اني وين؟
-وكعتي وجبتج ببيتي
أريج:- انتَ صدك تحجي
-مو بس احنا بالبيت لتخافين
أريج:- لعد منو ويانه
-الخدم وموجوده قُربان
أريج:- قُربان منو؟
باوعلي بحيره وهو يتفحص ملامحي وكانه ديفكر بجواب مثالي
-صديقتي
أريج:- عايشة وياك؟
-تساعدني باشغالي او تنسقلي ملابسي
بقيت اباوعله بحيرة وخوف من جوابة الميتفسر لحد مادخلت وأردفت بصوت عالي
:- هايي بيب كعدتي
أريج:- اي كعدت
:- اعرفج بنفسي قُربان
ومدت ايدها تصافحني بكُل حُب
أريج:- واني أريج اسمي
:- لعد واني نسيتوني
قُربان:- شلون ننساك ٬ هو البالگلب مينسي
زُخم:- مبين مبين
أريج:- احم شكرا ع كلشي ممكن ارجع لبيتي
حجيت هل كلام وسُرعان ماتحولت أنظار قُربان الي والشرار طالع من عينها وبعدها رجعت ع طبيعتها
قُربان:- حبيبي هذا بيتج منا ورايح
زُخم:- صحيح حجي قُربان مطلعين
أريج:- واختي
زُخم:- لعد حوعدج انو ارجعلج ياها تمام؟
أريج:- بس عيب.
كعدت بصفي وكلتلي بكُل حنية
قُربان:- لا عيب ولاشي فهمتي؟
أريج:- تمام
قُربان:- ميد
أريج:- شنو ميد
قُربان:- خدامه
أريج:- عدكم خدم؟
زُخم:- واني مو كتلج اكو خدم
أريج:- نسيت
طبت الميد ع كولتهم وبدأت تحجي وياها بغير لغة واني طكة ونص كوه افهم
قُربان:- Prepare foreign dishes for us"اعدي لنا اطباق اجنبيه"
مَيد:- ok madam mom" حاضر مدام ماما"
زُخم:- Arabic meals too" اعدي اطباق عربية"
مَيد :- Yes, help her." نعم ساعدها"
أريج:- شدتحجون؟
قُربان:- كتلها تسوي اطباق اجنبيه
أريج:- شنية الاجنبيه
قُربان:- مثل البناسي ليماك وغيرها متعرفينهن؟
زُخم:- كتلها تسوي اكل عربي
أريج:- شُكراً بس شسمك؟
زُخم:- نسيت اكلج اني ألزُخم
أريج:- زوخو
زُخم:- زوخو شنو؟
أريج:- دلع هذا
انهت كلامنا قُربان هي وطلعت من الكنتور فستان طويل احمر طوخ ساده وبيه ردان طويله جان شكله فخمم
قُربان:- البسيه عالعشه
أريج:- هذا مال حفلات
قُربان:- هههه حبيبي هذا لبسنه بالبيت مو حفلات
أريج:- لعد بقيني بالقمصلة
قُربان:- هشش لا لا مو بكيفج
جرت زخم وطلعته من الغرفه واني جرتني بالحمام حتى ابدل وطلعلها
أريج:- احسه محلو؟
قُربان:- او مايكادد واوو نايسس
أريج:- اكلج استحيت
جرتني وكعدتني ع ميز التواليت وكامت تمشط شعري
قُربان:- شعرج الفاحم كلش حلو
أريج:- شكراً
كملتي شكلي و وكفتني ع مراية تصير شويه طويلة باوعت شكلي وابتسمت برضاء ع منظري الجذاب“

لزمت اديه وبدأت تمشيني الدرج حتى ننزل ع طاولة  كبال زُخم وهي بصفي كاعده
زُخم:- طالعه حلوه أريج ٬
أريج:- يسلموا
باوعت الوجهه والرجفه الي صارت بيدها من بعد هل كلام
أريج:- بيج شي؟!
قُربان:- لا مابيه
ورجعت تكمل أكلها واني منطلقة بالسوالف وي زُخم لحد مشفت كلاص عصير البرتقال واكع ع فستاني
قُربان:- اوو سوريي ميد
صاحت ع خدامتهم حتى تجي تنضفلي فستاني واني نخبصت بس استغربت من شي؟ هذولة ليش هيج هادئين؟ كمت ع حيلي وطلعت للغرفه الي انطونياها ونزعت فستاني بقيت بالتيشرت والبنطرون وانتبهت ع باب يطل ع شوارع فتحته وانتجيت ع لمحجل وبديت ارجع ذكرياتي
-ليش عرفته ليش جان يوكفلي بالتقاطعات وين اختي او قُربان؛ شتقربلو متأكده مو صديقته واذا صديقته وين أهلها حسيت بصداع براسي لزمته قوي ودخلت ع غرفه اتمدد ع تخت وانتبصت عيني ع زاوية الغرفه فجيت عيني بخوف
- كاميرات؟ مُراقبه شدسوي هينه..

أيريم:-
واكعه اني والكرسي المربوطه بيها و وجهي مجعوص تجعص لحد مافك الباب وطب هو وخُرم
أيريم:- فجوني لا انعل والدي والديكم
سمندل:- ابا ابا صايره قويه
أيريم:- وغصباً ماعنخشمك اليابس فكني
سمندل:- خُرم فكها
خُرم:- حاضر
اجه عدل الكرسي وفك اديه ورجليه وبتعد من عني
أيريم:- هسه أكدر أولي
سمندل:- متردين تعرفين ليش عفناج؟
أيريم:- ابهرني
سمندل:- لكيت وحده تستأجر رحمها
أيريم:- يلا كون ماشوفكم بيباي
كمت امشي واني معصبه لحد ماعاط بصوت عالي وهو يكول
سمندل:- المتبرعه الشريفه.......

بيلا:- كملت المهمه
- تستاهلين فلوس الدُنيا كُلتها
بيلا:- مهمه صعبه بس كدرتلها
- فلوسج صارن بالبنك
بيلا:- تمام أنسه
ضحكت بخفة واني اتذكر احداث هذاك اليوم.

يتبع

يلا عيني خلصت فلوسكممم/!!

شنو تتوقعون يصير بالبارت الجاي؟

زيـنب أحمـد