زواج تقليدي كرونيك بزاف شابة 🔞🔞 العنوان: زواج تقليدي

الحلقة 60/61

60

قلعت ونا هارب.... امي من جيهة... تضغط عليا... لازم تزوج... لازم
اووه....
وصلت لدار... كانت ضلمة بين عينيا... دخلت ونعست
عند سارة
جبدت القش اليوم نصبن وننشرهم في البلكون ياربي ييبسو لازم نلم باه نشري مشينة تعاوني
انا هكداك حتى نسمع لاصونات في الباب
روحت فتحت صبت الفاكتور عطالي اندار.. من المحكة... سنيت وغلقة الباب ونا نرعش
غير الخير ياربي واش كاين...
فتحت الاندار
مكتوبة
لازم نسلم مفتاح 🔑الدار بعد تلات ايام لمولاها السيد ايوب.....
انا طحت في لرض.
واشمن دار نعطيعالو... ياك هادي ورتها علا بابا والله مايكحل عليها الرخيس...
بصح كي ندير ياربي
وعلاه 😭😭😭
هدو محبوش يخطوني علاه ياك مدرتله والو ما طلبت تعويض.. ما طلبت حاجة بالعكس
اهيء اهيء اهيء
😭😭😭💔
الكلب الرخيس الغدار
حاب ياخدلي داري حاب يخليني في الزنقة💔💔💔💔💔
شفت الساعة كانت الخمسة تاع العشية لبست ححابي
وخرجت روحت للمطعم
تلاقيت كريمة
سلام صرصرة وين كنتي
كنت عيانة ياختي عليها
مجيتش.. حبيتك تعاونيني
ايه نعاون ختي
شوفي روحي جيبيلي نميرو تاع سي وليد
كريمة... راكي بصح
حتى انتي طحتي فيه
سارة ياو باقيلي غير نعشق انا
لالا نسحقه في امر
صح استني
راحت..... واجات
هاكي جبتولك بعد مخاطر عصيبة 😅
شكرا ربي يحفضك ايا باي
روحت لدار عمرت الهضرا وصونيت
عرفة هاد الخطوا هي لي راح تساعدني ندمر ايوب كما هو راه حاب يدمرني
...
صورنا التلفون
..... كان ناعس محبش يريبوندي
ولا عاود صونا
ريبوندا بالزعاف
الو شكون
انا سارة مسيو وليد
وليد... شكون سارة
سارة.. انا تاع البارح
وليد ... اه سارة... واش راكي
سمحلي مسيو علابالي ديرونجيتك
وليد لا لا كنت ناعس برك
سيد وليد نحتاج مساعدتك
في واحد الامر
وليد ايه واش هو
.... بدات سارة تحكيله
الحكاية.. من البداية.
لنهاية
ناض وليد ودار مخدة تحت راسه
وقالها... علابلك سارة انتي حكايتك حكاية..
غدوا نتلاقاك في المحكمة وجيبي معاك اوراك الملكية تاع الدار
و دوك نجيب المحامي تاعي يساعدك
ولاكن بشرط
سارة 🤔واشن هو
وليد عندي شرط الا وافقتي عليه
راكي تربحي في القضية علا طليقك بكل بساطة لانه هو باينة راه مزور الاوراق
وغشك.
سارة واشن هو شرطك
وليد غدوا تسمعيه
سارة.... صح شكرا جزيلا مننسالكش هاد الخير
وليد... اقبلي شرطي ومبعد ساهل الحال
ايا بونويت يافرازة
61
نعست علا الشوك
من جيهت الدار خايفة تروحلي ونعشي في الزنقة 💔
ومن جيهة خايفة يكون الشرط حاجة منقدرش عليها
والله خايفة بزاف
وجدت الورق تاع الدار في الصاك
والمفتاح... ريقلت الرفاي ورقدت
عند وليد
طلبتني نساعدها حسيتها ضعيفة ووحيدة حبيت نساعدها
ونلقن هداك طليقها درس مليح ونوريه كيفاه يلعبو ببنات الناس
هيا تهضر معاية علا البروبلام تاعها
تفكرت يما وشرطها
تبانلي سارة احسن وحدة لهاد المهمة
مشي طماعة وزيد متحبنيش.. يعني مغاديش نلقى صعوبة معها
طلبتها توافق علا الشرط
ونا نساعدها
في الحقيقة... كنت راح نساعدها بدون شرط.
ولاكن كنت عارف مش راح توافق بسهولة كان لازم نحطلها شرط في المساعدة باه توافقالصباح عيطتلها
عند سارة.... تلفون يصوني.. رفدت الو
وليد صباح الخير
سارة صباح الخير سي وليد

سفا سارة
الحمد الله نتلاقاو مع 9:30
في المحكمة
ايه صح اني فايقة نلبس برك
ايا صح باي
كوبيت ونضت لبست وجدت روحي. هبطت وقبطت طاكس للمحكمة
وصلت دخلت وريحت.
صونالي... قالي وينك
قتلو علا بلاصتي
جاء لعندي
اهلا سارة
اهلا سي وليد.. نعرف بالمحامي عماد صديقي والمحامي ديالي.. متشرفين.. اسيدي
الاخت سارة اعطيني الاندار
هاهو.... صح اقعدي حتا يعيطنا القاضي
ريحت ونا نحك في يديا اعصابي حترقت
ونا نخمم... دار بابا هداك مبقالي
كندير لوكان يديهالي
وليد يحكي
شفتها قاعدة وخايفة تفرك في يديهاسارة متتقلقيش... واحد ميديلك دارك
سارة 🥺انشاء الله
عيطلي المحامي دخلت
صبت القاضي والمحامي ريحت قدامهم
قالي اعطيني اوراق الدار
عطيته بدا يشوف فيهم ومنبعد قالي يابنتي
منين طلقتي ممضيتيلهش علا تنازل للمنزل تاعك ليه
علا جال باه يطلقك
انا لالا سيادة القاضي هو بعتلي دعوة طلاق ونا جيت ووافقت علا الطلاق بالتراضي ولاكن المحامي تاعه عطالي اوراق نسني فيهم
مقريتهمش هاد الاوراق
لاني كنت عارفة انها اوراق الطلاق برك
تدخل المحامي وقاله هدا راه زور الاوراق ياسيدي
يعني دي ورقت تنازل عن المنزل بين اوراق الطلاق وعليها موكلتي سنيات بلا متعبى ونطلب من حضرتكم اصدار اقصى العقوبات علا هاد المزور... حكم القاضي عل ايوب بالحبس وودني تسمع ب 8سنوات حبسا نافدة
وغرامة قيمتها 100مليون
وخرجت من القضية رابحة 😍😍
وكلش بمساعدة وليد
خرجت برا قابلني وليد قالي بالبراكة عليك
من الفرحة عنقته... حسيت لازمني نعنقه كان سبب في فرحتي اليوم
قالي يالله اليوم لفطور عليا بمناسبة ربحك للقضيةدخلنا غيسطوغو علا سط لبحر
قبل لايتحدت وليد
قتله... وليد نشكرك علا وقوفك معاية اليوم خيرك حامي ننساه في حياتي
ونا الاطلب عيني نمدهالك لانك تستاهل
... وشرطك قابلة بيه بلا منسمعو
وليد سارة لازم تسمعيه
شرطي هو
انك تقبلي الزواج بيا
عندي امي راهي حابسة عليا لازم تزوج لازم
ونتي هيا لي تساعديني
شوقي هاد الزواج غادي يساعدك انتي ويساعدني انا
سارة مفهمتش
وليد انا ونتي راح نكونو مهنين يعني انتي متزوجة وهانية في دارك... ونا متزوج وهاني علا ميمتي باه متزيدش تتقلق مني
والزواج غادي يكون علا الورق فقط منقربلك ما والو المهيم نمتلو كأنو ازواجامي والضغط ديالها... وبزاف مشاكل اخرين خاب نليكيدي عليا هاد الناس.. سارة انتي الزوجة المتالية
ولاكن في حالتي ساعديني بر ك
سارة موافقة
وليد شكرا سارة وناراح نوعدك ما يخصك والو من جيهتي