7
النعاس مجانيش طار من عيني ونا نغلي كما الزيت.....
نضت روحت لدوش عندي موجود في لاشومبر... نحيت مكياج ورفدت شعري وعليته كعكة ولبست بيجامة خفيفة تاع الصيف... ودخلت بلاصتي وتغطيت كانت 4تاع الصباح... الناس الكل راقدة غير انا... حاولت نحط حل لحياتي وكرامتي من غدوا لازم نعرف رجليا من راسي... وهاد السي ايوب يطلقني.. مام انا نضور نعيش حياتي... الحمد الله بابا خلالي دار بسمي........
يعني عندي وين ندرق راسي... ومنقعدش تالفة... انا
تاني نفهم ... يعطيني ورقتي ويهنيني... موش هو عايش ونا دافني في الحياة
خممت نزيد نضرو علا خدمة كما قاتلي حنان.... الحياة متتوقفش عند راجل... ميستهلنيش
....
فات الوقت ونا نبني ونهدم في الافكار حتي شفت الحال صبح
تمى عيني غمضتها ورقدت
.....
الصباح مفقتش حتى مع 2تاع النهار..... نضت غسلت ولبس روبة بالخمار تاعها وهبطت لعند هم... تلاقيت باحلام.. في طريقي.. قاتلي صباح الخير
رديتلها... دخلت للكوزينة جبدت فنجان ☕وصبيت القهوة تشرب راسي كان ضارني... سهام دخلت عليا...
ايا فاقت الشمسية وينك اليوم
واله راسي ضرني
دخلت اسمهان وقالتلي... راسك ولا ضرتك
شفت فيها ومحبيتش ندير. النش مع الصباح... سهام... هاك اشربي هاد الدواء بلاك راكي تقربيتي بالبرد تاع الصالة مع اللكليما
... شربته ضربا وحدة من الزعاف
سهام... سارة ختي لازم تكوني قوية ضرتك راهي هنا وايوب... بايتين هنا البارح ومزالهم.. هنا
.... سهام ختي.. انا والله معلابلي بيهم ياك زوج انا اليوم يديرلي حل. نضت وخارجة لصالون. وسهام لاحقتني...
دخلت عليهم وقتلهم مساء الخير
كانو قاعدين الكل... عمر ومحمد شيخي... وايوب
وعجوزي.. اسمهان.. احلام...
قاع رضو عليا.... غير ايوب وهاديك مرته
ريحت قدام شيخي.. لي دايراته كما بابا
ВЫ ЧИТАЕТЕ
زواج تقليدي كرونيك بزاف شابة 🔞🔞 العنوان: زواج تقليدي
Подростковая литература❌❌ممنوع النقل نهائيا ❌❌ الكاتبة : Lili Lina زواج تقليدي🔞🔞 انا سارة... تزوجت زواج تقليدي.... منعرفش راجلي..... وجامي شفتو في حياتي نسمع عليه برك.... عندي 20سنة عايشة مع دار شيخي... نهار جاو خطبوني... لايوب هو مجاش.... او بالاحرى مبغاش يجي.... ونها...
