မျိုးကွဲများနှင့်ယှဥ်တွဲနေထိုင်ခြင်း

YOU ARE READING

General Fiction

💥New BL Coming Soon Title- Don't Discriminate Against Species Description ဖူလီက လောကကြီးကို မမြင်တွေ့ဖူးသော ကျေးလက်ဒေသမှ မိစ္ဆာလေးတစ်ယောက်ဖြစ်ခဲ့သည်။ မြို့သို့တက်လာပြီးသည့်အခါ သူ၏အကြီးမားဆုံးအိမ်မက်က အစိုးရဝန်ထမ်းတစ်ယောက်ဖြစ်လာပြီး သမိုင်းမှတ်တမ...

#no #same #type

မျိုးကွဲများနှင့်ယှဥ်တွဲနေထိုင်ခြင်း

Start from the beginning

by phyolay1991

တောင်ပိုင်းမင်းဆက်၏ လီအန်းတိုင်းပြည်...

အချိန်အပိုင်းအခြားကို မီတည်ကာ တောင်ပိုင်း လီအန်းမင်းဆက်၏ ၁၅နှစ်မြောက်မှာ CE ၅၁၆ ဖြစ်နိုင်ပေသည်။ လှိုဏ်ဂူထဲမှ နံရံဆေးရေးပန်းချီကို ပြုလုပ်ရန် ၃နှစ်ကြာပြီး ထိုရွာသားများက ဤနံရံဆေးရေးပန်းချီ ပြီးဆုံးပြီးနောက် ၂နှစ်အကြာတွင် ဓားပြအဖွဲ့များ၏ လက်ထဲတွင် သေဆုံးသွားသည်ဟု ဆိုနိုင်ပေသည်။

ထိုလူနှစ်ရာ သို့မဟုတ် သုံးရာ၏ သေဆုံးမှုတွင် သူရသတ္တိရော ခံစားချက်ရော မရှိပါပေ။ သူတို့၏ သေဆုံးမှုက တိတ်ဆိတ်မှုတစ်ဖြစ်သည်။ သမိုင်းကြောင်း ရှည်ကြီးတစ်လျှောက်တွင် မှတ်တမ်းများ မရှိပါပေ။

ဖူလီက နံရံဆေးရေးပန်းချီများကို ညင်သာစွာ ထိလိုက်သည်။ သူက ကုန်းဖုဆီသို့ လှည့်လိုက်သည်။ သူ့နှလုံးသားထဲမှ မွန်းကြပ်မှုနှင့် ဝမ်းနည်းသော ခံစားချက်က စကားလုံးများဖြင့် ဖော်ပြ၍ မရပါပေ။

သူကတောင် ဒီလို အခြေအနေဖြစ်နေရင် ကုန်းဖုရဲ့ ခံစားချက်တွေက ဘယ်လောက်တောင် ရှုပ်ထွေးနေ လောက်မလဲ...

သူက ထိုလူသားများကို နှစ်၁၅၀၀ တိုင်တိုင်မုန်းနေခဲ့သော်လည်း အဆုံးတွင် သူက ရေထဲတွင် အဆုံးမဲ့ ချုပ်နှောင်ခြင်းကို ခံရပြီး သူတို့က သူ့အတွက် သေဆုံးသွားသည်ကို တွေ့လိုက်ရသည်။ 'သူ'က အမှန်တကယ်ပင် ပြန်လည် ရှင်သန်လာသော်လည်း နတ်ဘုရား နဂါးတစ်ကောင်အနေဖြင့် ကောင်းကင်သို့ မပျံသန်းခဲ့ပါပေ။ ထိုအစားက သူက သမုဒ္ဒရာအောက်ခြေမှ လက်စားချေလိုစိတ်ဖြင့် တွားသွားထွက်လာသော မကောင်းဆိုးဝါး ကျင့်ကြံသူတစ်ယောက် ဖြစ်နေပေသည်။

ကံတရားက လူတွေကို အရူးလုပ်သွားလေသည်။

ဖူလီက ထိုညင်သာသော စကားလုံးငါးလုံးတွင် ပါဝင်သော အဓိပ္ပာယ်ကို နားမလည်ခဲ့ပါပေ။ ယနေ့တွင်မှသာ သူက ၄င်း၏ အဓိပ္ပာယ်ကို ဖမ်းဆုပ်နိုင်ခဲ့ပေသည်။ ထိုစကားလုံးငါးလုံးက အလွန်မှိုင်းညို့နေသဖြင့် အသက်ရှုပင် ကြပ်လာစေသည်။

ကုန်းဖုက ခပ်ဖျော့ဖျော့ လက်တစ်ချောင်းကိုထုတ်ကာ နတ်ဘုရား နဂါးက မင်္ဂလာတိမ်တိုက်များကြားတွင် ပျံသန်းနေသည်ကို ထိလိုက်သည်။ ကျောက်နံရံက ရေခဲတမျှ အေးစက်နေပေသည်။ ကုန်းဖု၏ အထိအတွေ့အောက်တွင် နတ်ဘုရား နဂါးက တဖြည်းဖြည်းနှင့် အမှုန့်အဖြစ် ပြောင်းသွားကာ ချိုင့်နေသော နေရာလွတ်တစ်ခုအဖြစ် ပြောင်းသွားလေသည်။