كرار صعدت وصعدت وراي دينيز تمددت وتمددت هي هم كلتلها
كرار: باجر نروح للمدرسة لازم تباشرين هواي تاخرتي
دينيز ☺: ان شاء الله تصبح على خير
ونمت كعدت بلخمسه صليت ونزلت نضفت البيت كلها نايمه بس شغلي لو شماصار ابقى اني الي انضف البيت وهذا واجبي كملت وكويت ملابس كرار وحضرت الريوك وصعدت بل ٦ ونص كعدت كرار وكام غسل وبدل ونزلنه كعدت الكل واجوي ع الريوك
الحجية : هاي منو نضف البيت
دينيز: اني ليش بي شي غلط
الحجيه : بيش ساعه كعدتي
دينيز: ويا الاذان صليت ونضفت
الحجيه :يمه عوفي التنضيف واهتمي بدراستج
دينيز: لاعادي ماما
الحجية: يمه تكعدين من الخمسه ميصير تتعبين وتروحين بلمدرسه متركزين ماريد مناقشه التنضيف بعد ماعليج بي حالج من حال سحر
دينيز : شكرا ماما
كرار: يله تاخرتو كومو بدلو
سحر ودينيز: كمنه
بدلت ونزلت ديلان: ها شلوني
الحجية : اللهم صل على محمد وال محمد عين الله تحرسج
دينيز : يله ماما موااح💋 بيباي
سحر : بيباي بيبي
كرار: هوووب هووب
دينيز وسحر: نعم
كرار :وين رايحين اني اوديكم
سحر: اني متاكدة مو علمودي دتوصلنه🤗
كرار: سمر مو تحسين كاعد تتجاوزين بل حجي
سحر : اسفه بابا والله موقصدي
كرار ضربتها على راسها : يله هبل امشو
صعدنه سحر ليورا ودينيز بصفي واني اسوق وصلنه للمدرسه ونزلت وياهم طبيت للمديرة ودينيز وسحر وراي
كرار: السلام عليكم ست
المديرة وكفت : وعليكم السلام اهلا وسهلا شيخ كرار نورت المدرسه بوجودك
كرار: شكرا ست جايج بطلب
المديرة : اكيد تفضل شيخ خوما اكو مشكله ويا سحر ان شاء الله محد زاعجها
كرار : لا الحمد لله بس زوجتي راح تداوم هنا ويا سحر ولو متأخر ادري بس جان عندي ضروف وماكدرت تداوم
المديرة : طبعآ اهلا وسهلآ بيها
كرار: تفضلي ست هاي الوثيقه
المديرة : اللهم صل على محمد وال محمد ماشاء الله مستوها كلش زين مينخاف عليها
كرار : شكرا ست استأذن اني وماوصيج بعد على دينيز
المديرة : بعيوني هلا بيك استاذ
وطلعت : يله راح اروح اني محتاجه شي دينيز وانتي سحر محتاجه شي
سحر ودينيز : لا شكرا
كرار: سحر ديري بالج عليها
دينيز: غير اني الجبيرة واني ادير بالي عليها
كرار: هههه يله اني اروح
دينيز : مع السلامة
وطلعت واحس عفت كلبي اول مرة اعوفها وحدها برة ضليت عشر دقايق كدام المدرسه تالي صعدت سيارتي وطلعت للمصنع
دينيزداومت ورحت للمدرسه شعور كلش حلو واني اداوم عبالك الحياة ردت بيه الامتحانات الي فاتتني حسبوها ع الشهر الثاني مال شهرين وضليت اداوم صار ١٠ ايام وعادي من البيت للمدرسه كرار يوميه يوصلنه ويرجعنة دامشي بلممر مال مدرسه اني وسحر انلطخت بوحده بلغلط
دينيز: اسفه
البنية : وثول شبيج متشوفين
دينيز: مو كتلج اسفه ليش تتجاوزين
البنية : اكلج انتي مو فصلية الشيخ كرار
سحر : لا هاي مرته للشيخ كرار
البنية : لا سمعت هاي الفصلية اليتيمة الي اخذوها لان ابن عمها كتل الشيخ وسام
دينيز اسمع البنات وكفن حولي ويكولن صدك هاي الفصلية عزززا صغيرة كمت ابجي ورحت بلساحه جتي سحر تركض وراي
سحر: معليج بيها هي تغار
دينيز: لا حجيها صحيح اني فصليه الشيخ كرار ماحجت شي غلط
سحر: دينيز لتكوليلي تأثرتي بحجي هاي المايعه
دك الجرس وطلعت للشعبه مالتي وعيوني مورمة من البجي جتي المدرسه : شبيج دينيز
دينيز : مبيه ست
المدرسه : متاكده عبالك جنتي تبجين عينج حمرة
دينيز : متاكده ست
وخلص الدرس والورا والورا وحلينه طلعت لكيت كرار دينتضرنه صعدت بصفه وسحر ليورا
كرار: سلام شلون الدوام اليوم
سحر: عادي
كرار وهو يسوق السيارة :شبيجن ضايجات
دينيز: مبينه
كرار وكف السيارة ورفع وجه دينيز : هاي شبيج ليش عيونج مورمة
دينيز : مبيه بس مجاوبت بل امتحان
كرار: سهله هي على الامتحان شدي حيلج بلشهر الجاي وشغلت السيارة ووصلنه للبيت وصعدت دينيز ضايجه وبدلت وبدون غدا نامت
الحجية : شبيها دينيز متتغدة
كرار: ممجاوبة ب الامتحان وضايجه
الحجية : يمعود على شنو زعلانه هو امتحان
كرار: عقليتها شسويلها يله اني اروح انام صعدت لكيتها فارشة بلكاع جيت كعدت بصفها نايمه عجيبة ليش نايمه بلكاع ماردت اكعدها واضوجها تمددت بصفها بلكاع ونمت حسيت العصر هيه كامت وطلعت
اووف شبيها كالبة وجها علمود امتحان بدلت وطلعت لكيتها دتاكل بلمطبخ طلعت متفق ويا اصدقائي نطلع للصيد
عمار ( صديق كرار) : يسوري شلون صار زوجتك
كرار اعصابي فولت هذا شلون يسأل هيج سؤال ومنين يعرفها: ليش تسأل ومنين تعرفها😠
عمار: والله ماعرفها بس اليوم بت اخويه شايفه البنات مضوجاتها بلمدرسة وكايمه تبجي وضل بالي
كرار: بشنو مضوجيها
عمار: اا
عمار: ااا
كرار: عمار جاوب بشنو مضوجيها
عمار : شغلت الفصلية و
كرار: كافي عمار افتهمت استأذن اني
صعدت سيارتي تجذب عليه ليش ماكالتلي واني اكول ليش ضايجه مو شغلت امتحان وصلت للبيت جانت تقرأ بلصاله ماردت اضوجها واذكرها بلقصه رحت لسحر للغرفه فتحت الباب وطبيت
سحر: ها يابة محتاج شي
كرار: هيج سحر صارت مو وصيتج على دينيز
سحر: والله دافعت عنها بس هي كامت تبجي وانهزمت
كرار : وليش ماكلتيلي
سحر : دينيزماقبلت اكلك
ياسر: هيج شي متضمي عني يصير اعرف من الغريب وماعرف من بتي
سحر : اسفه بابا
كرار: سهله سهله بس لتكوليلها اني ادري تمام.
سحر: ماشي
وطلعت رحت كعدت يم الحجيه وحجيت وياها صبو العشا وتعشينه وصعدت لكيتها تقرأ
كرار: يله دينيز تعاي نامي هواي قريتي وراج دوام نامي من وكت
دينيز : منعسانه واصلا باجر ماداوم
كرار : ليش متداومين
دينيز: عندي امتحان عكب باجر صعب واريد اكعد باجر اقرأ
كرار : عكب باجر جمعه يعني امتحانج ع الاحد وعندج يومين تقرين بيهن
دينيز: بس
كرار : بدون بس غصبآ ماعليج تداومين كومي نامي عاد
دينيز كمت ودرت ضهري عليه اجه حضني ونام بكوة نمت ماريد اداوم واشوف البنات ونفس النضرات مالتهن صار الصبح كعدت بدلت وكعدته وطلعنة وصلنه للمدرسة ونزلنه ورا عشر دقايق دك الجرس وصار الاصطفاف رفعنه العلم والنشيد الموطني وكلمة الادارة خلصت المراسيم جان تطلع المديرة من وكالت عندي موضوع مهم قبل لتنسحبون للصفوف وعندي ضيف الكل كام يصفك جان يفوت كرار للاصطفاف😳😳😳😳😱😱😱😰😰😰😨😨
عزززا هذا شيسوي هنا واسمع البنات يتهامسن بيناتهن عليه
المديرة: طبعآ الكل يعرف الشيخ كرار تفضل شيخ
كرار : السلام عليكم مثل متعرفون زوجتي موجوده هنا بلمدرسة وسمعت اكو طالبات ديزعجوها بلكلام بس اريد اكوللكم الي يحجي كلمة او يتعدى على دينيز يعتبر نفسه ديتعدى عليه والكل يعرف الي يتعده على شيخ يكعد فصل زوجتي مو فصلية زوجتي هي زوجتي وام بيتي وام اطفالي
المديرة : الطالبة الي تجاوزت على دينيز خلي تطلع وتعتذر منها كدام المدرسة كلها لو تعتبر مفصولة
وطلعت البنية وكفت بنص الساحه واني طابه بهدومي جان تصيح المديرة دينيز اطلعي البنيه تريد تعتذر منج الطالبات يدفعني يردوني اطلع وامدرسات يصيحون عليه اني مقبلت اطلع ودموعي كامت تنزل كرار باوع عليه اشرتله براسي بمعنى لا كال شكرا ست ماكو داعي بس اتمنى مرة ثانية متقترب من دينيز وطلع واني رجلي اختضت خض خلص الاصطفاف وصعدت لصفي وكلها بلصف تباوع علية وخايفين مني اوووف شسويت كرار فضحتني وطبت المدرسة وهم تباوع عليه وخلص الدوام ولاطالبه تحاجيني ولا مدرسه تحاجيني طلعنه بلحله شفت كرار دينتضر صعدت ليورا
كرار: وين كاعدة تعاي هنا كعدي
دينيز: هزيت جتفي بمعني مااجي
كرار: تعاي لتعصبيني
دينيز: ما ما ما مااجي
كرار : سهله اوصل للبيت واشوفج المن تعاندين تعاي سحر كعدي ليكدام لتكعدون ليورا ثنينكم عبالك السايق مالتكم نزلت سحر وكعدت بصفي والطريق كله اباوعلها بلمراية هاي شبيها كالبة وجها بدون سبب وصلنه ونزلت صعدت للغرفه بدون متحجي صعدت وراها وطبكت الباب : شبيج كالبة وجهج وتعاندين
دينيز : ليش تجي للمدرسة بدون متكلي
كرار: جيت ارد اعتبارج وحضرتج ليش ماكلتيلي هيج يحجون عليج بلمدرسة
دينيز: هسه عجبك كبرت المشكلة
كرار: ليش احد حاجاج شي
دينيز: لا محد حاجاني كلها تخاف مني محد يحاجيني كله من وراك
كرار : وليحاجوج احسن دازج تروحين تدرسين لو تطكين سوالف ويا الطالبات
دينيز بصياح : مو بس الطالبات حتى المدرسات ميحاجوني انته دمرت حياتي اكرهك(محسيت الا واجاني طرررررراخ👋 )
كرار : ديري بالج تصيحين وتعلين صوتج عليه اياج ثم اياج
دينيز ودموعي تنزل : اكرهك اكر وسد حلكي
كرار بعصبيه : اذا سمعت هاي الكلمة منج اشك حلكج عفتها وطلعت وهي كامت تبجي طلعت للمزرعه بقيت للعصر ورجعت لاصدقائي وطلعت وياهم للصيد ماريد ارجع للبيت واشوفها مااريدها تكول اكرهك هل كلمه توجع كلبي رجعت بل١١ بليل ورا ماضليت افتر بلسيارة طبيت كلها نايمه رحت للغرفه فتحت الباب لكيتها نايمة ع الجرباية ادري بيها منايمه متكدر تنام بدوني كعدت يمها لزمت شعرها عيونها مورمه مبينه هواي باجيه نمت بصفها وحضنتها حسيت قبل صلاة الفجر تحاول تحل ايدي وتكوم حضنتها قوي حتى متكوم دك موبايلي تجاهلته طولت دكته الموبايل على الكومدي الي على الجهة النايمة بيها رفعت نفسي داجر الموبايل صارت جواي غمضت عينها بقوة ضليت صافن بوجها اول مرة اقترب هلكد منها فتحت عينها ورا ما سكتت رنة الموبايل اباوع بعيونها وهي تباوع اقتربت منها واحس بانفاسها ويا انفاسي ندكت الباب وصوت صياح وعياط كمت ع السريع وفتحت الباب ام سحر تبجي وتكول : عم...عمي ان.انطاك..عم.عمره
كرار : شنووواا
