فصليتي اليتيمة.
لا سلطـة لنـا على قلوبنـا هى تنبـض لمـن أرادت …!”
ام سجى : حاضر
وراحت للمطبخ صبولنه الغدا اني واخوتي وابن عمي كملنه وابن عمي راح صعدت لغرفتي فتحت الباب وطبيت لكيتها نايمة مبينه تعبانه تقربت وكعدت ع الجرباية بصفها واباوعلها والله ايدي طابعه بوجهة خطية جريت اللحاف ونمت بصفها ضليت بعيد عنها واباوع ومحسيت على نفسي الا ونمت وحسيت على نفسي العصر وهي تجر نفسها من جوة ايدي
دينيز بجيت وبجيت وبجيت ونمت محسيت الا العصر شي خانكني كعدت باوعت الساعه بل٤ ونص باوعت شي حاصرني ندارين بصفي نايم كرار وايده على خصري بس هو ضخم وثكيل وراسة على جتفي حاولت اسحب نفسي من جوة ايده بس ماكدر كلش ثكيل جريت بنفسي هو كعد ضل صافن بوجهي واني احاول اطلع من ايده رفع ايده من فوك بطني واني كمت ع السريع جنت لابسة ملابسه لان ملابسي مبلله ووصخات كمت للحمام وغسلت وجهي
كرار: فتحت عيني واباوعلها بين ايدي وتحاول تنهزم بس عبالك بزونه بيد اسد متكدر تتحرك حليتها وطبت للحمام ع السريع واني ضليت صافن واحجي ويا نفسي اول مرة انام الضهر واول مرة ارتاح بنومتي محسيت على نفسي دائمآ كوابيس واحلام وشلون نقتل ابوية كدامي بس هسه نمت بدون ما احس على نفسي شديصير بيه ، طلعت من الحمام وضلت واكفه يم باب الحمام واني اباوعلها كمت داروح للحمام جان تبتعد ع السريع عبالك راح اكلها طبيت للحمام سبحت واني تفكيري بيها وب الي ديصير بيه طلعت بدون ما احجي شي جريت تراكسود اسود من الكنتور وطلعت صعدت سيارتي وشغلتها ورحت وكفت كدام محل ملابس نسائية طبيت وابو المحل يباوعلي مصدوم
كرار: السلام عليكم ابو محمد
ابو المحل( ابو محمد) : وعليكم السلام شلونك ابني كرار؟
كرار الحمد لله بخير وانته؟
ابو محمد : الحمد لله خير كرار صاير شي اول مرة تجي للمحل
كرار: والله جيت ( شلون موقف استحي احجي قابل اكله جاي اخذ ملابس لمرتي واني ابن شيوخ) مممم ورحت افتر بلمحل جتي عامله تشتغل بلمحل
العاملة: تفضل استاذ شمحتاج؟
كرار: مممم اريد دشاديش نسائية
العاملة : شكد قياسها ؟
كرار 🤔: والله مادري بس ناعمة كلش
العاملة : يعني مال اطفال؟
كرار : لا يا اطفال لزوجتي
العاملة : اسفه استاذ
كرار اباوع حاير ماعرف قياسها باوعت لكيت بنيه دتشتري ملابس كلتلها
كرار: نفس قياس ذيج البنية👈👧
العاملة : اها عرفت قياسها يانوع تريد
كرار : بكيفج خلي بس مستورات من كل نوع وحده
العاملة : تمام
وراحت تاخذ من كل نوع وجابتهن اخذتهن
كرار : شكرا
العامله : بلخدمه اهلا وسهلا ورحت للعاملة الي على الحساب
خليتهن كدامها بس شكد سعرهن حسبتهن وكالت ٩٠ الف اخذتهن وطلعت باوعت ساعه بلخمسه صفنت ورحت لكيت سجى دتروح للبيت وكفت ودكيتلها هورن
سجى : ها عمو السلام عليكم
كرار : وعليكم السلام تعاي صعدي وصلتها وطبيت شايل العلاليك وصعدت لكيتها تعدل بملابسي بلكنتور
كرار : هاج وذبيت العلاليك ع الجرباية ، هي ندارت وتباوع ع العلاليك
دينيز : هاي شنو
كرار 😡عفتها وطلعت
دينيز كاعده داعدل ملابسة لان استحي اطلع من الغرفه ووجهي بعده ازرك انفتحت الباب وطب ذب علاليك ع الجرباية سالته ذني شنو مجاوب وطلع فتحت العلاليك جايب دشاديش 😨هاي هوة جابهن ذوق بنية هاي منو جابهن اكيد مو ذوقه
لبست وحده ازرك سماوي وبيها صورت ميكي ع البطن وكعدت والله حلوة قررت انزل شسوي يعني ابقى محبوسة بلغرفه همه اصلا يدرون بي اكيد يضربني ضميت خدي بلشال ونزلت هوة جان واكف ويا امه ويحاجيها رفع راسة وضل يباوع وراها ترخص من الحجيه وطلع وبديت مرة ثانيه انضف لل٧ ونص بليل اجه كرار واخوته صعد بدل ونزل تعشينه غسلت المواعين وصعدت دنام وهو ضل يحجي ويتعلل ويا اهله فرشت بلكاع بس مانمت ضليت ممده ( اخاف انام وحدي😓) حسيت بي فتح الباب غمضت عيني حسيته ديقترب مني ونزل كعد كبالي واني مغمضه وميته خوف انفاسه صارت بوجهي وابتعد الحمد لله
كرار: نعست ترخصت من اهلي وصعدت طبيت للغرفه الاضوية طافيه بس كلوب صفر مفتوح وهي نايمه بلكاع تقربت منها قربت وجهي انكمشت عيونها حيل عرفتها كاعده وجفنها يتحرك بعدت عنها ورحت تمددت بفراشي بس مانمت انتضرها هم تجي تنام يمي مرت عشر دقايق واني انتضر دارت وجهة غمضت عيني هم حسيتها جتي ع الجرباية ونامت بصفي واني اليل كله كاعد واباوع بوجهة لل٣ ونص احضنها وانام احس بل ٥ ونص وهي تجر نفسها من جواي بس ما احسسها اني كاعد وهي تكوم تصلي وتكمل وتكعدني وبقينه على هاي الحالة اسبوع كامل هي متحسسني انو هيه دتنام بصفي ولا اني احسسهة ادري بيها تنام بصفي بس تعودت ماانام الا واني حاضنها
بليل كملت العشا وراحت غسلت المواعين وكعدنه نتعلل طولت السهرة لل١٢ وربع واني نعست وهي ماصعدت استغفر الله شوكت تصعد قفلت عيوني
,
رحتلها للمطبخ اني طبيت سجى حست عليه وطلعت
كرار: راح انام
دينيز : تصبح على خير
كرار : كومي كدامي اصعدي
دينيز 😶:ليش
كرار: ووجعيش شكو باقيه جوة ورجلج نايم وولد عمي زلم غربة كاعدة جوة امشي كدامي
دينيز : كمت وكامت صعدت قبلي طبيت للغرفه لبست بجامة سودة وفانيلة وتمددت وهي ضلت تباوع🤤
كرار: شبيج
دينيز: ليش نزعت تيشرتك
كرار : غرفتي وبكيفي وانتي شعليج
دينيز مجاوبته ونمت بلكاع
دينيز وية نفسه : عززا هاي شلون راح انام بصفه اليوم وهو مصلخ ضليت للوحده اتكلب واخاف اكوم انام بصفه بحياتي ماشفت احد بلفانيله تشجعت وكمت نمت بصفه بس بعيد عنه وغفيت من التعب اليوم نضفت البيت كله
كرار : اني ميت تعب وهاي لحد الان مجتي تنام بصفي شلون ياربي واباوع للساعه بلوحده تحركت واخيرا راح تجي غمضت عيوني وجتي نامت بس بعيد عني سويت نفسي نايم وتقربت منها وحضنتها حسيت نفسها تسارع ونبض كلبها جوة ايدي يدك طبل مبينه خايفه مرت نص ساعه بكوة نامت
دينيز هذا اجه حضني واني مدري شصار بيه جسمي ارتعش وهو ايده مصلخه وكلبي يدك حيل قوي بكوة نمت كعدت بل٥ ونص كالعاده صليت وكملت وكعدته ورجعت نمت بمكاني وهو طلع للحديقه للسته ونص كعدت نزلت احضر ريوك خليت الجاي ع النار وسجى كعدت وراحت تحضر نفسها للمدرسه
عمر ابن عم كرار: صباح الخير
نداريت : صباح الخير وكعد على الكرسي واني كملت الريوك فات كرار للمطبخ جان يصيح دينيز جفلت ونداريت ديلان : نعم وعيونه تجدح نار
كرار : تعاي وياي
دينيز: ببس اصب الجاي واجي
عمر طلع من المطبخ
كرار: داكلج تعاي وسحبني من ايدي وصعد لغرفتنه شمرني بلكاع
دينيز : اخخخ وجعتني شبيك من الصبح
كرار : ك---- بت ال---- بت ال------
دينيز : شبيك لتسب اهلي
كرار : سافله وطراااخ 👋 طايحه الحظ وطررااخ👋
دينيز تبجي : شبيك شسويت اني
كرار طبيت للمطبخ شفت دينيز تحضر الريوك و عمر كاعد يباوع عليها نضراته نضرات رغبة بيها الغيرة يمي فولت تمنيت ابط عيونه شلون يباوع على شي مالتي ممتلكاتي عصبت على دينيز صح هي ممنتبهة على عمر بس جان المفروض من يطب للمطبخ تطلع
جريتها وصعدتها للغرفه ونزلت عليها راشديات
كرار : ادبسز وج كاعده والولد يباوع علليج
دينيز تبجي وتشهك : والله دضر الريوك معليه بي
كرار: اشششش ولانفس👋طرراخ لو شريفة جان طلعتي من المطبخ مو تبقين وحدج ويا
دينيز : والله جانت بت عمك ويانه مو وحدنه مادري شوكت طلعت
ضربتها راشدي الخ 👋👋 انتهت جوة ايدي بس تبجي وتشهك ووجهة تحول من الابيض للازرك وعلامات ايدي على وجهة جريتها وكفتها ع الحايط وخنكتها
كرار : قسم بمن احل القسم اذا لكيتج نازله فد يوم وعدنه احد بلبيت اطلعج جنازة من هل بيت وحليتها هي وكعت بلكاع لمت رجلها لصدرها وكعدت بلزاوية تبجي واني دموعها وشهكاتها تنزل سجاجين بكلبي عفتها وطلعت وطبكت الباب وراي بكل قوة نزلت ع السريع طبيت للصاله ديتريكون جريت عمر من ياخته ووكفته ونطيته بوكس 👊👊وبوكس الخ كتله
كرار: انته متستحي تخلي عينك على مرت اخوك 👊وبوكس
عمر : شبيك كرار على بختك اني ابن عمك واخوك وبعدين هاي مو مرتك هاي الفصليه الي اهلها كتلو اخوك
كرار: متحملت ونطيته بوكسات وكعته بلكاع وكفت عليه واضربه👊👊👊✊️👋 تدمه جوة ايدي
الحجيه : شبيك كرار تتعارك ويا ابن عمك وعضدك وساعدك علمود فصليه
كرار بصياح : مو فصللللللليه هاي مرتي غصبآ على اليقبل والي ميقبل مرتي مرتي مرتي تفتهم لو لا وضربته بوكس الخ👊 وكتله عمر بحياتك متطب لهذا البيت بعد وطلعت ركبت سيارتي واسوق سريع وكفت بنص الجولة ونزلت واصيح واصيح مو فصلللللللليه هاي مرررررررررتي مرتي كعدت وصوتي راح واني اصيح احببببببببببها الله يلعن كلبي احببببببها ليش ربي زرعت حبها بكلبي وهية عدوتي ليش ليش وضليت اصييييح ساعتين تاليها كعدت بسيارتي واني افكر بيها محسيت على نفسي نمت كعدت دنيا صايرة ليل شكد نمت واني ماحاس بنفسي شغلت سيارتي وطلعت للبيت طبيت كاعدين يتعشون بس دينيز مو وياهم
كرار : السلام عليكم
محد جاوب بس سجى : وعليكم السلام يابة اسويلك عشا
كرار :لا بابا تعشي انتي ماريد السلام لله لو هيج صارت بينه
الحجية : عمامك يردونك الساعه بل٨ يعني بعد نص ساعه
كرار : ماشي دينيز وين ؟
سجى بغرفتها قافلتها ومتقبل تفت( قاطعتها امها انلصمي واكلي)
كرار : عفتهم وصعدت فتحتها متنفتح دكيتها
كرار: افتحي الباب
متفتح
كرار : دينيز افتحي الباب
سجى وراي: متفتح تخاف
كرار: ليش تخاف
سجى دنكت راسها عرفت اهلي مسوين شي دكيت الباب بقوة افتحي اني كرار تفتحين لو اكسرها رجعت ليورة داكسرها فتحتها على النص دفعت الباب وطبيت لكيتها كاعده بلكاع وبعدها تبجي وملابسها مشككة فوكاها عصبت وعيوني جدحت
كرار : هاي شبيج دينيز منو سوة هيج بيج؟
دينيز متجاوب بس تشهك
كرار بصياح : داكلج منو هيج سوة بيج ؟
دينيز : اه- شهكه اهل شهكه اهل-ك
كرار اعصابي فورت اني طلعت اريح نفسي وعفت بزونتي بيد الذياب
كرار: اني اعلمهم كمت بعصبيه لزمت ايدي
دينيز : لا -- شهكه لا عفيه - شهكة
كرار: وج شلون يمدون ايدهم عليج
دينيز : ليش تعاتبهم احجي على نفسك انته قبلهم مديت ايدك -- شهكه عليه
كرار صيحت : اااااااااااااااااااااااه
هي خافت وخلت ايدها على اذنها عفتها وطلعت نزلت باوعت لامي
كرار بعتاب : هيج يمه هيج اعوف مرتي هيج تملخيها عفتهم وطلعت رحت للديوان مال عمي عمامي رايديني هناك طبيت اباوع عمر هناك كاعد مورم وعمامي كلها كاعده
كرار: السلام عليكم
الكل: وعليكم السلام
عمي: هاي مارجيناها منك يا كرار تضرب اخوك وابن عمك وعضدك وحزام ضهرك علمود مرة ومنو المرة فصليه بت اعدائنا وكتالين ابنه
كرار : عمي من تكول اخويه وعضدي وحزام ضهري يصير الاخ يباوع على عرض مرت اخو حتى لو جانت فصليه هي مرتي كدام الله وكدام الكل وان كانت بت اعدائنا اسمها مسجل ويا اسمي وماقبل كائن من يكون يباوع على عرضي واني لوما ابن عمي جان خليت طلقه بنص جبينه
عمي: اسكت لا تكمل عمرررر وكام عليه ونطاه راشدي👋 ماكتلي باوعت على مرت اخويه ماكتلي خنت امانتكم واباوع على اعراض الناس متستحي
عمر: اسف بوية مجان قصدي
كرار : عمرررر لتفور اعصابي
عمي: اهدى ابني كرار اهدى الي تريده يجرالك اعذرنه
كرار: كلكم على عيني وراسي بس عمر بعد ميطب بيتي ويباوع على عرضي
عمي : جرالك ميطب بعد سمعتو عمر ميطب لبيت كرار بعد
كرار: مرة خصتكم تعبان اروح ارتاح
الكل : الله وياك وميصير خاطرك الا طيب
طلعت رحت للبيت لكيتها نايمه بلكاع ومتغطيه
كرار تقربت منها رفعت الحاف من فوك راسها واباوع لوجها ازرك وعلامات ايدي على وجهة وعيونها مورمه من البجي نكسرت ايدي ان شاء الله كمت تمددت ع الجربايه واني انتضرها تجي تنام ماجتي صارت بلوحده وبعدها مجتي كمت وكعدت بصفها
كرار : دينيز دينيز اووه دينيز كومي دحاجيج
دينيز بصوت مبحوح من البجي : ن ننعم
كرار: جوعان كومي سويلي عشا
دينيز : ماريد انزل واحد يشوفني وتضربني مره ثانيه تعبت
كرار ويه نفسه ( نكسرت ايدي هيج اذيتها صدك اني وحش وبدون رحمة حتر الاحبها عذبتها ) : كومي ماكو احد واني انزل وياج بس والله ميت جوع
دينيز كمت وطلعت لللمطبخ فتحت الثلاجه وطلعت الاكل داحمي نزل وراي وكف ع الكاونتر احسه يتفحصني بنضراته مرفعت عيني وباوعتله كلش أذاني وحتى ما اعتذر واني الي جنت احس بي أماني احس ويا بألامان الي ما احسه ويا عمامي واهلي
دينيز :كملت تفضل
كرار: اتعشى فوك
صعدت العشا واني اباوعلها تمشي كدامي ع الدرج خلته ع الجربايه وراحت تنام بلكاع
كرار : وين رايحه
دينيز : انام
كرار: تعاي تعشي وياي
دينيز: ماريد بلعافيه 😾 شبعت كلش هواي اليوم 😢(تقصد الكتله شبعتها)
كرار تنهدت : استغفر الله تعاي تعشي
دينيز : ماريد شعليك بيه
كرار ( شلون اقنعها 😎جتني فكرة) : ومنو كلج اني علمودج بس اني ماعرف اكل وحدي
دينيز ويه نفسها: شكد نذل بس صدك جوعانه لاريوك ولاغدا ولاعشا
كعدت كباله واكل وهو بس يباوع عليه واني مرفعت عيني بوجهة كارهته كملت وكمت دانزل الصينيه
كرار: عوفيها ع الميز
دينيز : لا انزلها احسن
كرار : كلت عوفيها ع الميز
دينيز : بعد احسن ، عفتها ورحت تمددت بلكاع اريد اكوم انام بصفه بس حاقده عليه بعد الي سوا اليوم ضليت لل٢ واني اتكلب بفراشي لا اكدر اكوم بصفه ولا اكدر انام بمكاني خايفه غمضت حاولت انام محسيت الا احد حضن خصري من ورا 🤤🤤🤤
تحركت داندار
كرار: لتتحركين اثبتي
دينيز : كوم شتسوي هنا كوم بفراشك
كرار : ما اريد انام هنا
دينيز : دكلك كوم
كرار : رجلج وغصبآ ماعليج انام يمج واسوي اكثر
دينيز 😰😨: عفيه كوم
كرار: احد ماكلج تعلميني وتعوفيني
دينيز: 😶شنو مفهمت
كرار : مليت صار ساعه انتضرج تجين تنامين بصفي
هموم هواك ما خلــــــــن .. علي حال فريضة وحبك مــــــــــــــــــــن الله .. علي حال يالتنشد على حالـــــــــــــــــــي .. علي حال شيفيد النشد عالصار بيـه
بنات شكرا علة تعليقجن ومتابعتجن. احبجنننن
