فصليتي اليتيمة
حبايبي لاتنسو التصويت من نجمة +التعليق بين الفقرات + متابعة لحسابي الاواتباد 💖
دينيز : كعدت الصبح بدلت وطلعت صار اسبوعين من بدأ الدوام وطلعت لصديقتي رهف ومشينا للمدرسة وصلنا وانتهى الدوام ورجعنه دنحجي اني ورهف قبل لنطب للطرف انتبهت اكو سيارات عمامي وولد عمامي كلهم وهوسه بلشارع زلم طابة وطالعة نقبضت روحي رحت اركض من باب الخلفية ويا رهف وشفت مرت عمي تلطم وتبجي وهدية كاعده وتبجي والجوارين يمنه وبنات عمي والبيت مكلوب واحجي اريد افهم شنو الموضوع محد يجاوبني شفت سارة(بت عمي عمرها ١٢ سنة)
دينيز : سارة شكو شصار
سارة : احمد تعارك ويا واحد وضارب راسة بلرصيف والولد منفجر دماغه ومات
دينيز :نصدمت وكمت ابجي واواسي ب مرت عمي وهي تبجي وتصيح ابني راح ياخذو يكتلو افتهمت ماخذي للمركز وهو هسه مسجون والي كاتله ابن شيوخ وعمامه يردون الدم بالدم لليل خفو الجوارين كاعدين ننتضر اجه عمي وكال عشيرة الولد كوة قبلو نكعد نفصل باجر يجون تحضرو بلكي تنحل وصعدنه كل واحد لغرفته بس محد نام اليل كله نفكر بمصيرنه واحتمال يقتلون عمي واحتمال يحركون البيت واحتمال الدم يوصل للركب نمت بل٣ حسيت بل٥ هوسه البيت ديحضرون علمود الشيوخ الي راح يجون كمت ساعدتهم وكلنا ندعي اليوم يمشي على خير وبدون مشاكل صار بل١١ وصلت السيارات ماكدرت احسب السيارت هواي سيارات سدو الشارع ونزلو مسلحين ومخيفين طبو للاستقبال وقسم راحو
لبيت عمي الي بصفنه لان ميكفي استقبالنا وكعدو يتفاهمون واهل الولد يصيحون ويعيطون وبس يكولون الدم بالدم طلعو الشيوخ وهمه يهددون
دخلنا بعد ماطلعو وعمي كاعد وحاط ايده على راسة وعمامي كاعدين مهمومين وولد عمامي واحد صافن بوجه الخ مرت عمي : خير شصار ابو هدية احجي راح يطلعون ابني
عمي (ابو حيدر ): اهدي ام هدية جبير العشيرة العم كال نقبل بفصلية لو نكتل الولد
ام هدية : يمه عززززة العزززاني راح ابني راح
ابو هدية : اسكتتتي ميصير شي عليه راح ننطيهم الفصلية
ابو حيدر : شنو تنطيهم فصلية ماعدنه بنات كلها صغار واني بناتي جبيرتهن ١٤ سنة ما انطيها علمود خطأ احمد المتهور
ابو هدية : دينيز الفصلية
دينيز : شنوووو شنو فصلية
ابو هدية : يعني تزوجين واحد من ولدهم
دينيز : ما ماا اتزوج اني اكمل دراسة
عمار( ابن عم دينيز ): ماكو محد ينطي دينيز دينيز اني اريد اخطبها
ابو حيدر : انجب ننطي اختك احسن
دينيز : يعني بنتك اعز مني اني بنت اخوك تنطيني شنو ذنبي ودخلت لغرفتي ابجي اجتي ورا ساعه مرت عمي تبجي وتتوسل عفية دينيز اقبلي لخاطري ابني راح يضيع مني بس انتي تنقذي
دينيز : عمه اني شنو ذنبي هو غلط اني ليش تدخلوني وتنهون مستقبلي
مرت العم : انتي اذا تروحين فصلية تضلين عايشة بس ابني يموت فدوة اقبلي
دينيز : عمه اروحلج فدوة لتسوون هيج بيه
مرت العم : غصبآ ما عليج تقبلين لعد اخلي ابني يموت احسن
دينيز لزمت ايدها : لا عفية عمه فدوة
دفرت ايدي وطلعت وكعدت ابجي لحد ما نمت ومحسيت على نفسي الا بل٩ الصبح تكعدني هند
هدية : كومي دلو يردوج عمامي
نزلت وشفتهم كاعدين
ابو حيدر : ردينالهم خبر العصر نوديج الهم
دينيز : شنووو ما اقبل ليش تضلموني
ابو عيسى :ماسألناج دنكلج بس
دينيز عفتهم وطلعت ابجي للعصر بل ٣جتي بت عمي سهى
سهى : كومي ديلان بدلي راح ياخذوج
دينيز : مااا مااا ماروح
ابو حيدر سمعها واجه كفخها👋
ابو حيدر : صوتج ما اسمعه بدلي عشر دقايق الكاج جاهزة
دينيز : حسبي الله ونعم الوكيل يتيمة هيج تسوون بيه راح اروح بس لان ما اتحمل اعيش ويا ناس ميريدوني اروح اعيش هناك واصير خدامة احسن
دينيز : بدلت واني ابجي لبست عباية اسلامية وشال ماروني وطلعت حتى غراضي ما اخذتهن بس صورة ماما وبابا واختي وطلعت صعدت بلسيارة بدون ما اودع احد واني اباوع من شباك السيارة بنات عمي يبجن عليه وعمار واكف صفح ويشرب جكاير ( جنت معجبة بي بس ماصارحته ابد )
وطلعت وعيوني غركانه بس ابجي عمي ابو حيدر وابو هديو وابن عمي هادي ودوني وصلنه لمنطقة مبينه مال كبارية قصور وبيوت عالية وكفنه كدام باب حديد ونزلو عمامي نزلت وكفت اباوع هذا سجني واني ماعرف شلون راح يكونون اهل هل بيت وشلون يعاملوني طلع رجال جبير بلعمر تقريبا بلستينات سلم على عمامي وورا ٣ ولد تقريبا اعمارهم عشرينات الى ثلاثينات
ابو حيدر: ابو علي هاي بتنه وشمعت بيتنه ديرو بالكم عليها
دينيز ابجي واباوع لعمي وبكلبي اكول شمعت بيتكم وهيج طفيتوني وشمرتوني
ابو علي : لتخاف بعيونه نخليها
وطببونه للبيت صاله كلش جبيرة اجه شيخ وسلم وكعد واني واكفه وعمامي وابو علي وولد ثنين ويا بس مبينين اعصاب نار تجدح عيونهم
الشيخ: اسم العروس وعمرها
ابو حيدر : دينيز عمرها ١٧
الشيخ : العريس وعمرة
واحد من الولد حجه : كرار32سنة
دينيز بكلبي صوته مخيف ياربي صبرك
اسمعه يتهامس ويا ابو علي هاي طفلة شنو عمرها ١٧
ابو علي: كرار ماريد مشاكل شتريد يجيبولك
كرار : الدم بلدمابو حيدر :ابو علي: لاحول ولا قوة الا بالله سد الموضوع ماريد تكبر القصة
الشيخ : البنية مابالغه السن القانوني منو يكون الوكيل
