-"ဟွန့် အပြောတော်တော်ကောင်း။
ပြီးရင် သူများကို ပစ်ထားခဲ့ဦးမှာမလား။
သိပ်မယုံချင်ဘူးဝါ။
နောက်ထပ်များဆို ဒီလူပဲရူးရမှာ"
-"ရူးစရာလား အသဲငယ်ရယ်။
တို့ကရူးခွင့်ပေးမတဲ့လား။
အနိုင်ဘေးမှမဟုတ်ရင် အသက်မရှင်ချင်တဲ့
တို့လိုလူကို ဒီလိုအပြောတွေနဲ့
အနာမဆွစမ်းပါနဲ့ကွယ်။
တို့တောင်းပန်ပါတယ်။
တို့တောင်းပန်ပါရဲ့။
ဖြစ်သမျှအရာရာက မင်းကိုချစ်သမျှနဲ့ညီပါတယ်။
မင်းနစ်နာသွားရင် မင်းထက်ပိုထိခိုက်ရမှာက
တို့ပါအနိုင်။
တို့ပါကွဲ့။
အဲ့မို့ အရင်ကိစ္စတွေနဲ့တို့ကို
စကားနာမထိုးစမ်းနဲ့။
တို့ရင်ထဲမှာ ယူကျိုးမရဖြစ်ရလွန်းလို့ပါ"
-"ဟူး..
ဒါမယ့်ဝါရယ်..။
ဝါ့ကိုခုထိယုံချင်ပေမယ့်
မယုံရဲဘူးသိလား။
အနိုင်ကတစ်ခါသေဖူးပြီးသွားပြီဝါ။
ပျဉ်ဖိုးတော့နားလည်ရမပေါ့ေနာ်။
အရင်ကအရာရာ ပုံအောချစ်ခဲ့ပြီးမှ
မထင်မှတ်ပါဘဲ..ရွှတ်
အနိုင်အပြစ်မရှိခဲ့ပါဘဲနဲ့
ဝါရက်စက်တာ ခံခဲ့ရပြီးပီလေ။
ချစ်လွန်းလို့သာ ပြန်နီးစပ်ချင်ေပမယ့်လို့
နာခဲ့ဖူးတဲ့ရင်ကဒဏ်ရာကလေ
အခုထိ အနာမကျက်သေးဘူးဝါ။
အနိုင့်ကိုလေ
အနိုင့်ကို
ဝါ အပြစ်ဖို့ချင်သပါ့ဆိုဖို့ပါ။
ထပ်တော့မယုံပါရေစနဲ့တော့။
ဒါက နူးညံ့ပါတယ်ဆိုတဲ့ ကြက်ဉအခွံေအာက်က
အဖြူကြည်အရေးပါးလေးလို
အနိုင်က ကိုယ့်ကိုယ်ကိုကာကွယ်ခြင်းပါ။
ဒီလောက်မှ မကာကွယ်ထားရင်လည်း
နောက်တစ်ခါများဆို အနိုင်က..အနိုင်က.."
-"နိုင်ကလေးရယ်။"
ဝါ ရင်ဘတ်၌စိုသွားသည့် ချစ်သူမျက်ရည်ပူပူနှင့်တကွ ဆို့နင့်စွာပြောသည့် ခပ်တိုးတိုးစကားတို့ရယ်ကြောင့် အလှတရားဟူသမျှမမြင်နိုင်တော့ပါ။
ရှင်လျှက်ကျသည့် ငရဲရှစ်ထပ်ပါလေ။
သို့ပေသိ ဒီအရာတွေက ကိုယ်ကိုယ်တိုင်ဖန်တီးခဲ့သည်မလား။
ကိုယ့်အပြစ်နှင့်ကိုယ်သာ ရှိပါစေတော့ဆိုသည့်သီချင်းကလေးသာ ညည်းပြချင်မိသည်။
အနိုင်ရယ်
တို့ဘယ်လိုလုပ်ပေးမှ..
တို့ဘာတွေပြန်ပေးဆပ်မှ
မင်းယုံကြည်ချက်ပြန်ရပါ့မလဲကွယ်။
YOU ARE READING
"အနိုင့်ဉယျာဉ်မှူး"
General Fiction#Credit photo အောင်ရဲမြတ် ခေတ္တယာယီယူသုံးထားသည့်
အခန်း(၂၀)-Uni
Start from the beginning
