-"နော်။ ငိုတော့မငိုလိုက်ပါနဲ့ဗျာ။
ကျုပ်..ကျုပ်တောင်းပန်ပါတယ်"
သူမ မျက်နှာအနီးထိ အခစား၀င်ရင်း ထိုသို့ဆိုရသည်။ ထိုအခါမှ ပန်းကလေးသည် ကြည်ကြည်လင်လင်ပြန်ဖြစ်ဟန်ဖြင့်-
-"တို့ မင်းဖေဖေနဲ့ လမ်းမှာတွေ့တယ်ကွယ်။
အနိုင်ရောက်နေတယ်လို့ သူပြောတော့ တို့ရင်ထဲမှာ အပျော်တွေဝေသွားတာပဲ။ ဒါမယ့် တဆက်တည်းလည်း တို့ကို လာမတွေ့ရကောင်းလားလို့ ၀မ်းနည်း
သွားမိတယ်"
-"ဟုတ်ကဲ့။ အဲ့လို ခံစားသွားစေလို့ ကျုပ်တောင်းပန်ပါတယ်နော်။ တကယ် တကယ် ညနေကျရင် လာတွေ့မလို့ပါ"
-"တို့ ယုံပါတယ်ကွယ်။ မင်းပြောသမျှ စကားဟာ မုသားတွေဖြစ်နေရင်တောင် တို့မင်းအပေါ် အကြွင်းမဲ့ ယုံပါတယ်။"
-"ဟို..မုသားတော့မဟုတ်ပါဘူးဗျ။
တကယ်ပါ ..တကယ်ပြောတာ။"
-"တို့ယုံတယ်ဆိုကွယ်"
-"ဟုတ်"
ကျွနုပ် အပြစ်ရှိသူမို့ ခေါင်းကိုငုံ့ထားလိုက်သည်။
ထိုစဉ် သူမသည် စားပွဲပေါ်ရှိ ကျွနုပ်စာအုပ်ကို ကောက်ကိုင်လိုက်သည်။ပြီး ဟိုကြည့် သည်ကြည့်လျှောက်ကြည့်နေသေးသည်။
-"စာမေးပွဲဖြေနိုင်ခဲ့လား အနိုင်"
-"ဟုတ်"
-"စာတွေခက်သလားဟင်။"
-"ဟို ခက်တယ်လို့ပဲပြောရမလား ။
အဂ်လိပ်စာဆိုတော့ နည်းနည်းတော့"
-"အင်းပေါ့။ ကိုယ့်ဘာသာစကားမှ မဟုတ်ဘဲကွယ်။
ခက်တော့ခက်မှာပေါ့နော်"
-"ဟုတ်"
-"အနိုင် speaking လေ့လာနေတာလား"
-"ဟုတ်"
-"အဂ်လိပ်စာယူထားတာပဲကွယ်။ ဒီထဲကစာလောက်ကတော့ နောက်ကျရင် ထမင်းစားရေသောက်သလိုဖြစ်သွားမှာပါ"
-"ဟုတ်။ "
-"ငယ်တုန်းရွယ်တုန်း စာလေ့လာတာကောင်းပါတယ်။ ဒါနဲ့ အနိုင် ဘွဲ့ရပြီးရင် ဘာလုပ်မယ်မှန်းထားသလဲ"
-"ဟို..ဟို အာ့က မသိသေးဘူး"
-"ရည်းမှန်းချက်လေး တစ်ခုထားလေ အနိုင်ရယ်။
လူဆိုတာ ရည်မှန်းချက်ရှိမှ အောင်မြင်မှာ အနိုင်ရဲ့"
YOU ARE READING
"အနိုင့်ဉယျာဉ်မှူး"
General Fiction#Credit photo အောင်ရဲမြတ် ခေတ္တယာယီယူသုံးထားသည့်
အခန်း(၃)-Uni
Start from the beginning
