တော်ဝင်ပန်းမာန်၏အလိုကျ သူကြိုက်သော cakeဆိုင်သို့ ရစ်ကိုယ်တိုင်ကားမောင်းပြီး လိုက်ပို့ရသည်။ဒီလောက်တော့ လာဘ်ထိုးရမည်မဟုတ်လား။တော်ဝင်ပန်းမာန်က အစားမက်သည့်ကလေးသာသာမို့ သူ့လာဘ်ထိုးမှုကြီးအောင်မြင်မည်ဟု ရစ်တစ်ထစ်ချ ယုံကြည်ထား၏။
"မင်းငါကြိုက်တဲ့cakeဆိုင်ကိုသိလို့လား...ငါမောင်းမယ်ဆိုလည်းမဟုတ်ဘူး"
"ခင်ဗျားကကျုပ်ရဲ့ကားကိုမောင်းတတ်လို့လား"
"အဲ့တာဆိုလည်း ငါ့ကားပြန်ပေးလေ"
မလှိမ့်တစ်ပတ်ဖြင့် သူ့ကားအား ပြန်တောင်းနေတာမို့ ရစ်ကားမောင်းနေရင်း ခပ်ဟဟပြုံးမိသည်။တော်ဝင်ပန်းမာန်ဆင်တဲ့အကွက်ထဲဝင်ရအောင်လည်း မွေးကင်းစကလေး မဟုတ်နေချေ။
ရစ်ဆီမှ ဘာစကားမှ မဟလာတော့ တော်ဝင်ပန်းမာန်လည်း ဘာမှထပ်ပြောမနေတော့ပါ။ဆူးမာန်ရစ်ခွေဆိုတဲ့လူက
ပြောလည်းရမယ့်အစားထဲလည်း ပါဝင်မနေဘူးလေ။ခုလည်း ဘယ်ကနေဘယ်လို စိတ်ကောင်းတွေဝင်နေပြန်ပြီလဲမသိ။သွေးရိုးသားရိုးတော့ မဖြစ်နိုင်ချေ တစ်ခုခုကြံစည်နေတာပဲဖြစ်လိမ့်မည်။
"ဟေ့...ဘာဖြစ်လို့လဲ"
"ဟမ်..."
"ရောက်ပြီလို့ပြောနေတာကြာပြီ...ခင်ဗျားဘာတွေစဉ်းစားနေတာလဲ"
"ဪ...ဘာမှမစဉ်းစားပါဘူး"
သူအကျင့်မကောင်းတဲ့အကြောင်းတွေ စဉ်းစားနေတာဟု ပြောလိုက်ရင် ချက်ချင်းလှည့်ပြန်သွားနိုင်တာမို့ မုသားဆိုကာ ကားပေါ်မှ ဆင်းလိုက်ရသည်။
"ဟင်...ဒီဆိုင်ကငါစားနေကျဆိုင်မှမဟုတ်တာ လူလည်းတစ်ယောက်မှမရှိဘူး"
"ခင်ဗျားလျှာကိုရှည်တယ်"
ရစ်ကပဲ အူကြောင်ကြောင်လုပ်နေတဲ့ တော်ဝင်ပန်းမာန်ကို ဦးဆောင်ပြီး Cakeဆိုင်ထဲဝင်သွားလိုက်သည်။Cakeဆိုင်ထဲရောက်သည့်နှင့် အသင့်စောင့်ကြိုနေကြသော ဝန်ထမ်းနှစ်ယောက်က နှုတ်ခွန်းဆက်၏။ထိုလူများအားကျော်၍ တစ်လုံးထဲသာရှိသော စားပွဲဝိုင်းရှည်သို့ဝင်ထိုင်လိုက်သည်။တော်ဝင်ပန်းမာန်လည်း ကြောင်တောင်တောင်နှင့်သာ ရစ်ဘေးဝင်ထိုင်၏။
YOU ARE READING
"Yit"Is Your Husband
言情"လောကကြီးမှာရှိတဲ့ လူတွေအကြောင်းကို ခင်ဗျားသိစရာမလိုဘူး တော်ဝင်ပန်းမာန်...ကျုပ်ဆိုတဲ့ ဆူးမာန်ရစ်ခွေက ခင်ဗျားရဲ့ယောင်္ကျားဖြစ်လာမယ့်သူ ဆိုတာကိုတော့ ခင်ဗျားခေါင်းထဲစွဲနေအောင်မှတ်ထား...Yit Is Your Husband" ဝတ္ထုပါအကြောင်းအရာများသည် စာရေးသူ၏ စိတ်ကူးယဉ်သ...
