مرن الايام ومرتين رحتلها مره اخذني عباس والتحق واتواصل ويه ساره واسأل ع راهب تكول مايدخل البيت نادرا كل يومين او ثلاث ومن يجي مايصعد فوك الغرفته ينام بغرفه الحجيه وتكول امي وبيبي ميتات قهر ع حالته صدك بين كسرته بروحه دنيا
واني اسمع هيج اموت قهر اخر مره من القهر اني وفاطمه ومسوين كروب وساره تدز علي راهب هيج وهيج لزمنه الفاهيه اني وفاطمه كتلناها كتله كسرناها وما بردان كلبنا منها تبجي واحنا نكتل بيها ونور تحاول تاخذها من عدنا كسرناها خليناها كم يوم جسمها يوجعها من الكتله تستاهل
وعباس كل يوم يسأل عسى كدرنا نعرف ليش متعاركين بس اكله لا مايقبلون يحجون وصار شهر ع هالزعله وحتى راهب وعباس بعد من ذالك اليوم ماحجو ويه بعض ولا يروحلهم ولا يخليني اروح بس عمتي والبنات يروحون ويجن يحجلي ع راهب وحاله واني اموت قهر
ومنا بطني كبرت ودخلت بالثامن وميته تعب ونحول ومنا دنيا وقهرها ولعبان النفس مالي وعباس اربعه وعشرين ساعة ضايج ومحتقن حيل واني ادري كله ع دنيا وراهب هيج ضايج
بيوم واحنا كاعدين بالصاله العصر رن تلفون عباس وجاوب صاح:- شنييييي شبييييي وبياااا مستشفى
كام وكف:- جااااي جاااي
كالها وراد يطلع كال عمو:- شكووو شبيك منو بالمستشفى
عباس:- راهب رااهب دك عليه اركان ويكول تخربط والضغط صاعد حيل وهسه بالنعاشش
عمتي لطمت ع صدرها:- خصااام بوجهييي شبيييي
ما جاوبها عباس طلع يركض فوك ثواني ونزل يركض وطلع عمو وراه كمنا نبجي كلنا وعمتي تبجي وتدعي ما تحملت واتصلت بعمر اجه اخذنه البيت راهب وصلنه شفنه هناك مكلوبه ام راهب كاعده تلطم ع نفسها الحجيه تبجي اخواته موجودات فاطمه عمامه كلهم موجودين ونحاول نعرف شكو كلها تبجي اسأل بساره وابجي اريد احد يجاوبنه كالت خاله ام راهب:- جان ببغداد والضهر وصل هنا كعد ويانه ومبين علي ضايج ومكسور ع الغده وكال بويه أنا قررت اطلك دنيا هي رايده هيج ومادام رايده هيج وترتاح من اطلگها راح اطلگها ومن الاسبوع الجاي احظر الاوراق
وأبو واحنا نكله لا تطلك وعقل جاهل وجم يوم ترتاح ترجع العقلها جهال شلون يبتعدون منك لو منها ما سمع وطلع فوك مر ساعتين ودزيت ساره وراه تشوفه يحتاج شي ملابس كوي شي وصعدت شويه وصاحت من فوك ونزلت تعيط وتبجي وتكول راهب متخربط وواكع بغرفته
ابو ركضله ودزينه ع اركان تراكضوله هوه وولد عمه وشالو للمستشفى وخشمه طاك دم شكد ما صاعد الضغط عنده وهسه هوه بالانعاش جيبوووولي ابنييييي راااح يرررروح من ايديييي
تبجي وتضرب بنفسها وبناتها لازماتها متنه خوف وبجي علي شكول عليج يا دنيا شكول شوفي شصار بي بغيابج علي لعد شكد طلع يحبج لدرجه تمرض ووصل الموت
