FALL FOR HIM 🏳️‍🌈🖤( BL )

Anih min lo fawp

CHAPTER  - 13

FALL   FOR   HIM

Ka rawn reh leh vang* tawh maithei nia aw 😅

••••••••••••••••••••••••••••••

Chu zan chu ka muthilh theih ve ngang loh avangin ka tlaivar a , ka ngaihtuahna a vah thui em vang ani pakhat a ; Alfie erawh vanneih thlak deuh mai hian a muhil tui em em a .

Zan hun chhung chu a rei in khua lah chu a vawt vin tha em em a , ka awm nawm deuh nan tiin a khat tawkin zial ka zu leh thin a , balcony ah leh ward chhungah chuan ka vei tawn kual chhen a , ala hma viau emaw ka tih laiin kawlah ni a rawn lang a .

Chu thil ka hmuh chuan ka hnim nghal suih thei , tlai ni tla tur aimahin zing ni chhuak hi mawi ka ti a , hmuhnawm ka tiin thlir nin har ka ti thin tak zet .

Alfie nen kan thlir dun fo a , a nuam pawh ka ti thin hle , tunah erawh zawng wheel chair pawh ala hmang theilo chu nia .

Reilo ah ni a rawn chhuak sang a , alfie khuh kharh kharh thawm leh " u "  atih ti ka hre zawm zat a .

A bul ka va thlen chuan a dang a ro tawh thu leh tui a in chak em em thu a lo sawi vat a , mu chunga in pek chu lo lem zung zung a har bawk nen a duh ang pawn a in theilo a , ka khawngaih tak zet .

Zingah chuan Doctor in phailamah kal turin leh ruhlam specialist tha ber pan turin min hrilh a , a sawi ang chuan kal pui pawh ka duh , sum tam ka neilo chuan ka rilru ati buai ru hle a , ka pa lo inrawlh ve chu rem ka ti bawk siloo , ka rilru a hah em em a , alfie hnenah ka chhuah lawk tur thu hrilhin ina ka atm card lak chu ka tum a .

In ka thlen chuan ka nu in chan chin chu min lo zawt a , ka thawm ka pan a hriat chuan ani pawh alo chhuak ve thuai a , min be mawlh mawlh na a , ka chhang lo , ka room lam panin ka atm card pahnih ka kawl chu ka la a , alfie kawr hak thlak tur pahnih khat ka la a , doctor leh nurse an awm tho a tiin ka inbual zuai a .

Inhnuaia ka chhuk leh chu ka pa'n " Zorinpui " aw dam thlup hian alo ti a , kawngka lam pan tuma ka kal lai pawh ka ding chawt .

" I nau chu engtin nge a awm ? Ana viau em ni ? " hnuailam bih ngar chung chuan ati a .

" I inchhir leh na tur thil tinge itih ? " ka ti vin khur khur a , alfie ka ngaihtuah let a , doctor thu min hrilh nen ka thinrim thar leh em em a .

Ka thil khai ho chu nghat thla lawpin ka pa chu a kawr awmah thamin " I fapa lalduhsanga hi maw vawikhat mah ke in a kal leh thei tawh ngai dawn lo tih  hrerawh , i vawikhat insum theih loh rah chu chu chu ani . A hnungzang ruh a tliah nasat em vangin a taksa dang pawn a tuar phah a , che chang thei lo in a mu zawi ngiai reng asin " ka thinrim em vangin ka au ring hle a , ka pa hmelah chuan in thiam lohna nasa tak ka hmu a , mahse chu chuan ka thinlung hneh aimahin ka thin ati thinrim zual ting si .

A thinrim insum zawh loh mai hlau chu a chhuak thuai a , kawng laka mihring vei vak te pawh chu a zah zo tawh mawlh lo , a thinlung nat luatah a bianga mittui tla te chu hruk hul tumin a kut chuan a han hru leh nawk nawk thin , chu mittui chu hruk hul a hnekin a luang tawp thei mawlh silo .

Chung a lungngaihna te chu thup sen rual ani tawh lo , a hmelah lo lang chhuakin lo en leh vung vung tawk lah an bo lo .

Damdawiin a thlen chuan alfie chu khumah a ngai te bawkin alo mu a , nicksona lo lut a hmuh rual rual chuan " Tinge dawt min hrilh a " chiang taka nicksona en chung chuan alo ti nghal a .