FALL FOR HIM 🏳️‍🌈🖤( BL )

I țawngtai tawh em ?

Chapter - 4

FALL  FOR  HIM

Nicksona pawn a ning der peih ta bik lo khumah chuan alfie chu a theh thla deuh rawp a , a ke ah ala in pal palh zui bawk nen alfie chu a zu bawh rawk mai , a hmai a zu tauh chawrh hlauin a in beng khalh a , amaherawh chu a hmui erawh chuan in pawi chu alo khawih hman ta tho mai , an hmui chu a in si thlawp a , an meng dun nghal kawk kawk , ngawi reng chuan an in en dun tlawk tlawka .

A mi den dan a dang deuh ani mahna an mit leh mit in tawng in an hawi san dun rang teh e .

Mi muhil fawh ringawt nen chuan a danglam pawh a ni deuh mahna nge an hun tawn in a zir lo em vang zawk ni , a âw han thian kharh in " Ka tum dan pawh a nilo mawlee " tiin a âw chu a lai rut mai .

Rin loh deuh in alfie chu a nui hak hak a " tlem a tlem ah kan in ti na lo chauh chu nihkha in nem khalh hman lo la chu i rit si ka na ngawt ang " alo ti daih thung a , a ngai kawi hauh lo chu nicksona a lawm rilru hle , ni e a awm lo hran lo tu chuan in nge maw mahni u diktak te ngaihzawn angin en thei ang ni .

Tlailamah chuan ei rawng te bawl dun in an ri leh chel chul tawh , alfie chu a han en thin nichina tlai lawka thil thleng pawh kha hria ang pawhin a awm tawh lo , nicksona erawh in a ngaihtuah chhunzawm reng a , nuam chu ati ru veng veng lawi si .

Alfie chuan alu a vel mawlh mawlh a , a u chu theih ang tawp a puih ve a duh a , tlangval engmah thiam neilo nih chu a duh bik chiah lo ani mahna , duat a nih luatah a pangchang zo a , a rilru pawh a kum ngaihtuah chuan naupang chhia tak a ni .

Chem te lah chu a che lek zeilo viau mai , a in zei palh pawh a hlauhawm ru viau mai lehnghal , rin ang ngeiin a kut chu a zei kak hlawk a , thisen a luang nghal ngiai ngiai mai , chu veleh a țe ri nghal thawt a , nicksona'n rawn hmu in a kut thi chu a reh phah nan chung lamah a ban a phar kan tir a .

A tap leh tiau tawh mai , nicksona chuan a ban dah hniam tirin a kut chu a han fawh sak vang vang a , alfie'n mak alo ti viau mai lehnghal , thisen lah chu a lem niawm tak hian a chhak hauh silo , alfie chu mittui tling pam chung chuan " i ten lo ami u " ten hmel zet chuan a han ti a , a zawhna pawh chhang lem lo chuan lapua leh bandage a lak sak a , a tuam sak nghal zung zung mai , alfie erawh ngawi rengin alo awm thung .

" Buaipui ngai reng mai sawtah lo va thu teh " ti hlur in thil dang a tih san mawlh mawlh a .

Alfie chu kal sawn mai a tum lo , a u chu a thlek vung vung mai .

Nickson -    Enge khatia mi en
reng a ? / chhungrila lai tak chung si chuan a han ti a .

Alfie -      u I awm lo ang tih ka hlau lutuk / tiin a u chu ava kuah chawt a , nicksona thin a phu nghal dup dup mai , a kuahna a thlah leh hnu chuan a u chu a nuih var var a , " ka u inih loh hi ka hlau ber " a tih zawm leh zat a , nicksona tan chuan dawnsawn thiam a har viau maithei a ni , a lawm awm rual rual in a thinlung chu a na tel vawng vawng si .

A hlimawm zawngin a thawng thut thut a , a thinlung deng dawt thei thei thil a phuh chhuak leh zuk zuk thin bawk a , nicksona tan chuan lawm chhung a reilo em a sin .

A tawi zawngin zanriah an eikham hnu chuan nicksona pawh a room ah a chho fel leh diam tawh . Zan dang ang lo tak in a dawhkan hmaah thu in lem a ziak ve teh mial a , a mak lo hran miah lo kum tam zawk chu a talent ropui zet hi a chawlhsan tawh vang a ni .

Nicksona hian hmun reh hi a ngaina a , bengchheng mi pui zik huai huaina kara awm phei chu nuam atih loh zawng tak a ni , mahni rilru kawm a mahni awm kha nuam ati ber thin a , mahse tun ah erawh maltlat aichuan a nau kianga ngawi reng a lo thut ve hle hle pawh a thlahlel tawh zawk si .