لا تِطلعين الاّ على حزّه الميـعاد .. لا شَـق القمر صدر السماء و الجِدي حدره

' Part 1 '

« الريـاض حـي حـطيّن القصـر الأبيـض ، الـسـاعـه ١٠ صباحـاً »

ابو حاكم و ام حاكم جالسين على طاولة الطعام يفطرون ، و انواع الفطورات متوزعه عليها و ريحة الخُبز الدافي منتشره بالبيت ..
جاء سياف : سلام
ابتسم ابو حاكم : وعليكم السلام ، سمّ بالله وافطر
تنهد سياف : لا والله يبه مقدر مشغول مره ، طالبيني الداوم بمّر على بيكري و افطر بس قلت اسلم عليكم
تنهد ابو حاكم : الله يسلمك ويحفظك
طلع سياف ، ونزل هذال وهو لابس شورت ابيض وبلوزه سماويه وكاب ابيض جاء وهو حاط يدينه في جيوبه
تنهد ابو حاكم : اصبحنا و اصبح الملك لله ياربي !
ضحك هذال بقوه وهو يبوس خد امه : شدعوه يا بابا ، تراني عسسل والله !
ضحكت ام حاكم وهي تمسك يده الي على كتفها وتبوسها : اي والله ياقلب امك انت ، اجلس ياروحي افطر
ابتسم هذال : سورّي ، بس بطلع افطر مع العيال برا !
تنهد ابو حاكم : ايه ازين الله يسهل دربك يابوك
ضحك هذال بقوه وهو يجي ويحاوط بيدينه كتوف ابوه : باباتي حبيبي يعني مسوي ما تفهمني ولا شلون ؟
ابو حاكم بعصبيه وهو ينفض يدينه عن كتوفه : وخر يديك ، وتكلم زين وش الي ما افهمه !
ضحك هذال بسخريه : يعني ابي فلوس يعني
رمّقه ابو حاكم بنظره حاده : وش شايفني قدامك بنك ؟ ، وبعدين كم عمرك و انا للحين اصرف عليك اذلف ازين لك تراني مالي خلق لك على هالصباح
ضحك هذال وهو يعبس وجهه : بابا ياخي تكفى بلييز
ابو حاكم : يا المَها بالله كلميلي حاكم يجيني !
ضحكت ام حاكم ، وهي تعرف ان حاكم اكثر شخص يخوف هذال لانه مستقبله بيده وبكلمه منه يقدر يسحب كل سيارات هذال و الشقق الي بأسمه : ياذيب انت وش مستخسر عليه حرام عليك عطّه خله يروح يتونس مع الشباب لا تكسر بخاطره !
هذال وهو مكتف يدينه ويرمش بعيونه لابوه بحزن ، تنهد ابو حاكم بقلة حيله : كم تبي ؟
ضحك هذال بقوه وهو يحضن امه ، ويبوس راس ابوه : اللي تمّد يدك لي يا ابو حاكم !
ضحك ابو حاكم وهو يحول له : يلا بس هاه والله ياويلك تصدم بالسياره وتجيني تبكبك وتطلب تراني نبهتك والله ما اصلحها اخليك تعتكف بالبيت شهور
ضحك هذال : لا ياقلبي انت بنتبهه لها ماني صادم فيها
طلع هذال من القصر وهو يركب احدى سيارته تتزين باللون الازرق ، ومشى فيها لاحد مطاعم الأفطار ..
كملو ابو حاكم و ام حاكم فطورهم ، وبعدها قامو وطلع ابو حاكم فوق يبدل ملابسه ويطلع لشركته وام حاكم جلست بالصاله تستنى قهوتها تخلص ، نزل ابو حاكم
ابتسمت ام حاكم له : درب السلامه
ابتسم ابو حاكم بخفه : الله يسلمك ولا تنسين يالمَها صحي ابن الذيب وخليه يمرني بالشركه !
ابتسمت ام حاكم وهي تهز راسها : ابششر
مشى ابو حاكم وهو يطلع من باب بيته بعد ما فكته له الخادمه ، وجاء سواقه الخاص وهو يفتح له باب السياره و ركب ابو حاكم وبعدها طلعو من اسوار القصر متجهيّن للشركه
جت ' فريده ' رئيسة الخدم ، وهي تحط قهوة ام حاكم على الطاوله : بالعافيه
ابتسمت ام حاكم بخفه : الله يعافيك ، حبيبتي روحي صحي محمد الان وخليه يتجهز !
ابتسمت فريده وهي تفهم ان ام حاكم مستحيل توصي اي احد انه يروح يصحي محمد ، غيرها هي فريده لان محمد صعبه شوي اطباعه و بالذات بنومته الثقيله ، ولانها متاكده ان محمد مايحب احد يصحيه غير فريده لانها كانت معاه منذ الصُغر وتعرف ان فريده تعشق محمد وتحبه وتعتبره احد اولادها : تمام يا ام حاكم
توّجهت فريده لـ جهة المصاعد وهي تضغط الزر ، دخلت المصعد وهي تضغط على الطابق الثالث وتدخل ممّر الغُرف و تتوجّه لغرفة محمد تحديداً طقت الباب طقتين وهي تفتحه وتدخل وهي تتوجه للستاير وتفتحهم وتنشر ضوء الشمس بالغرفه : صببباح الخييير ياحممود
تنهد محمد وهو كان دافن وجهه بالمخده وغرقان بالنومه ، قام وهو يتمغط ويمسح وجهه بنشاط : صباح النور و السرور ياقلب حمود انتي !
ابتسمت فريده بامتنان ، وهي كانت من الجنسيه الاندونسيه ولاهي متعوده على اللهجه السعوديه : يلا انهض و رح و اخذ شوّر ، و انزل لـ تحت كي تفطُر !
ابتسم محمد ، وهو يشوف إحراجها وهي تحاول تنطق باللهجه السعوديه ولاهي قادره تتقن الكلمات : Okay beby , I'll come down
" تمام حبيبتي ، بنزل "
-
ابتسمت فريده بامتنان : Quickly hamod
" بسرعه حمود "
ابتسم محمد وهو يقوم ويطلع لـ الحمام ~ يكرم القارئ ~ ، وبدا يتروش طلع وهو يشوف فريده معلقه له ثوبه ومبخرته ابتسم بحُب و امتنان لها وكيف مهتمه فيه لبس ثوبه وهو يروح  يمشط شعره ويوزع الجل عليه ويرجعه بيدينه على ورا لين ما ثبّته على ورا ، وبعدها قام يتطيّب من العطورات و العوّد ، وطلع وهو يسكر باب غرفته نزل وشاف امه جالسه بوسط الصاله وبيدينها ماسكه ايبادها وتتفرج عليها ابتسم وهو يقبل عليها ويبوس راسها
ابتسمت ام حاكم بخفه : اهلاً ، صباح الخير
ابتسم محمد : صباح النور ، اخبارك ؟
ام حاكم وهي تسكر الايباد و تبعده : تمام ، افطرت ؟
تنهد محمد : لا فيدو سوت فطور ؟
ام حاكم : مدري عنها ، المُهم اذا افطرت اطلع لشركة ابوك يبيك ضروري و اكد علي اليوم ابلغك
ابتسم محمد وهو يتنهد و يهز راسه : ان شاء الله ، يبشر
جت فريده وهي تنقل فطور محمد : عافيه حمود
ابتسم لها محمد بقوه : حبيبة قلبي يعافيك
ابتسمت فريده وهي تروح تكمل شغلها ، و محمد يفطر
محمد تنهد : الا هذونه وينها ، مالها حس ؟
ضحكت ام حاكم : طلع مع اصحابه
محمد توسعت عيونه بخفه : مو مُعاقب ؟
ضحكت ام حاكم وهي تلعب بشعرها : ما تعرف هذال و ابوك بسرعه يتصافون ، اليوم بكم حركه تراضو !
ابتسم محمد وهو يقوم ويممّر باصبعه على فكّها ويغمز لها : اذا كانت كم حركه منك انتي ، اكييد ان ابوي بيرضى بسرعه وعلططول !
ضحكت ام حاكم بحياء ، ودّعها محمد وهو يركب سيارته البنتلي ويشلع فيها للشركه بسرعه هائله ..