اخذت ترف منها
- خلي اوديها بالغرفة خاف تتمرض هنا بارده وفاتحين الباب.
فتت للغرفة أريد أرجع البيتنا تبهذلت وبهذلت بنتي حتى ملابس هواي ما جايبيين بدلتلها ودنكت ابوس بيها واشمها رفعت راسي على فتحة الباب
- هجــام ها ليش رجعتوا ؟
بقى واكف بمكانه يباوعلنا بحيرة مسح وجهه ورفع عيونه من ترف الي
- اختنكت ورجعت .
وكفت بسرعة رحت يمه لزمت ايده
- تعال .
يمشي وراي ساكت كعد كدام ترف ابتسم يباوعلها
- اريد علاجي شــام ، ما قبلت اخذه من رويــده ، جيبية .
يحجي وعيونه على ترف رفع راسه ابتسمت وهو يتنقل بنظراته بين عيوني
- تمام هسه اجيبه ديربالك على بنتنا لا تبجي .
هز راسه موافق طلعت بسرعة اخذت علاجة من رويــده اخذت ماي ورجعت للغرفة لكيته مخليها على صدره حاضنها بأثنين ايديه ويحركها بهدوء راسها على گلبه كعدت كدامه فتح عينه يباوعلي
- هجــام ، شو احس ترف اخذت مكاني .
ضحك بهدوء يهز راسه لا
- انتِ الروح محد ياخذ مكان الروح .
طلعت الحباية ورفعتها الحلكه اخذها بين شفايفه وشربته ماي همس
- جيبي ايدج .
باوعت الأيدي باستغراب همست
- نظيفة والله .
- ادري جيبيها رجعيها يم وجهي
قربت أيدي لوجهه باسها بعدتها بسرعة وهو يتأملني متحسر شكد حسيته بعيد هالفترة وبيني وبينه حاجز ماكدرنا نتجاوزه مركز بكل ملامح وجهي يرمش بثگل
- تعبتي مني شومه ؟
لميت شفتي الداخل حلكي ساكته ومتحسره
- ما اتعب منك ، بس بُعدك يتعبني كمت احسك ما تحبني مثل اول .
حجيت شفتي ترجف وعيوني نترسن دموع رفع أيده بسرعة من ظهر ترف خلاها على شفتي يسكتني
- اذبحج من الوريد للوريد اذا عدتي هاي مال ما تحبني انا عاشگج عاشگج لا يا عاشگ يا حب هذن عبرتهن من زمان وصلت وياج مرحله ما الها لا اسم ولا وصف .
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
البارت ٤٨
ابدأ من البداية
