نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
اجيتك من بعد غربة أجيت بـ ليلة گمرية
هذاك انه نبع صافي يخايب دغش مابية
اجيتك والعتب بالعين عتب عاشگ بحنية
"""""""""""""""""""
رويــده :: انتَ ببيتنا .
عكد حاجبة لحظة ما فاهم وبعدها فتح عينه بصدمة وفزة اباوعله وكف يرجف كله يكف بالغطا من عنده وكوه يتنفس يحجي بصوت سريع
- وين وصلتيني رويــده وين .
يرجف من راسه الرجلية وكف ما يدري بروحة شيسوي اول مره اشوفه هيج خايف اول مره اشوف شخص يرجف بهالطريقة بسرعة فتح باب الغرفة شاف موسى گدامه وهو كوه يتنفس موسى وكف كاله
موسى:: والله ما جنت أدري.
ويسر يباوعله بخزر عيونه صارت دم بس ساكت ونفسه يخرش ، موسى مدنك ميت قهر نزلت دمعه من عيون يُســر وركض فات للحمام يحجي بوجع
- دمرتيني رويــده دمرتيني .
سمعته فتح الدوش باوعت الموسى مسح وجهه بقهر
- شقصدك ما جنت تدري شصار ؟
كعد على القنفة مدنك راسه بين ايدي
- موسى احجي ، هذا مو درب يُســر .
- قابل دربي يعني انا امشي بهيج طريق ؟
- احجي الصار احجي .
- يابه صارله يومين نوم ما ينام ميت قهر وبس يدخن وبالليل يختنك ، حرت شلون اعدل نفسيته جبته واجيت البغداد بقينا يم حيــادر عندي أصدقاء هنا يطلعون للبر يصيدون وونسه اعرف بيهم الميتله عزيز يضحكونه والله نيتي صافيه خابرتهم وقنعت يُســر يروح وياهم كتلهم ونسوه قصدي ضحكوه اطلعوا للبر العبوا طوبة انا ما رحت وياهم لان رحت زيارة لصديقي مسوي عملية ما ادري بيهم مشربينه شي .
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
