نوائب_شام
بقلم ايلول 💚
تصويت وتعليق بين الفقرات لطفًا 🦋
""""""""""""""""""""""
گتَلة سهّلة !
وهَي أبّد مِو سّهلة
إليّرضة بفَراگك
رضِة بّـ موت أهَلة
و نِطيت مُهله لـ گلبّي
يگدر ينِساك
بَس چانت لحَد
ما أمَوت المُهلة .
""""""""""""""
رويــده :: صرخت شــام هزتني هز طفرت أركض بعدني على الدرج واسمع صياح كرار مدري شبون وصلت دفعت باب المخزن كل ذرة بجسمي ترجف وأشوف شــام تبجي وتختض كلها والدم مغطي وجها وملابسها وهي مثل السعفه متهسترة مچلبه بملابسها تصرخ فاقدة وهجام حاضن وجها يمسح بالدم من وجها
وشة صارت بأذني منظر الدم اخذ روحي درت عيوني على صوت الصريخ كلشي جاي يصير بالثواني والمح كرار ممدد أيده من الكتف تنفر دم وهو يفرفح بالگاع مثل المذبوح يصررخ بكل صوته
شهكت متخبلة وكلي خوف ما فاهمه شي ، شــام تلم بروحها وتصرخ وهجام گام بغضب جر كرار من رگبته وكفه صرخت اريد الزمه ويدفعني بكل حيله طلعه من المخزن ضرب اصررخ بخوف وأسمع سجود تصيح على أبوي الحكككك ،
كرار يطيح وهجام يرجع يرفعه ويضربة كله على وجهه ويطيح ، متت الف مره متت قوتي ما كافيه تلزم هجــام ، دماه من باب المخزن للصالة ملخه بكل غضب يضربة انشال وانرگع ويا كل ضربة افرفح خايفة عليه خايفة يصير التحملت كل هالسنين حتى امنعه ، كل ما الزمه ويدفعني ،
الحد ما وصله لزاوية المحجر ضربة كله وكرار دمه بطولة ايد تتلولح وأيد كض بيها المحجر هستوه يطيح لزمت هجــام واحس بروحي اندفعت لبعيدد ، صعدوا ابوي وسجود يركضون بعدهم على اول بايات الدرج وهجام رجع ليورا رفع رجله ودفر كرار على صدرة بقوة نشمر من فوك ليجوا
صررررخت وكمت أركض ما مستوعبه لزمت بالمحجر أصرخ واباوع ليجوا ، كرار راسه صاير ليجوا وجسمه فوگ راسه ، ابوي يلطم وسجود تصرخ وتعدل بكرار الفاتح عيونه والدم ساح بالگاع ، ذرة حيل ما بقت بيه
لا رجلي شايلاتني انزل ولا عقلي مستوعب الصار صدمة ورا صدمة ، وهجام فاقد ما حاس على نفسه جر الساطور من الكاع نزل يركض ما يشوف گدامه اركض ورا اصيح والزم بيه يدفعني وارجع الزمه اول مره اول مره بكل عمــري إرفع أيدي بوجهه ضربته اريد يصحى اريد يسمعني وبتفس الحظة رفع أيده يريد يضربني ، وكف يباوعلي بغضب الشر تارس عيونة ،
الصريخ يهز روحـــي وهو مد راسه من بين ابوي وسجود باوع الكرار ، أبتسم واني انشال وانركع فرفحت ارجف كلي احير وين اروح وين اركض عقلي ما جاي يستوعب أفاطم دفعتني وصعدت تركض الشام وهو كعد على بايات الدرج يتنفس بقوة وايدية كلها دم والساطور بأيده
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
