" တေလွန်း..!! မင်း.. "
" ရပါတယ်ကွာ....၊ ငါ ဘယ်မှာအိပ်အိပ်အဆင်ပြေပါတယ် "
" မရဘူး... မင်း ငါ့အိမ်မှာပဲ ငါနဲ့အတူတူနေ...၊ တေလွန်း မင်း ငါ့ကို အဲ့လောက်ကြီးထိ လိုက်မချုပ်ချယ်နဲ့!! ငါ ကလေးမဟုတ်တော့ဘူး "
ကျွန်တော်လည်း တေလွန်းကို အဘရှိနေတဲ့ကြားကနေ အော်လိုက်မိတယ်။ ဒါကြီးက တော်တော်လွန်လွန်းတယ်မဟုတ်လား။ ဟန်သာက ဘယ်လောက်ပဲနားလည်ပေးပါစေ...၊ အဲ့လောက်ထိ သဘောထားသေးသိမ်တာကတော့ မဟုတ်သေးဘူးလေ။ ကျွန်တော့်မှာ ကျွန်တော်တို့နှစ်ယောက်ကြား ပြဿနာမဖြစ်ပေးအာင် အလိုက်တသိနဲ့ဝင်ပြောပေးတဲ့ဟန်သာရဲ့မျက်နှာကိုပင် တေလွန်းကြောင့် ရဲရဲမကြည့်ရဲတော့ပေ။ ဘယ်လောက်ထိ အားနာစရာကောင်းလိုက်သလဲ။ ကျွန်တော်လည်း သူ့ကိုစိတ်ဆိုးလွန်းလို့ သူ့မျက်နှာကိုပင် မကြည့်ချင်တော့ပေ။ အဲ့တာကြောင့် မျက်နှာချင်းဆိုင်ထိုင်နေရာမှ လှည်းမောင်းနေတဲ့အဘရဲ့အနားမှာ သွားထိုင်လိုက်သည်။
" တေလွန်းရာ... ရှင်မွှေးပြောတာလည်း ဟုတ်နေတာပဲ၊ မင်းက အဲ့လောက်ထိတော့ အနိုင်မကျင့်သင့်ဘူးလေ.... "
" တောက်စ်!!! "
တေလွန်းက သူ့အနားလာပြီးခပ်တိုးတိုးပြောတဲ့နိုင်ထွန်းရဲ့စကားကို မကြားဟန်ပြုကာ ရှင်မွှေးရဲ့နောက်ကျောကို နီရဲနေတဲ့မျက်လုံးတွေနဲ့ ဒေါသတကြီးစိုက်ကြည့်နေသည်။ ဟန်သာမှာလည်း မေးကြောတွေထင်းနေကာ သွေးကြောတွေတင်းသည်အထိလက်သီးကိုဆုပ်ထားပြီး ရှင်မွှေးကိုပြာကျမတက်စိုက်ကြည့်နေတဲ့တေလွန်းကြောင့် သူ လိုက်လာမိတာမှားပြီလို့တွေးလိုက်သည်။ ဟန်သာက တေလွန်းသာ နဂါးတစ်ကောင်ဖြစ်နေရင် တော်တော်ကြောက်စရာကောင်းလိမ့်မည်ဟုထင်သည်။ အခုပုံစံနဲ့တောင် သူ့မှာတော်တော်လန့်နေသည်။ လှည်းပေါ်မှာထိုင်နေတာမို့တော်သေးသည်၊ မတ်တပ်ရပ်နေရင် တေလွန်းရဲ့ဒေါသထွက်နေတဲ့ပုံစံကိုမြင်ပြီး ဒူးမခိုင်ဘဲ လဲကျသွားနိုင်သည်။
ရှေ့မှာသွားထိုင်နေတဲ့ရှင်မွှေးလည်း တေလွန်းရဲ့တောက်ခေါက်သံကြောင့် ခန္ဓာကိုယ်လေး ဆတ်ခနဲတုန်သွားပေမဲ့ တေလွန်းကိုလှည့်မကြည့်ပေ။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
Episode _ 10
Start from the beginning
