لطفاً متابعة الحساب zarazoz
والتصويت تقدير للتعب والتعليق
بكلمات جميلة ومحفزة
كالي راهب صرت اضحك واكله مو صغيره تاخذوني لمدينه الالعاب وحجه وياي عباس هم كتله نفس الكلام ويكلي ترا اللطج على حلكج إذا ماسكتي بس رفضت وطلبت يرجعني للبيت ورجعت قبل المغرب بشويه بقى يفرني ويشوفني محلات بيهن شغلات مال عرس وجهاز ويكلي بعد كم يوم اجي واجيبج من هنا نشتري رجعت قبل المغرب ودخلت هم حجيت لخالتي وكلت سوينه وصرت اسولف لزهور ع يومي
والله مر يومين وراهب اجه وكال باجر لازم نروح للمحكمه نعقد وعمو كال روحي ويه رجلج وزينب هناك تضلين يمها تروح وياج بس اني مارضيت الا خالتي وياي رحنه اني وخالتي وأحمد واخذت زهور وياي يوم مهم لازم هيه ويايه وعمو ونور بقو
والله طلعنه الصبح للبصره وصلنه قبل الضهر هم ذاك الترحيب واجن وره الضهر فاطمه وزهور يمنا وبقينا راهب كال بأجر الصبح نروح للمحكمه واني جبت كل مستمسكاتي والله الليل كله كاعدين هم راهب طلب اروحله للغرفه رفضت ودز ع فاطمه هم رفضت كالت باجر المحكمه مالتكم خليها تنام بلا سوالفك وبقينه للفجر والبنات فرحانات عبالك باجر عرس مو عقد والله ثاني يوم كعدنه من الصبح تريكت وبدلت لبست فستان ماروني طويل وسويت حجاب يخبل ومكياج وبطلعتي راهب مشكل عيونه بيه وأبد ما شال عيونه والبنات يصنفن ورحنه اني وراهب بسيارته والبقيه بغير سيارات خالتي وزهور وأحمد وفاطمه وساره وعباس وأبو راهب وامه وعمه ابو نبراس وراهب مشغل اغنيه حسام الرسام أعلى شي ولازم ايدي وفرحان ويبوس بيدي يكلي
( شرعآ وقانونا اليوم تصيرين مالتي)
واني اكيد مو اقل من فرحته لدرجه نزلن دموعي بالسياره من الفرح وهوه ماخلا اغنيه مالت حب تعتب علي ماشغلها وعباس ويا عم راهب ابو نبراس وفاطمه وسجى وكل شويه يجي لصفنه عبالك زفه ومشغل اغاني ويهز ركبه موتنه ضحك وحتى ابو نبراس يطك اصبع ويا دمه خفيف وينحب بسرعه حتى كلامه كله شقى مثل عباس
وصلنه للمحكمه ونزل راهب ولازم ايدي ويكلي:- وين اضمج نوب شكد حلوه طالعه بنت اللذينه
واني اضحك وعباس لازم ايد فاطمه ويقلد مشيتنه اني وراهب واريد الزم ضحكتي ماكدر وراهب يخزرني ويصيح عليه اسكت دخلنه للمحكمه اخذو جنسيتي ومستمسكاتي وراهب وعباس راحو يسوون اوراق ماعرف شنو صاحوني انطي بصمتي راهب اخذ جنسيتي من الولد ولازم ايدي باوع بالجنسيه وعكد حاجبه استغربت ورجع باوعلي وباوع لعباس وصارو هوه وعباس يباوعون بجنسيتي والولد يحجي وياهم ينطي بصمته بس مامنتبه استغربت شبي مركز بجنسيتي
دنيا:- عباس وراهب بقو صافنين بالجنسيه مالتي استغربت والولد يحجي وياهم:- اخي من فضلك بس بصمتك بعدك اكو ناس تنتضر
