a chance

07

FACE TIME

[Anong oras ka matutulog niyan? Ang dami pa niyan oh.] sabi ni Sero sa kabilang linya. Nakadapa lang siya sa kama niya habang nakatapat sa mukha niya ang camera.

[Ewan ko, baka umaga na. Next wednesday pa naman yung midterms pero inaagahan ko nang mag-review, ayokong mag-rush no!] sagot ko naman.

Inistand ko ang cellphone ko sa phone stand habang inaayos ang ibang papel sa lamesa dahil nakakalat na.

[Bakit ka na nag-aya ng face time? Madaling araw na, itulog mo na lang kaya?] tanong ko sakaniya.

[Ayoko, bantayan kita.] umayos siya ng higa at huminga ng malalim. [Dyan na lang kaya ako matulog?]

Agad akong napatingin sakaniya at kumunot ang noo. [Siraulo! Itulog mo na lang, kung ano-ano nanamang simasabi mo.]

[Teka, may gagawin ako. Huwag mo papatayin ah.] sabi niya sabay patay ng camera.

Ilang minuto ang nakalipas ay may pumindot ng door bell ko rito sa condo.

[Buksan mo yung pinto, Ava.] utos niya sabay open ng camera.

Agad ko namang binuksan ang pinto at nakita siyang naka pajama na.