အနားမှာ ရှိတဲ့ ချန်းယောလ်ရဲ့အဖေကိုမကြည့်ဘဲပြောလိုက်သည်
ဆိုလ်းမှာ လူနေမှုအဆင့်တန်းမြင့်မြင့်နေရအောင် တိုက်ခန်းဝယ်ပေးမှာမို့ ရွှေ့ခဲ့ကြပါဆိုတာကို ဒီမြို့ကျဥ်းလေးကိုပဲ မခွာနိုင်ဖြစ်နေကြတာ
"အဲ့ဒီဆက်တီတွေက မင်းအမေနဲ့ မဂ်လာဦးခန်းဝင်တုန်းက ပစ္စည်းတွေ မလဲနိုင်ပါဘူးကွာ၊ နေပါစေ"
"ထိုင်ရတာ သက်တောင့်သက်သာဘယ်ရှိမလဲ"
"မလိုပါဘူးကွာ၊ ဒီ ထိုင်ခုံအကောင်းစားကြီးတောင် မင်းအမေက ခါးနာတတ်လို့ လက်ခံထားတာ၊ "
"ဟုတ်ပ၊ အဲ့တာ ချူးဆော့တုန်းက ဘက်ခဟျွန်းနီးလေးက မေမေ့ကို လက်ဆောင်ကန်တော့ထားတာလေ၊ သူ့ရှေ့မှာ ခါးနာတယ်လို့ တစ်ခါလေးပဲ ငြီးမိတာကို"
မီးဖိုချောင်ထဲကနေ မေမေက ပြန်ဝင်လာရင်းပြောသည်။
" အညောင်းအငြာတော့ အတော်ပြေသကွာ၊ မင်းကားမောင်းလာတာ ညောင်းနေရင် ထိုင်လိုက်၊ တော်တော်ဇိမ်ကျပြီး သက်သာတာ"
လက်ဆွဲပြီး ထိုင်ခိုင်းနေတဲ့ အဖေ့ကို မနည်းရှောင်ရတယ်
သူ့ခေါင်းထဲရောက်လာတာ အနည်းဆုံးတော့ ဒီထိုင်ခုံက သန်းဆယ်ဂဏန်းမှာ ရှိတာကို
ဘက်ခဟျွန်း ဘာလို့အပင်ပန်းခံဝယ်ပေးရသလဲပေါ့ဒီငွေပမာဏက သူ့အတွက်မပြောပလောက်ပေမယ့် ဘက်ခဟျွန်းအတွက်ကျ တော်တော်များတဲ့ ပမာဏဖြစ်နေမှာ အသေချာပဲ။
"မေမေက ဘာလို့သူ့ဆီက လက်ခံလိုက်တာလဲ"
"ဘာဖြစ်လို့ လက်မခံရမှာလဲ သားရဲ့"
"သူစိမ်းဖြစ်နေပြီလေ"
"ချန်းယောလ်လီ မင်းတို့ချင်း ဘာပဲဖြစ်ဖြစ်၊
ဟျွန်းငယ်က မေမေ့သားတစ်ယောက်ပဲ"ဟုတ်ပါတယ် ဘက်ခဟျွန်းနဲ့ သူ့ကိုနှ်ုင်းယှဥ်ရင်တောင် မေမေက ဘက်ခဟျွန်းကိုပဲ ရွေးတာ
"သူစိမ်းလို့ပြောရအောင် မင်းတို့နှစ်ယောက်က တရားဝင်ကွာရှင်းကြပြီးတာမှ မဟုတ်တာ"
"မင်းကလဲကွာ"
ဖေဖေက သူ့မျက်နှာမကောင်းတော့တာကို အရိပ်အချေကြည့်ရင်း မေမေ့ကို တားသည်။
အဲ့တာပဲ ဒီကိုလာလိုက်ရင် ဒါတွေကြားရတော့မှာမို့ သူမလာချင်ခဲ့တာပဲ
အကြာကြီးနေမှ ပြန်တွေ့ရတဲ့ မိခင်နဲ့ စကားမများချင်တာမို့ သူ့ဘက်ကပဲ လျှော့လိုက်ရသည်။
ရောက်ရောက်ချင်း ကွာရှင်းပေးဖို့ လာပြောတာများသိသွားရင် မိုးမီးလောင်တော့မည်။"ဘက်ခဟျွန်းနဲ့ သွားတွေ့လာပြီမလား"
မေမေက သူ့စိတ်ကိုသာ မသိတာ မျက်နှာအရိပ်အကဲခက်ရမှာတော့ တစ်ဖက်ကမ်းခက်သည်။
"ဟင်...ဘက်ခဟျွန်းက ရှိရော ရှိလို့လား၊ သူက အခုတလော ခရီးတွေ တော်တော်ထွက်ရတယ်"
ဖေဖေနဲ့ မေမေက ဘက်ခဟျွန်းအကြောင်းပြောနေတဲ့ကြားက ကိုယ်လက်ဆေးကြောအုံးမယ်ဆိုတဲ့ ဆင်ခြေနဲ့ထွက်လာလိုက်သည်။
ဘက်ခဟျွန်းလိုလူက ခရီးတွေ တော်တော်ထွက်နေတယ်တဲ့
ရယ်တော့ရယ်ရသား
ခရီးထွက်နေရင် သူလာတာနဲ့ တိုက်တိုက်ဆိုင်ဆိုင် ဘယ်လိုလုပ် ရှိနိုင်မှာလဲ
မဖြစ်နိုင်တာ
ဒါပေမယ့်...သူ ဘက်ခဟျွန်းအကြောင်းကို လုံးဝ မသိချင်ပါ။
***
Happy New Year ပါကလေးတို့ရေ🍓🍒
🎁🎀🎉🧨✨️
![](https://img.wattpad.com/cover/359309513-288-k913727.jpg)
YOU ARE READING
Bittersweet
Fanfictionအချစ်ဟာ ချိုမြိန်သလား ခါးသီးပါသလား ချစ်ဖူးသူမှသာ သိနိုင်ပါလိမ့်မည် သေချာတာက "Love is a hole in the heart." ဆိုတဲ့အတိုင်း ချစ်မိသွားတာနဲ့ နှလုံးသားထဲက ကွက်လပ်ကို တစ်စုံတစ်ယောက်ကသာ ဖြည့်ဆည်းပေးနိုင်တာမျိုးပါပဲ သူမှ မဟုတ်ရင် အမြဲနာကျင်နေရတော့တာမျိ...
Coming Home
Start from the beginning