كعدت الصبح مالكيته اتصلت على حيــادر كال وياي لا تخافين وماعرفت وين رايحين بقينا وحدنا لليل رجعواً ورأسًا صعد فوك جلبت بحيادر
- وين جنت ؟
- يوم الجمعة يفصل بيت حيدر اخوج كام يدور فصول .
- شنو ؟؟
- راح يطيح حظهم .
- حيــادر احجي .
- يابه راح لشيخ عشيرتهم كاله ضربوا اخواتي تهجموا على بيتي هددوا مرتي وشردت من خوفها مستولين على گاعي وطيحلج حظهم راح يكعدون على الحديدة .
رجف گـــلبي بخوف اخاف يكتل واحد بيهم بس حيــادر كال لا تخافين سكتت وهم الثاني يوم فزيت مالكيته متت خوف عليه للظهر جابوا الفراشات دخلنا وحيادر نزلهن رتبناهن فرشنة الچرابي. ، حيــادر يريد غزوله بس يخاف من هجــام متحمل وساكت . وهي ولا تباوع الحيادر بوجود هجــام . .
عرفت يطلع يدور على شــام من الصبح حد الليل يرجع راح المدرستها اليمنا انطاهم خبر خاف تجي على تأييد يبلغونه ، وهو روحه رايحه ويخلص الليل يسمع بنفس القصيدة وكم مره بمره الكه دمعته بعينه .
هاليوم رجع الظهر كعد ويا غــزل يسألها واني لازمه گـــلبي بأيدي خاف تجفص بشي كالها
- كملتي امتحانات مو ؟
- اي وكلهن مجاوبه بيهن .
هز راسه موافق وصعد فوك بقينا نسولف سوا للعصر ويا الصلاة گلت اغسل الگراج واتوضئ للصلاة غسلته وشارعنا لان باول فرع على الشارع العام كلش هواي سيارات تفوت من يمه ارتبك عبالك كاعده بالشارع رفعت راسي ليفوك باوعتله واكف بالممر يم الشباك ويباوعلي رشيت الحديقة والكراج جاي امسحه بالماسحة وفززيت على صوت بعيد احس روحـــي خربطة وسمعت غلط وهو يصيح بثگل
- رويــده
تلفتت ادور والصوت يقترب من الشارع
- رويــده .
دخلت للمطبخ ركض شهكت أيدي على حلكي واني اشوف يُســر بالشارع يتطوطح خطوه تجيبه وخطوة ترجعه جمد جسمي كله والسيارة التفوت تدكله هورن وهو ما يدري بروحه يجي منا ويروح منا ،واكفه بصدمة ما مصدكة عيوني وما مصدكة هذا يُســر طاح بالكاع ورجع وكف ينكث ملابسه يرفع وجهه ويمشي بخطوات ما ثابته
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
البارت ٤٢
ابدأ من البداية
