နိုင်ထွန်းထွက်သွားတာနဲ့ ကျုပ်လည်း အိပ်ရေးဝအောင် ဆက်အိပ်နေလိုက်တယ်။ ကျုပ်နိုးလာတော့ နေ့လည်ဆယ်နာရီတောင်ခွဲပြီ။ ကျုပ်လည်း အိပ်ရာကနေလူးလဲထကာ ပေါင်ထိလိပ်တင်နေတဲ့ပုဆိုးကို အသေအချာပြန်ဝတ်ရင်း နောက်ဖေးပြေးရသည်။ ကျုပ်အကျင့်ကို သိတယ်မလား။ အိပ်ရာထတာနဲ့ ပထမဆုံးလုပ်ရတာက အပေါ့အရင်သွားတာပဲ။
" ဟေ့ကောင် နိုင်ထွန်း!!!.....၊ မင်း ဒီမှာ ဘာထိုင်လုပ်နေတာလဲ... မျက်နှာက ခွေးချီးပုံတက်နင်းမိထားတဲ့အတိုင်း ရွံ့မဲ့နေတာ.. "
" တေလွန်း... "
" ..... "
ကျုပ်လည်း သွားတိုက်နေရင်းနဲ့မှ အုတ်ကန်ဘောင်ပေါ်မှာ တွေတွေကြီးထိုင်နေတဲ့နိုင်ထွန်းကို 'ပြော'ဆိုတဲ့သဘောနဲ့ မေးငေါ့ပြလိုက်သည်။
" မမကေသီ.. မမကေသီ ငါ့ကို လုပ်ရက်တယ်ကွာ "
" ထွီ! နိုင်ထွန်း ငါ့ကို သေချာပြောစမ်းပါ... ဘာဖြစ်လာတာလဲဆိုတာ၊ အခုလို ချီးစားထားတဲ့မျက်နှာမျိုးကြီးနဲ့မပြောစမ်းပါနဲ့ "
ကျုပ်ရဲ့ပါးစပ်ထဲက သွားတိုက်ဆေးအမြှုပ်တွေကိုထွေးချပြီး နိုင်ထွန်းကိုမေးလိုက်သည်။
" လဒ !! _ီးတဲ့မှ ချီးစားထားတဲ့မျက်နှာပါလား...၊ ငါ ဒီမှာ တကယ်ခံစားနေရတာကွ "
" မနက်ကပဲ မင်းတို့ချိန်းတွေ့ကြတာမဟုတ်ဘူးလား.... "
" အေး ဟုတ်တယ်...၊ ဒါပေမဲ့ ငါ့ကို ချိန်းတာက နှစ်ယောက်တည်းတွေ့ဖို့မဟုတ်ဘူးကွ..၊ မမကေသီက ပြောတယ်.. ငါ့ကို တွဲတာက သူ့ကောင်လေးနဲ့အဆင်မပြေလို့ သူကောင်လေးသဝန်တိုအောင် ဒီတိုင်းတွဲပြတာတဲ့၊ အခု သူ့ကောင်လေးနဲ့ပြန်အဆင်ပြေသွားပြီတဲ့ကွာ..... "
" အဲ့တော့ မင်းကို ထားခဲ့တာပေါ့ "
" အေးလို့....၊ မမကေသီ လုပ်ရက်တယ်ကွာ... "
" လုပ်ရက်တယ်.. မလုပ်ရက်ဘူးတွေပြောမနေနဲ့တော့...၊ မင်းက မကေသီကို လက်ထပ်ဖို့အထိ စဥ်းစားထားလို့လား... "
" ဟင် "
ကျုပ်မေးလိုက်တဲ့စကားကြောင့် နိုင်ထွန်းက ကြေကွဲလူငယ်လုပ်နေရာမှ ကြောင်အသွားသည်။
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
Episode _ 9
Start from the beginning
