- يله تعالي .
رويــده :: بيا گاع أدور وين افتر يا شارع يدليني ، ليش هيج توجعين گـــلبي شــام ليش كتلج ما اعوفج ولا اخلي احد ياخذج من يمي شلون تكسريني هيج كسرة شلون يتحمل گـــلبي بعدج وانتِ امانة الاعز من روحـــي .
التفتت على صوت يُســر . وكف السيارة بكراج وكال
- أبقي هنا اقدم بلاغ بالمركز واجي .
هزيت راسي موافقة مهدود حيلي واتخيله يوكف كدامي ويگلي ها رويــده شــام وين الامنتها يمج وينها ، مسحت دموعي احس بمعدتي تعصر دم كد ما مقهورة معدتي وكلبي يوجعني .
شحالها بالشارع وحدها شلون تحمي روحها اني متحملة ذلة خالتي حتى احميهن من الشارع من الحيوانات البشرية ، شلون عافتني شلووون
رجع يُســر اعصاب وشايط سد الباب وصيح يسب بيهم اباوعله ساكته ما سامعته غالط قبل غمض عينه ومسح وجهه باوعلي
- اعتذر .
- شگلولك .
- ما يقبلون بلاغ بهالوقت . عود ما كتلهم طالعة بارادتها كتلهم مفقودة.
مسحت وجهي اباوعلة كوه احجي صوتي رايح
- يُســر هي ما عندها احد تروحله ، مره مره كالت لو واحد يعيش يخدم بحضرة الإمام ولا يتحمل ذلة الناس ، خاف راحت للحضرة .
شغل السيارة واني كلي أمل بلكي الكاها هنا . رحنا للحضرة عافني بمكان وراح يسأل يفتر من مكان المكان ورجعلي كال
- ادخلي لصحن النساء دوريها .
دخلت افتر اباوع بالوجوه ودموعي على خدي الساني يلهج
- يا رب أقسم عليك بحفيد رسول الله اللهي أقسم عليك بالحسين وطفلة الرضيع اللهي أقسم عليك برسولك الحبيب احفظها الي ودليني بيها لا ينفجع گـــلبي عليها .
افتر أفتر اكثر من خمس ساعات ما خليت مكان ما رحت ودورت بيه نهد حيلي ورجلي تگطعن ، طلعت اليسر من إتصل وبس لمحته بجيت اريد احاجيه ما اكدر اشرت على بلعومي مختنگة انطاني ماي اباوع لحيرتة حزنة ضعف حزني كعد بصفي بين الحضرتين وحجة بصوت مخنوگ
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
البارت ٣٩
ابدأ من البداية
