"ပိုပြန်ပြီ..ကို အလုပ်မသွားဖူးလား"
"သွားမှာ မသွားခင်လေး ကို့အမျိုးသမီးလေးရဲ့မျက်နှာကိုတဝကြီးကြည့်ချင်လို့လေ"
"ပိုပြန်ပြီ.... ညနေ့ပြန်လာရင်တွေ့ရမှာပဲကို"
"အယ်! ဟဲဟဲ ကို....မေ့ကိုမပြောရသေးဖူးလား?"
"ဘာကြီးလဲ?"
"ကိုအလုပ်ကိစ္စနဲ့ နိုင်ငံခြားကို ခရီးထွက်ရမယ် ဟိုကရုံးခွဲမှာ အစည်းဝေးတတ်ရမှာမို့"
"ဘယ်လောက်ကြာမှာလဲ?"
"၃ရက်"
"၃ရက်တောင်လား...အဲ့တာဆို Christmas နေ့ပြန်မရောက်ဖူးပေါ့နော်"
"အဲ့လိုဖြစ်မယ်... ဘာလို့ဆို ဟိုမှာအလုပ်ကိစ္စကအရေးကြီးတာမို့ပါ...ဆော့တီးပါမေ ဒီနှစ်မေနဲ့အတူမရှိပေးနိုင်တာကိုလေ"
သူပြောလိုက်သောစကားကြောင့် မေမျက်နှာလေးညှိုးသွားသည်။ သူလည်းစိတ်မကောင်းဖြစ်ရပါသည်။ ချစ်ရသူနဲ့အတူတူ Christmas ကိုဖြတ်သန်းချင်တာ သူရဲ့ဆန္ဒတခုပင်ဖြစ်သည်။
ရုတ်တရက်ဆိုသလို မေကသူအားတင်းကြပ်နေအောင်ဖက်လာသည်။သူ့ရင်ခွင်ထဲတိုးဝင်ကာ ...
"ဂရုစိုက်နော်...ပြီးတော့မြန်မြန်ပြန်လာနော်..ချစ်တယ်"
"........."
အခုကတည်းလွမ်းနေပြီ ဘယ်လိုလုပ်ရပါ့မလဲလေ။
.............................................
ကိုမရှိတဲ့ နေ့ရက်တွေက မေအတွက်အဆင်မပြေပါ။ သူမပျော်ဖူး။ ဖွားဖွားနဲ့ မေမေဆီသွားလည်း သူပျော်မလာဖူး။ ကိုကမကောင်းဖူး။ သူ့ကိုတစ်ယောက်ထဲထားခဲ့တယ်။Christmas နေ့လည်း သူတစ်ယောက်ထဲ ဒီအိမ်ကြီးထဲမှာ တစ်ယောက်ထဲဖြတ်သန်းရဦးမယ်။
"လွမ်းတယ် ကို!"
.........................................
Christmas Day🎄
နေရောင်နုနုလေးတွေနဲ့အတူ ဒီနေ့မျိုးမှအအေးဓာတ်ကပိုနေသယောင် သူဆက်အိပ်၍မရတော့ပါ။ မျက်နှာသစ်ရေမိုးချိုးပြီး ထုံးစံအတိုင်း ပန်းချီဆွဲခန်းထဲတွင်သာ သူအချိန်ကုန် ရန်ဆုံးဖြတ်လိုက်တော့သည်။
Christmas နေ့ဆိုတော့ သူဒီနေ့နဲ့ပတ်သတ်တဲ့ပန်းချီကားတခုဆွဲရန်သာ တွေးလိုက်သည်။အတွေးများနှင့်အတူ စုတ်ချက်များကို ကားချပ်ပေါ်တွင်ပုံဖော်ရန် ဟန်ပြင်နေတုန်း လူခေါ်ဘလ်အသံတခု သူ့နားထဲတွင့်သဲ့သဲ့ကြားလိုက်ရသည်။ သူ့ရဲ့မသိစိတ်တနေရာထဲတွင် မျှော်နေသူများရောက်လာမလာဆိုတဲ့ မျှော်လင့်ချက်အမျှင်တန်းလေးတခုဖြစ်ခဲ့သည်။
YOU ARE READING
𝓜𝔂 𝓨𝓸𝓾𝓽𝓱 𝓘𝓼 𝓨𝓸𝓾𝓻𝓼..... (𝐶𝑜𝑚𝑝𝑙𝑒𝑡𝑒𝑑)
Romanceဤဇာတ်လမ်းလေးက ရိုးရှင်းပါတယ်လေ... မေ ဆိုတဲ့ ကျွန်မရဲ့ ငယ်ရွယ်ချိန်တွေဟာခြောက်သွေ့နေတယ် ထိုအရာကိုစိမ်းလန်းစေမဲ့အရာဆိုတာမရှိခဲ့ပါဘူး... တစ်နေ့ပေါ့ ....တစ်နေ့မှာ သူကို့ "ကို" လို့ခေါ်ပါဆိုသည့်ကောင်မလေး ကျွန်မရဲ့ ငယ်ရွယ်ချိန်တို့၏ဖြစ်တည်မှု ....ခူးကိုနဲ...
Merry Christmas 🎄(Unicode)
Start from the beginning
