ကိုရိန်းက ပြန်မဖြေဘဲ နှုတ်ဆိတ်လို့နေပါသည်။ ထို့နောက် ခေါင်းခါပြီး
"ဘာမှမဟုတ်တော့ဘူး အရေးမကြီးတာမို့ ငါတောင် မေ့သွားခဲ့တာ"
ကိုရိန်းကို နှုတ်ဆက်ပြီးနောက် check-in ဝင်ဖို့ ပြင်ရပါသည်။
..
Taehyung ကို လေဆိပ်လိုက်ပို့ပြီးနောက် Carlos ဆီက ဖုန်းဝင်လာသည်။
"ကိုရိန်းရေ ဒီကို မြန်မြန်လာမှ ရမယ် ထင်တယ်။ ဗီဗီယာနာ့ အဒေါ်ဆိုတဲ့ မိန်းမကြီး သောင်းကျန်းနေတယ်"
Carlos ပြောတာတွေကို နားမရှင်းသော်လည်း စင်တာကို မြန်မြန်သာ သွားလိုက်ရသည်။
စင်တာကို ရောက်တော့ တစ်နေရာလုံး ဆူညံလျက် လူတွေ စုစုရုံးရုံး ဖြစ်နေကြသည်။
"ငါ့ကို ရှောင်ရဲတဲ့အထိ သတ္တိတွေ ဘယ်ကရသလဲ အံ့ဩမိတယ်။ ဒီလိုရှောင်နေရုံနဲ့ ဘာမှ ဖြစ်မလာဘူး။ ငါ့ ပိုက်ဆံတွေ ပြန်ဆပ်ဖို့ နင့်အဖေကို ပြောထားလိုက်... အလကား ဆန်ကုန်မြေလေးတွေ ဒီရုပ်ရည်လေးနဲ့ လုပ်စားရုံလောက် ငါ့ပိုက်ဆံတွေ ကြေပြီ ထင်မနေနဲ့"
ဘာတွေ ဖြစ်ကြသလဲ ကျွန်တော် လိုက်မမှီနိုင်တော့ပါဘူး။
အရပ်မြင့်မြင့်၊ ခပ်ထွားထွား အမျိုးသမီးတစ်ယောက်ဟာ ဝတ်ထားသည့် ဈေးကြီးကြီး အဝတ်အစားတွေကိုမှ အားမနာ အော်ဟစ်နေသည်။
ဗီဗီယာနာရဲ့ အနီရဲရဲ ဆံပင်တွေဟာ ထို အမျိုးသမီး လက်ထဲမှာ ကြေမွလို့ နေသည်။
"နင်... နင် ငါ့ကို ဒီလို အကြည့်မျိုးနဲ့ မကြည့်စမ်းနဲ့။ ဘယ်လို အမျိုးယုတ်တွေနဲ့ ဆွေမျိုးတော်နေရသလဲ မသိတော့ဘူး"
"ဒီမှာ တော်လိုက်တော့... စင်တာက လမ်းဘေး ဈေးတန်း မဟုတ်ဘူး။ အော်ဟစ်နေတာတွေ ရပ်ပြီး ဒီနေရာက မြန်မြန် ထွက်သွားဗျာ"
နေရာတစ်ခုလုံး တိတ်ဆိတ်သွားပြီး ကိုရိန်းဆီကို အကြည့်တွေ ရောက်လို့လာသည်။ ဗီဗီ့ အဒေါ်ဆိုသည့် အမျိုးသမီးက နှာခေါင်းရှုံ့လို့ လှမ်းကြည့်သည်။
"ဒါကရော နင့်ကို စပွန်ဆာ ပေးနေတဲ့ သူပဲလား"
"ခင်ဗျား စကားပြောတာ သိပ်လွန်နေပြီ။ ဒီလိုပဲ ဆက်ပြီး ဆူပူနေဦးမယ်ဆိုရင် ရဲခေါ်ရလိမ့်မယ်"
YOU ARE READING
Kissing In The Moonlight [Completed]
Fanfictionလရောင်လဲ့လဲ့လေး အောက်မှာ မင်းကို အနမ်းတွေပေးမယ်။ ရေနတ်သမီးပန်းတွေ ပေးပြီး မင်းကို ကံကောင်းမှုတွေဆီ ခေါ်သွားပေးမယ်။ မသေချာတဲ့ အနာဂတ်ကို တမ်းတပြီး စိတ်ကူးယဉ်နေမှာထက် သေချာတဲ့ ပစ္စုပ္ပန်မှာ ပိုချစ်သွားပါ့မယ် start: October 15, 2023 end: January 18, 20...
Chapter 23
Start from the beginning