"لا تشكو للناسِ جُرحًا أنتَ صاحبه
لا يؤلم الجُرح إلّا من بهِ ألمُ
فإن شكوتَ لمن طابَ الزمانُ لهُ
عيناكَ تغلي، ومن تشكو لهُ صنمُ
وإن شكوتَ لمن شكواكَ تُسعدهُ
أضفتَ جُرحًا لجُرحكَ اسمه الندمُ"
يُحَدِّثُني الحَبيبُ حديثَ ودًّ
فأبْسِمُ ثُمَّ أطلبُ أنْ يُعيدا
وليسَ صعوبةً في الفهم
لكن أُحِبُّ حَديثَهُ حُبَّاً شديد
الليله 30....
………………………………………………………
مريم:ماما مو درست هواي وعقلي كله بالدراسه ف مادري صفنت ومادري شصار،ع كلاً حروح تاخرت والبنات ينتظروني دنروح سوه، يلا باي حبيبتي ....طفرت منها بكل سرعه وطلعت وصرت اتمشى وطلعت لراس الفرع ولگيت اسير واگفه رحت عليها حظنتها وسلمت عليها
مريم:شلونچ يروحي؟
اسير:الحمدلله، انتِ شلونچ بعد هذيج الليله
مريم:والله الحمدلله،لو تدرين شصار
اسير:شصار
مريم:راسلنييييي(كعدت اسولفلها كلشي صار وبهل اثناء اجت طيبه وهم صرت اسولف الهن )
طيبة:مستحيل! يعني انت متخيله انو تذكر شكلج من بين الاف البنات الي شافهم
مريم:لچ ايييييييي
اسير:ترا حقه يتذكرها،اذا حركته ونعلت عشيرته؟ شلون ما يتذكرها يعني
طيبة:اهو هسه دنچبي شكد متشائمه، يمكن انعجب بيها بشكلها شمدريج؟ لو لازم تنگنگين چنج بومه
اسير:يا چلبه!بومه ولا اعويي من البجي على اسلم
مريم:كافي تتعاركن بنص الشارع شبيجن
طيبه:احجي وياها؟ كادره بس تتشائم علينه الچلبه
اسير:والله محد غيرج الچلب يا حقيره،البارحه من عطشتي كمت بنفسي جبتلج مي بنفسي(كلت بصوت ناصي سم)
طيبه:يا ادبسزز هاي سم عليه؟ اني الچ
مريم:طيبه زعلت من اسير وبهل اثناء اجت لينا وبراق وشرحت الهن السالفه
لينا:هسه من وكت عركاتكم التافهة خل نوكف تكسي راح نتاخر على الجامعه
طيبه:ما اصعد وياها بنفس السياره، ولا انوب نفس الكشن،ايعع
اسير:ولا يهمج نربطج بحبل والحبل نشده باليده مال الباب ومثل الطلي نجرج شتكولين؟ بعد ما خلصت كلامي لكيتهن طاكات ضحك
طيبه:تمام اسير تمام من عيوني
اسير:عفتهة ما رديت عليها ادري بيهة خبله هسه بس نوصل هناك تنسى كل شي صار،اني وياها دائما نتناگر مو شي جديد ....وصلنه للجامعه وانطينه للسايق الفلوس ودخلنه نتمشى واني اتلفت وادور اشوف رضا،بس الغريب ما شفت رضا شفت ابو الامنيه الثاني مصطفى،استغربت بس غلست على الموضوع واساسا هذا من مصلحتي لان راح يسالني شصار البارحه واني ما اريد احچيله اي شي .... ضلينه نضحك ونسولف طيبة شافت اسلم راحت ركض ركض اله ....
YOU ARE READING
ليالي مشتتة
Action- تلك القِصصِ التي لم تحمِل مُقدِّمة إطلاقًا لم تُختم سقط منها الوَداع فجأَة لم تحمِل حتّى عنوانًا واضحًا تلك القصص هي متاهاتنا الأبديّة. في عام 2004 ولدت خمسه أقمار تلمع في هذه السماء الواسعة ...فاقت جمال القمر الاكبر بحد ذاته .. اختارت هذه الاقمار...
