غليان

part.17.

ردت افتحة چان مقفول غمضت عيوني بغضب والتفتت اباوعلة كاعدة وساند راسة بأيدة ويدخن

حچيت بغضب
:وين المفتاح

كال ببرود
رماد:عندي وما انطي

:انطيني المفتاح لا تصير مو زينة افتححححح البااااااااب

ما حچة بس يدخن ويباوعلي تركتة وردت اتصل بجدو يجي بس طفر اخذ تلفوني من عندي قفلة

رماد:ماكو روحة لمكان كعدي خلي نتفاهم

:مااا نتفااااهم خووش ما نتفاهم اريد اروح لأهلي خلي يطلگوني منك انه من الأول اكرهك وهسة كرهتك اضعااااااف

صرخ بوجهي
رماد:لااااا تكوليييييينننن اكرهكككك كافييييي ماكووو روحة نزعي يلا

سحب عبايتي ونزعني حجابي
رماد:ضربتچ من دستي ببطني يعني انه لو اريد مروه اطلگها واتزوج مرا ثانية كلامچ مخربط

لزمتة من فانيلتة الداخلية وحچيت من بين اسناني
:ما يحقلك تضربني لو تلگاني احچي ويا ولد واتغزل بي واحبة هم مايحقلك تضربنييي سمعتتتتت

رماد:لسااااانچ مَيان لا تعصبيني من الصبح

تركتة ودرت وجهي
:افتح الباب اريد اغسل وانزل ماريد اشوف وجهك

استغفر وراح جاب المفتاح فتح الباب وانه اخذت شالي وطلعت احس بلاعيمي تأذيني لأن البارحة ضغط على الشرايين

غسلت وجهي وانه اتحلف بي اريد اعلمة شلون يضربني بعد
طلعت من الحمام ورحت للغرفة ما چان موجود بيها رتبتها وانه اعصابي تفور انفجرت بتنظيف الغرفة هجمت عليها وكل شوي كاسرتلي شي

للظهر وانه انظف بيها وهوَ ما صعد بعد انهلكت هلك
عطرتها ونزلت چانت اسعاد كاعدة تسوي الخضرة والماس تشرب قهوة وتشتغل على اللابتوب

:سلام

ردو السلام واشوف امة تباوعلي بقلق ما اهتميت رحت صبيتلي چاي لأن راسي راح ينفجر ماكدر اخذ علاج ومعدتي فارغة

كعدت يمهن وحچت اسعاد
أسعاد:هاي شبي خدچ مجروح وبي اثر منو ضاربچ

باوعت لخالة ونزلت راسي
:دخت البارحة وطحت على وجهي

أسعاد:خاف حامل

گلبت عيوني مالي خلگ سكتت عنها هيَ لزمت بطنها وحچت
أسعاد:بلكت الله انه هم حامل علمود نجيب سوا

تلزم بطنها وفرحانة عبالك صدك حامل باوعت لألماس وكالت
أسعاد:البارحة جهاد عيشني ليلة من العمر شوفي رگبتي شوفي ما عافني لوجه الصبح يكول رجعت لشبابي وياچ