غليان

part.15.

ومثل نار بگطن مابينت مهموم
بارد بالوجه وانه احترگ سكته..

لاتنسون التصويت/متابعة الحساب/التعليق بين الفقرات🛑

البارت الجاي الأثنين✨

بسم الله الرحمن الرحيم

قراءة ممتعة 🤍
...........................................

مَيان:شهگت بصدمة من الشي الي سمعتة ما مستوعبة رماد مدمن!

من سمع شهگتي گام عني وانه تركت صدمتي على جنب ولزمت ايدة ورجعت راسة لصدري

:لا تگوم

راد يرجع يگوم ما خليتة حضنتة حيل لحد ما هدئ جسمة
:احچيلي اسمعك

زفر نفس بضيق وضل ساكت تركتة براحتة ما ردت اضغط علية واضح هالشي يتعبة بقيت امسح على ظهرة وبس صوت انفاسنة تنسمع

بعد صمت طويييييييل استمر لمدة ساعتين ضبط حچة بتردد ونبرة صوتة بيها حزن چبير وهم

رماد:مراهق عمرة 16 سنة راد شي يخلي ينسى الي يمر بي وألتجئ للحرام طريق مظلم مابي نور وهذا المراهق انه رماد

سكت يسحب نفس عميق وكال وهوَ يزفرة
رماد:سنة ونص اتعاطى مخدرات اهلي عرفو وانحرمت من المصروف وحبسوني بغرفة وأزدادت حالتي سوء اهلي ما عرفولي المهم عندهم الناس ماتسمع ولا تشوف حالتي

چانت تجيني نوبات هيستيرية من طفولتي بسبب شي ماريد احچي بي ومن اخذت المخدرات زادت هالنوبات اكثر واكثر

بس الحمدلله گدرت اتعالج من الأدمان لمدة سنتين انه اتعالج بفضل الله وبفضل صديق طفولتي ومراهقتي وشبابي تعالجت بس من تعالجت رجعت شخص ثاني شخص غير مبالي مستفز خبيث وإلى الأن انه هيچ واعترف