غليان

part.1.

من شفتك؟
من شفتك وحگك تيهت دربي
ما اكلك متت بس نخمش ڪلبي

ما احلل أي شخص ينقل القصة كاملة بغير حساب سواء كان يوتيوب او واتباد

لاتنسون( التصويت/متابعة الحساب/تعليقاتكم)🛑

قراءة ممتعة🤍
........................................................

البصرة ..8:30..

مشيت للسيارة بتململ جاي اصعد وسمعت صوت وراي
:تعاااااااي ليش اخذتييييي قميصيييي بيش اروووووح

ركضت للسيارة صعدت وقفلت الباب وطلعت راسي من الجامة ذبيتلها بوسة بالهوى
:شكراً على القميص يجنن بااااااااي

حرك السيارة يضحك ويهز براسة
:راح تموتينها كل يوم ماخذة شي منها مو عندج وانوب انتِ لابسة عباية لو منچ اروح بطرگ ملابس البيت وين يبين؟

باوعتلة ولبست نظارتي الشمسية
:تولي بس هي تاخذ ملابسي وانتَ التهي بهمك حبيبي

شغل قرأن وصرت اردد اليوم اول يوم دوام بمرحلتي الرابعة ومتحمسة
وصلني ونزل وياية لازم ايدي نريد ندخل وماحسينة غير سيارة شخطت كدامنة لو واصلة النة چان احنة بخبر كان

دفعني وخلاني بظهرة اتنفس سريع من رهبة الموقف وحط ايدة على سلاحة معصب

نزلو من السيارة 4 اشخاص فار الدم بعروگي من عرفتهم منو عبرو كدامنة يغنون ولا عبالك چانو حيقتلون شخصين

راد يروحلهم لزمتة بقوة وصرت اهدي بي
:عوفهم شريان حركتهم مقصودة

باوعلي والشرار يتطاير من عيونة
شريان:مَيان يرادلهم جرة أذن بسيطة

سكت عنهم ودخلنة مثل السنة الفاتت وصلني لمكاني وراح
بقيت كاعدة وشفت نفسة الي راد يدعمنة دخل حاط ايديه بجيوبة ويصفر مهتميتلة راح كعد وراية واسمعة يغني

:براسي وبزود تربيتي بكبر الكون شخصيتي
بيت شيوخ يا بيتي امشي وجنح بصيتي
ترا اليعرفني يعرفني والمايعرف احسلة
الي يعاديني لو ميت انبش گبرة واوصلة