دفعت رجله ووكفت اعرج
- انتَ السبب بكلشي عاشه هجــام ، انتَ ، كالك سفر عمو ابو شــام للخارج يتعالج كاللكم شكد ما يصير علاجة اني ادددفعه وعفتوه عفتوه تفترون بيه هنا وهنا الحد ما مات واخويه تبهذل بالسجن انتوا الخبلتوه وهسه اجيتوا تشكون من خباله لان كتل شخص تحبوونه من وصلتوه هالمرحله كيفتوا ، ارتاحوا هسه هاي نتائج افعالكم .
مسحت دموعي اباوع لسجود طلعت عجيب شلون كادره تبتسم وابنها هستوه مدفون اجت يم ابوي وكالت
- انا كتلج من كبل ذبي بلاج بعيد عني
هزيت رأسي بأسف
- عيشي نتائج افعالج خسرتي ابنج
- عدي غيره ، بس معتبه يا رويــده اذا ما بجيتج كل يوم اذا ما وديتج للشماعيه
ابوي عافنه وراح واني من صدمتي بيها حتى ردود ما عندي اباوع لافاطم متكتفه وراها وتباوع ساكته . كالت سجود
- خو هسه تصافينه خاتون لا تهدديني ولا اهددج هسه اجه وكتي هسه اعرف شلون الوعج اذا ما خليتج بنومج وتخافين من عدي
ضحكت مستهزئة
- اني اخاف منج ؟؟ هههههه
اجت بحقد جسمي مورم تشيط روحـــي من احد يلزمني عصرت زندي حيل واني اباوع بابتسامه كوه على روحـــي تحجي همس
- خافي خافي مثل ما خليته يكتل اخوه اخليه يكتلجن وحده وحده .
أختفت ضحكتي كلبي دك حيل اباوع لوجهه هزيت راسي
-شنو ؟
عصرت فكي حيل تنتر
- اي شعبالج جاا هينه ؟
- شجاي تحجين انتِ ؟ من منو قصدج ؟
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
البارت ٣٤
ابدأ من البداية
