Slowly Falling For Changkong ( ဘာသာပြန် )

Chapter-51

ဤရပ်ကွက်၏ပတ်ဝန်းကျင်သည် ကောင်းမွန်သော်လည်း အနီးနားရှိ စတိုးဆိုင်အများစုက Starlight အမှတ်တံဆိပ်၏ တစ်စိတ်တစ်ပိုင်းဖြစ်သည်။ Starlight နှင့်မချိတ်ဆက်ဘဲ အနီးဆုံးဟင်းသီးဟင်းရွက်ဈေးသည် ကားဖြင့် ဆယ်မိနစ်ကျော်သာဝေးသည်။ ဒီကိုပြောင်းလာပြီးရင် သူ့အရင်အိမ်နဲ့စာရင် ပစ္စည်းတွေဝယ်ရတာ အဆင်ပြေမှာမဟုတ်ဘူး။

Starlight ပန်းခြံအနီးတစ်ဝိုက်ရှိ ဧရိယာသည် Starlight ပန်းခြံကို တည်ဆောက်ပြီးကတည်းက ဖွံ့ဖြိုးတိုးတက်လာခဲ့သည်။ တိုက်ခန်းများ၏အသိုင်းအဝိုင်းသည် အလွန်အသစ်ဖြစ်သော်လည်း ၎င်းအနီးတစ်ဝိုက်တွင် ပံ့ပိုးပေးသည့် အဆောက်အဦများ မရှိသလောက်ပင်။ စူပါမားကတ်တစ်ခုပဲရှိ၏။ သို့သော် ထိုကဲ့သို့သော ဝေးလံခေါင်သီသောနေရာများတွင် နေထိုင်သူများသည် များသောအားဖြင့် ကားများရှိသောကြောင့် ၎င်းတို့အတွက် အလွန်အမင်း အခက်အခဲမရှိပေ။

ကံကောင်းထောက်မစွာဖြင့် သူ့တွင် ဘက်ထရီစကူတာလေး ရှိနေသေးသည်။

ရှန့်ချန်ခုန်း ပစ္စည်းအချို့ဝယ်ရန် စူပါမားကတ်သို့သွားပြီးနောက် အိမ်မပြန်မီ ဟင်းသီးဟင်းရွက်ဝယ်ရန် အနီးနားရှိ အခြားဟင်းသီးဟင်းရွက်ဈေးသို့ သွားခဲ့သည်။

သူ အိတ်များကို အဆောက်အဦးပေါ်သို့ သယ်ဆောင်သွားပြီး ရွှီလျန်၏အိမ်ရှေ့တံခါးကို သူမသော့ဖြင့် ဖွင့်လိုက်သည်။ အခန်းထဲတွင် တိတ်ဆိတ်နေသောကြောင့် ရွှီလျန် ရေချိုးနေတုန်းပဲဖြစ်မယ်။ သူ အစားအသောက်ကို မီးဖိုချောင်ထဲထားလိုက်ပြီး ရေချိုးခန်းတံခါးကို ခေါက်ရန် အိပ်ခန်းထဲဝင်သွားလိုက်သည်။

"ရွှီလျန် မင်း အိပ်ပျော်သွားပြန်ပြီလား? ထတော့လေ ရေတွေအေးသွားတော့မယ်"

ရွှီလျန် ရေချိုးကန်ထဲတွင် အမှန်တကယ် အိပ်ပျော်သွားခဲ့ပြီး ရှန့်ချန်ခုန်း၏တံခါးခေါက်သံက သူမအား နှိုးသွားစေခဲ့သည်။ သူမ ထထိုင်လိုက်ပြီး ပိတ်ထားသောတံခါးဆီသို့ လှမ်းကြည့်လိုက်သည်။

"ပြန်လာပြီလား?"

"အင်း ကိုယ် အခု ဟင်းချက်တော့မယ် ရေချိုးပြီးရင်​ မင်းစားလို့ရပြီ"