" အဲ့တာဆိုလည်း ပြီးတာပဲ...၊ ငါက အခုဘာလုပ်ရမှာလဲ "
" မင်းလုပ်ချင်တာ လုပ်လေ..၊ တစ်ခုပဲ ငါ့စကားကိုနားထောင်.. ငါ့အနားကနေဘယ်ကိုမှလျှောက်မသွားနဲ့ "
" အင်း "
ကျွန်တော်လည်း တေလွန်းကိုမနိုင်တာမို့ သူ့သဘောအတိုင်းသာ နေရသည်။ ကျွန်တော့်ဘက်က အလျော့ပေးမှပဲ တေလွန်းရဲ့မျက်နှာကဒေါသတွေဟာ တဖြည်းဖြည်းလျော့သွားသည်၊ သို့ပေမဲ့ မျက်နှာကတော့ တည်ထားဆဲ။
" လာ ငါ့နောက်ကနေ လိုက်ခဲ့ "
ကျုပ်လည်း ဆင်ပေါက်ရဲ့လက်ကိုဆွဲပြီး တောစပ်နားက အလွယ်ရတဲ့သစ်ခက်၊ပန်းတွေကိုသာ လိုက်ရှာပြီးအညွှန့်ပါတဲ့ကိုင်းလိုက်ပဲ ချိုးယူထားလိုက်သည်။
" တေလွန်း... "
" အင်း ဘာလဲ "
" ဟို ငါ ဟိုပန်းလေးတွေကို လိုချင်လို့... "
ဆင်ပေါက်က သစ်ကြီးပင်ပေါ်မှာအနွယ်လိုက်တွယ်တက်ပြီးပေါက်နေတဲ့တောပန်းကိုလက်ညှိုးထိုးပြသည်။ တောပန်းလေးက အစုလိုက်အထွေးလိုက်ပွင့်နေပြီး အဝါရောင်နဲ့အနီရောင်ရောနေသည်။
" အင်း... ငါ ခူးပေးမယ် "
ကျုပ်လည်း ကျုပ်လက်ထဲကချိုးထားတဲ့သင်္ကြန်အကြိုပန်းတွေကို မြေကြီးပေါ်ပစ်ချလိုက်သည်။ ဆင်ပေါက်ကိုတော့ မကိုင်ခိုင်းပါ။ တချို့သစ်ခက်တွေက ဆူးတွေပါနေတော့ မကိုင်တက်ရင် ဆူးစူးနိုင်သည်။ အဲ့တာကြောင့် ကျုပ်လည်း သူ့ကို မပေးဘဲ မြေကြီးပေါ်ပစ်ချလိုက်သည်။
" ဒီမှာပဲ ရပ်စောင့်နေ၊ ဒါတွေကို မကိုင်နဲ့နော်... ဆူးတွေပါတယ် "
" အင်းပါ...၊ မင်း သေချာတက်အုံးနော် "
" ဒီလောက်ကတော့ အေးဆေးပါ... "
" ငါက စိတ်ပူလို့ပြောတာကို "
ကျွန်တော့်စေတနာကို ဒီတေလွန်းဆိုတဲ့ကောင်က တကယ်ကိုနားမလည်ဘူး။ သူ့ကိုယ်သူပဲ အထင်တွေဇွတ်ကြီးနေတာ၊ အမြင်ကပ်စရာကောင်းလိုက်တာ။
" အေးပါကွာ... မင်းကလည်း၊ မင်းတို့အိမ်က မန်ဒါလီကြီးလို နှုတ်ခမ်းကြီးစူမနေပါနဲ့.. "
YOU ARE READING
စနေသားရဲ့ ဆင်ပေါက် / စေနသားရဲ့ ဆင္ေပါက္
Randomunicode ကျွန်တော့်ရဲ့ တမူမတူညီတဲ့စာရေးပုံနဲ့ မတူညီတဲ့ဇာတ်အိမ်လေးမို့ ဖတ်ကြည့်ပေးစေချင်တယ်ဗျ zawgyi ကြၽန္ေတာ့္ရဲ့ တမူမတူညီတဲ့စာေရးပံုနဲ႔ မတူညီတဲ့ဇာတ္အိမ္ေလးမို႔ ဖတ္ၾကည့္ေပးေစခ်င္တယ္ဗ်
Episode _ 5
Start from the beginning
