"ကျွန်မ ဆိုင်ကိုပြန်သွားရမယ် အရင်သွားနှင့်တော့မယ်နော်"
ရှန့်ချန်ခုန်းသည် သူမ ဒီလောက်စောစောကြီး ပြန်သွားလိမ့်မယ်လို့ မမျှော်လင့်ထားခဲ့ပေ။ အံ့အားသင့်သွားပြီး သူက
"ခဏလောက်ထိုင်ပြီး အနားမယူချင်တော့ဘူးလား"
"မဟုတ်ပါဘူး ကျွန်မ မကြာသေးခင်က နိုင်ငံခြားကိုသွားထားတာဆိုတော့ ကျွန်မမှာ အလျင်မီအောင်လုပ်ရမဲ့အော်ဒါတွေ အများကြီးရှိနေတယ်"
ရွှီလျန် မတ်တပ်ထရပ်ပြီး သူမအိတ်ကို ပခုံးပေါ်လွယ်လိုက်သည်။ ရှန့်ချန်ခုန်းလည်း သူမအနောက်မှလိုက်၍ မတ်တပ်ထရပ်၏။ ခဏကြာပြီးနောက် ထိုသူက
"ဒါဆို ကိုယ် မင်းကို အောက်ထပ်လိုက်ပို့ပေးမယ်"
"အင်း"
သူတို့နှစ်ယောက် အတူတူထွက်သွားကြသည်။ သူတို့နှစ်ယောက် မီးဖိုချောင်တံခါးမှ ထွက်လာသောအခါ ရှန့်နွမ်က မြင်သွားပြီး လှမ်းမေးလာခဲ့၏။
"အစ်ကို ရွှီလျန်ကျဲနဲ့ အပြင်သွားမလို့လား"
ရှန့်ချန်ခုန်း ဖိနပ်တစ်ရံပြောင်းစီးလိုက်ပြီး
"အင်း ငါ သူ့ကို အောက်ထပ်ကိုလိုက်ပို့မလို့"
"အိုး ကောင်းပါပြီ"
ရှန့်နွမ်အနေဖြင့် သူမအစ်ကိုကြီးက ရွှီလျန်ကို နောက်ဆုံးအကြိမ် ပြန်လိုက်ပို့တဲ့အချိန်တုန်းက နောက်နေ့အထိ အိမ်ပြန်မလာခဲ့ကြောင်းကို မမေ့သေးပေ။
ရှန့်ချန်ခုန်း သူမတွေးနေသည့်အရာကိုသိသော်လည်း ကိုးရိုးကားရားဖြင့်သာ ပြန်လှည့်လာပြီး ရွှီလျန်ကို အိမ်ရှေ့တံခါးဖွင့်ပေးလိုက်၏။
"သွားရအောင်"
သူတို့နှစ်ယောက် ဤကျဉ်းမြောင်းသောစင်္ကြံကို အကြိမ်ပေါင်းများစွာ ဖြတ်ကျော်ခဲ့ကြသော်လည်း ရှန့်ချန်ခုန်းအတွက် ဤမျှအဆင်မပြေခံစားရသည်မှာ ပထမဆုံးအကြိမ်ဖြစ်သည်။ ရွှီလျန်က စကားမပြောဘဲ ရှန့်ချန်ခုန်းသည်လည်း ဤအငွေ့အသက်ကိုချိုးဖျက်ရန် စိတ်ဝင်စားဖွယ်အကြောင်းအရာတစ်ခုကို ရှာဖွေရန် အလုပ်များနေပါသည်။
DU LIEST GERADE
Slowly Falling For Changkong ( ဘာသာပြန် )
RomantikAuthor - Ban Li Zi , Chestnut Chapter - 56 + 10 extras Started Date -1.9.2022 Ended Date- 22.12.2023
Chapter-49
Beginne am Anfang