هجام :: اريد اجاوبك جواب يليق بيك بس تذكرت قولة تعالى {وإذا خاطبهم الجاهلون قالوا سلاما}
يُســر صفك وهجام يفور يخزره ويرجع يخزرني كتله
- زياد خاطبني ؟
- حتى انعل والديه لا تحجين اسمه كولي صاحبك
يُســر :: إذًا ليش تجذب ؟
هجــام :: احنا ما متدينين عادي نجذب بس الشيخ المتدين من يجذب شيگول الربه ، ها مولاي ؟؟ سهله مولاي ؟ بعيوني مولاي ؟ مو صح رويــده ؟؟
باوعلي رافع حاجبة دنكت ساكته وهم ثنينهم سكتوا الجو مشحون بينهم شوية وكسر السكوت يُســر من گاله
- شصار على السالفة؟
عفتهم ورجعت للمطبخ انقهر ومن اتذكر رجفة يُســر وخوفة شعور غريب يسري بگلبي الورا الغدا يله راح شفته سلم على هجــام ، هو أساسًا هجــام يحبهم حييل بس من يوصل الموضوع النا يتخبل اجه للمطبخ يسأل
- مرتي وين ؟
- تدرس .
زفر نفس بقهر گال
- بعد بس ثلاثة ايام
هزيت راسي اي ميته قهر عليه ، عافني وصعد
شــام :: وكفت مبتسمه بمجرد فتح الباب فتحلي أيده حضنته رفعني حاضني ويمشي الغرفتة دخل نزلني حضن وجهي بين ايديه
- فد مشتاگلج
رفعت اكتافي خجلانه وفرحانة ما أعرف شسوي
- تعمريلي النرگيلة بين ما أسبح ؟
- بس ما اعرف
- عسى ما بس تخلين الجمرالمهم من أيدج
فتح ايدي وباس باطنهن مدري شجاي يسوي بيه احس ياخذني لغير عالم بتصرفاته يترسني فرح وسعاده دخل للحمام وأني الضحكة شاگة حلكي
غسلت مال النرگيلة اعرف بس كم شغلة بس ما اعرف أرتب المعسل واسويه خليتها يم الشباك وفتحت الباب مال المدخل اليصير الحمام من ضمنه صغير كلش شغلت الطباخ خليت الفحم واباوع لياب الحمام گدامي نسد الماي واجالي صوته
- عرفتي تسوين المعسل؟
- احم لا ، لا ما عرفت
- جيبيه اعلمج
طلعت ركضت جبتهم ورجعت وكفت بباب الحمام فاتح الماي دكيت الباب
- هجــام جبتهم .
فتح الباب رفعت راسي اباوع لوجهه گـــلبي يدك حيل واحس بوجهي صخن الماي يقطر مد ايدة يأشر
- خلي هذا هنا
أنت تقرأ
نوائب شام
Mystery / Thrillerغرفة مظلمة صراخ لا يعلم سببه ما بعد سكون الجميع يظهر وجعه هي فقط تستطيع ان تسمعه وتتسأل من هذا ومن ذا الذي يعذبه يتناثر فضولها للمعرفه تخطئ بالسير نحوه لو لم تدق باب تلك الغرفة لن تصبح حبيسة وشمه لكن فات الأوان ذهبت شام لترى من خلف ذلك الباب وبعدها...
البارت ٣١
ابدأ من البداية
