Kissing In The Moonlight [Completed]

Chapter 19

"Pero realmente admiro tu pintura y quiero tomarme una foto contigo. ¿Está bien para ti?"
"ဒါပေမယ့် ဆရာ့ ပန်းချီကားတွေကို တကယ် သဘောကျပြီး ဆရာနဲ့ အတူတူ ဓာတ်ပုံရိုက်ချင်လို့ပါ။ အဆင်ပြေရဲ့လား မသိဘူးနော်"

ကျွန်တော်က စပိန် ဘာသာစကား တတ်ကျွမ်းလွန်းသူ မဟုတ်ပါဘူး။ သို့သော် ကိုရိန်းကတော့ သူ စပိန်ကို ပြန်ရောက်သွား ကတည်းက အနည်းငယ်လောက် သင်ပေးထားပါသည်။

ထို့ကြောင့် ဒီ ကျောင်းသူလေး ပြောချင်သည့် စကားကို အနည်းငယ်တော့ သဘောပေါက်ပါ၏။

"Lo haré por ti"
"မင်းအတွက် ဓာတ်ပုံ အရိုက်ခံမယ်နော်"

ထို မိန်းကလေးက ပျော်သွားပြီး ဓာတ်ပုံရိုက်ပြီးနောက် ကျေးဇူးတင်ကြောင်း ပြောကာ ထွက်သွားသည်။

ထို့နောက် ပန်းချီကားတွေကို ပြန်ကြည့်ရန် လှည့်လာလိုက်တော့ ခြေထောက်အောက်နားလေးမှာ မိန်းကလေးရဲ့ ပိုက်ဆံအိတ်လေး ကျန်နေခဲ့ပါသည်။

ကောက်ယူလိုက်ပြီး ထိုမိန်းကလေး အနောက်ကို လိုက်ရသည်။

လူ ခပ်ရှုပ်ရှုပ်ပေမယ့် သိပ်မရှာလိုက်ရဘဲ ကျောင်းသားတွေ ကြားထဲ ထိုမိန်းကလေးကို လှမ်းတွေ့လိုက်ရသည်။

ထို မိန်းကလေးက လူတစ်ယောက်အား ဖုန်းထဲမှ ဓာတ်ပုံကို ပြနေခြင်း... ကျောပြင်လေးသာ မြင်နေရပေမယ့် ရင်းနှီးနေသည့် ထို ကျောပြင်လေးရယ်ပါ။

အနားကို သွားကြည့်မိတော့ သာယာလွန်းသည့် ရယ်သံကလေးကို ကြားလိုက်ရပါသည်။

ထို့နောက် အနက်ရောင် ဆံပင် ခပ်တိုတိုတွေ၊ လက်ချောင်း သွယ်သွယ်လေးတွေ... တစ်ချက်ကလေး မြင်လိုက်ရသည့် မျက်ဝန်းဝိုင်းဝိုင်းလေးတွေ

ထို မျက်ဝန်းတွေက ကျွန်တော့်ကို တွေ့တော့ အံ့အားသင့်သလို ဝိုင်းစက်သွားပြီး ပြုံးရယ်နေသည့် အပြုံးကလေးတွေ ခေတ္တမျှ ရပ်တန့်သွားသည်။

အကြာကြီး ပျောက်ဆုံးသွားသည့် အဖိုးတန် ရတနာလေးကို ပြန်တွေ့ခဲ့ပြီ ဖြစ်၏။ နှလုံးသားဟာ အရင်လိုပဲ လှုပ်ရှားနေဆဲ၊ ထိုလူ့ဆီမှာ နစ်ဝင်ပြီး ပျော်မြူးနေဆဲ ဖြစ်ပါသည်။