راجل مرتين

~24~

#راجل_مرتين24
بقلم :#nano_Ibrahim

عمتو. اجيييي يعني انتي عرسو فوقك عشان م بتلدي🤨
نور. ي جماعه فشنو
عمتو. دايرين نعرف القصة
سحر. البركة في ود عمي السترك لو دا كان راجل تاني كان طلقك زمان
نور. عقبالي نلقي البسترك انتي
انا. لو بتخلو الناس في حالها شايفة احسن.. يلا انا ح امش اعمل الغدا
قمت ودخلت جوا وأخلاقي في نخرتي وكنت شاماهم شديد
مرا اليوم مع محمد وسحر وقدوني قد المسا جا كمال داخل وانا ونور في المطبخ بعد سلم عليهم جا داخل ختا الحاجات حضن نور وجا على حضني وانا صارة وشي وحرفيا كنت زهجانة شديد
لفا يدو في خصري وقال لي الحلو زعلان مالو؟
نور. كان يوم قاسي بالنسبة ليها
هو. لي حصل شنو ؟
نور. مرتك عمك واولادا من الصباح قادنها غايتو لو مكانها كنت زمان اتفشيت فيهم
باسني في خدي وقال لي معليش بيبي امسحيها لي في وشي وحضني لفيت يدي في خصرو ودخلت راسي في حضنو
نور. انا؟
كمال. 😂تعالى
حضن نور معانا ونحنا كدا جات سحر داخلة
نور زحت شوية بس كانت واقفة معانا وكمال كان متسند على المسطبة ولسه لاقي يدو في خصري وانا كنت اصلا لافة يدي فيهو ولمن زحت نور رجع راسي على صدرو قدامها
نور. عايزة حاجة؟
سحر. سمعت صوت كمال
نور. وبعدين؟
سحر. عايزة الشوكولاتة حقتي
هو. برا مع عمتو
سحر. ايواااا
نور. عايزة حاجة تأني
سحر. لالا
بقت واقفة كمال م اشتغل بيها
رفع لي راسي وقال لي انا طالع فوق ابتسمت ليهو وزحيت منو باسني في راسي وباس نور وطلع
بعد طلع انا ونور عاينا لي سحر الكانت لسه واقفة
نور. قال ليك قاعدين برا لو م سمتعيهو يعني
بعد كلام نور طلعت برا
كمال. توته يا توته
مع صوتو انا طلعت من المطبخ لقيتو نازل من السلم وجاي على سحر سبقتني ومشت ليهو
سحر. عايز حاجة
هو. عايز توته
ابتسم ليها واتخطاها
هو. وين مفتاح الغرفة.. ولي قافلاها اصلا حتى نور؟
وصفتو ليهو وقلت ليهو ح احكي ليك بعدين
بعد طلع وختيت ليهو الاكل لانو ديل كانو اتغدو سلفا بعدها سحر وامها مشو عرفتهم وكذلك محمد واوبوهو نحنا رتبنا المطبخ وقفلنا البيت وطلعنا فوق نور مشت غرفتها بعد اتاكدت انها قفلت حتى مشيت غرفتي قفلت الباب لقيت كمال راقد في السرير وشغال بالتلفون فكيت الحجاب وفكيت شعري
وقعدت في طرف السرير ورجعت ضهري
هو. معليش بيبي 😂
انا. زي م قلت فترة وبتعدي... داخلة اتحمم واطلع الخيمة دي
ضحك وقال لي م تتاخري
شلت بجامة خفيفة عبارة عن فنيلة بدون اكمام ويداب واصلة صرتي وشورت صغير فوق الركبة بكتير دخلت اتحممت وجيت عملت روتيني وسرحت شعري واتعطرت مشيت رقدت جمب كمال وحضنتو
هو. احكي
حكيت ليهو قصة الغرفة وانو عمو ظريف بس مرتو واولاد مزعجين وحكيت ليهو انو عمو عايز يدبل وكلامو بس م حكيت لي حزئية محمد التافهة غايتو ضحك ضحك
باسني في خدي
هو. استحملي عشاني عارفهم سغلين وشديد كمان بس ماف حل غير كدا
انا. عشان عيونك اعمل اي شي
هو. وججججعععع بقينا نقول كلام حلو 😂
انا. وجع فينعك انا زاتي غلطانة
هو. خلاص خلاص اسف
انا. اهبل
فتح الدرج الجنب السرير وطلع منو شوكولاتة اداني ليها
ختفتها منو وقلت ليهو شكرا فتحتها وبقيت باكل قطعة وباكلو واحدة وانا راقدة فحضنو ومحاوطني بيدينو
هو. بالمناسبة
انا. امممم
هو. اشتقت ليك وغمز لي
انا. ونا م اشتقت ليك خالص
ضحك وباسني وقال لي وبعد الطاقة الاديتك ليها دي اخليك 😂
انا. دي كانت رشوة يعني☹️
هو. اجل نعم 😂
وحصل الحصل
صحينا على صوت دق في الباب قام كمال فتحو وانا كنت تعبانة شديد لانو يداب نمت ف م ركزت بعد مسافة صحاني
هو. توته
انا. اممم
هو. بيبي
فتحت عيوني وقعدت مع قعدتي الباب فتح ودخلت سحر انا صلحت الملاية كمال عاين ليها وقال ليها  ممكن تنتظري برا؟
حست بالاحراج وطلعت
سألني من حاجة تافهة وصفتها ليهو أداها ليها وقفل الباب وجا قعد جمبي
انا. بجد؟ عارف الساعة كم؟
هو. دي واحدة تافهة وعايزة ليها موضوع
جراني عليهو وقال لي م تفكري كتير يلا نومي
صحيت الصباح اتحمتت وعمات روتيني وصليت وجهزت لي كمال ملابسو بعد صحيتو قبل اطلع هو طلع من الحمام وصلى وانا بسرح بعد خلص جا جضني من ورا
هو. صباح الجمال
ضحكت وقلت ليهو ماف أجمل منك
هو. يلا عشان ماف أجمل مني لبسيني😂
انا. حاااضضضرررر 😂
فعلا جهزتو وهو م بخلي فرقة م بشاغلني بيها ولي لحظة كان ح يتهور ويخلي اي حاجة ويرميني في السرير 😂بعد خلص نزلنا تحت لقينا نور جهزت الشاي جابت لينا عصير وبعدها الشاي انا كنت بلعب في وجن وقاعدة جمب كمال وجمبو بالجهة التانية نور وكان عمو قاعد ومرتو وعمو وناس غايتو دا المصبرني عليهم
شوية محمد جا قعد معانا عاين لي من فوق لي تحت
محمد. بتك دي اسمها منو
كمال. اسمها وجن
محمد. ممكن تديني ليها
كان بتكلم معاي قام كمال شالها مني واداها ليهو أول م شالها البت بقت بتبكي وبصورة م طبيعية حتى نور خافت وقلعتها منو
وبقينا بنكست فيها وهو كان بعاين كدا ومستغرب لمن بدت تهدأ نور طلعت بيها فوق وكمال كان متوتر طلع برا تاني صاح لي
هو. توته مفتاح العربية والجزلان نسيتهم فوق
مشيت جبتهم ليهو وجيت باسني في راسي
انا. دا شنو الحصل قبل شوية ومالك كنت متوتر كدا
هو. نور ح تقتلني لو عرفت انو انا قرصتها
انا. م جادي لي عملت كدا؟
هو. م كنت عايزو يشيلها وبعدين م كنت فاكراها ح تكون حارة للدرجة
انا. بتبالغ لكن
هو. اسف...يلا اتاخرت وبعدين م تتأخر على الاجتماع
انا. حاضر
باسني في خدي وطلع دخلت اجهز الفطور ونور جات جهزتو معاي  بعد نومت وجن وكذلك محمود جا ساعدنا
بعد الفطور ابتديت اجهز في الغدا وبعدها اتجهزت عشان اطلع الشركة
وانا نازلة شفت محمد قاعد عاين لي م ركزت كتير وطلعت دورت العربية نزلت عشان افتح الباب لقيتو في وشي
هو. على وين؟
انا. شغل.. عايز حاجة؟
هو. ممكن توصيني معاك؟
انا. اسفة بس مستعجلة
هو. بس الزلط م ح تتاخري
اتنهدت وقلت ليهو تمام
ومشيت فتحت الباب بعد طلعت العربية هو قفلو وركب معاي وانا نهاي م مرتاحة ليهو
هو. تالا
انا. امممم.
هو.بتشتغلي وين؟
انا. مع كمال في شركتو
هو. ايوااا...رايك شنو نبقى أصحاب
انا. شكرا م بصاحب اولاد
هو. ياخي 😂😂😂بعد دا كلو؟ متأكد لو فتشت وراك ح القى لي بلاوي🤣
عاينت ليهو بطرف عيني وم رديت
هو. شكلو كلامي اكل معاك جمبه 😏
انا. اعتقد انك وصلت ممكن تنزل عشان الحق شغلي
هو. تمام يلا نتلاقى في البيت
نزل من العربية وانا مشيت الشركة ومليانه منو
في يوم كنت بغسل في الملابس جات سحر رمت لي ملابسها بدون ممكن ولا خجل قلت م مشكلة جات عمتو ختت لي ملابسها وملابس عمو ومحمد وحرفيا كانو كتار شديد وانا بغسل جا محمد
هو. توته الخبر
عاينت ليهو بطرف عيني
هو. خليفة اسحر صوتك السمح دا
انا. عايز حاجة
هو. لا بس عايز اتونس واساعدك
انا. شكرا م محتاجة مساعدة
هو. م اشتقت لي أيام م كان عندك مسؤولية وبتدخل وبتطلعي على كيفك
انا.اعتقد دي م حاجة تخصك
شلت الملابس في سبت عايزة اشرهم وكانو تقال جا هو وقال لي ح اشيلهم ليك
قال كدا ومسك السبت ومسك يدي بطريقة مقرفة طوالي فكيت السبت
هو. يديك ناعمين م شبه الغسل وشغل البيت
حمرت ليهو وطلعت من الحمام وهو جا ماشي وراي لمن وصلنا برا ختاهم وانا التدين أشر وهو بشر معاي وانا عايزة اتخلص منو وكل م يقرب ببعد منو
محمود. مرت اخوي 😂
انا. محمود شنو لكن حسنتو علاقاتكم
قلبت عيوني وقلت ليهو علاقة شنو كمان
محمود. شكرا يا محمد علي المجهود بس انا ح اواصل معاك بتقدر ترتاح
محمد. لالا عادي
محمود. يلا دي سمعت عمي بناديك
محمد. تمام يلا
بعد فات قلت ليهو واخيرااا انت من قبيل كنت وين
محمود. ضايقك؟
انا. ثقيييل ودمو بقرى وواقف في حلقي ابا يتبلع
هو. م يكون أتجاوز حدود
انا. لالا م تخاف اصلا م ح يقدر
هو. ثقة لكن
انا. يلا ساعدني
هو. هوى دي كانت ذلة لسان عشان اخارجو
انا. لالالا ماف ذلات معاي يلا يلا شر
هو. الزول م يقول حاجة
فعلا غسل معاي 😂وكل م يحاول اتملص يجيبو تاني
ومرت الأيام وكنت بعاني شديد معاهم في يوم كنت مصدعة شديد طول اليوم وفي نفس اليوم كانت آخر مقابلة لي عمو وكانا مبسوطين انو بقى كويس وكدا  وضبحنا وعملنا عزومة عدا عزمنا فيها أهلنا واصحابنا وجيرانا وكنا شغالين من الصباح لغاية المسا
كان كمال نايم معاي يومها بعد طلعت من الحمام قال لي مالك الليلة قلت ليهو مصدعة صداع م طبيعي
هو. اخدتي مسكن؟
انا. خلص
هو. كنت تقولي لي اجيب ليك معاي أو تكلمي محمود
انا.  بس انوم بعدها ح يروح
هو. م هو لازم تهتي بنفسك ولو م عملتي كدا انا ح اهتم بيك
قام من السرير لبس فنيلة وشال تلفونو ومفاتيحو وجزلانو
انا. وين ماشي
هو. الصيدلية
انا. الوقت متأخر.. خليهو وانت زاتك تعبان
هو. م متأخر.. وم بخليهو وبعدين تعبي عشانكم راحة
مسكتو وقلت ليهو م تمش وبجد م كنت عايزاهو يمش مسكني قعدني في السرير وباسني في راسي
هو. م ح اتاخر
فعلا طلع وانا رقدت وكنت تعبانة شديد ومتكرفسة في روحي بعد خمسة دقايق كدا الباب فتح دخل وجا قعد جمبي وختا يدو في كتفي ولفتني قبلت عاينت ليهو لقيتو محمد قمت مخلوعة وزحيت منو
انا. بتعمل فشنو هنا
هو. براحة م تخافي م ح اضرك
انا. اطلع برا
نزلت من السرير وكنت ماشة على الدولاب مسكني وقال لي كدي اقيفي اسمعيني
انا. كمال لو جا لقاك هنا ح يفصل راسك من جسمك اطلع برا
هو. لو قلت ليك م طالع.. وكمال زاتو طلع م اعتقد يجي اسي
انا. فكني ي واطي
هو. 😂بوريك اسي كلمه واطي حقيقة م كلام ساي عاملة فيها صعبة وكدا
ضربتو كف ف فكا يدي ووقعت وكان في كباية في الربيزة اتكسرت
جا على مسكني من شعري ورفعني من الأرض والداني كفين صرخت لانو يدو عملاقة
هو. عشان تاني تفكري قبل تمدي يدك على
انا. زح مني يخخخخ.. والله كمال م ح يرحمك
هو. يعني ح يصدقك... اكيد انتي واحدة تافه وكان شايف جسمك عشان كدا عرسك
شوية الباب فتح عاينت لقيتها نور طبعا غرفتها جمب غرفتي
انا. الدولاب ينور
نور بقت خاتة يدها في خشمها جات عايزة تفكني منو بس م قدرو
نور. فكها زح منها
دفرها بي يدو ووقعت
انا. نور افتحي الدولاب سريع
بعد كلامي مسكني من وشي بيدو التانية تفيت في ووشو نور فتحت الدولاب لقت سلاح شالتو ووجهتو عليهو وكانت بترجف ضحك وقال ليها خفت انتي هو م قادرة تمسكيهو زي الناس اما هو رجعني لي ورا ولسه ماسكني من شعري وقال لي م كنت فاكر جسمك بالجودة دي
ونحنا كدا كمال دخل
هو. محمممدد
وجا عليهو وضربو بي الأرض لمن حسيت راسو اتكسر ف اشتغل فيهو القرف ونور رمت المسدس وجات سندتني  واصواتهم ملت المكان وعلى حسها ديل جو ف عرفت انهم كانو سامعني بس مطنشين شوية جا محمود جاري وقال ليهم فشنو لقى كمال دق محمد دق العيش عاين لينا انا ونور الكانت حاضناني تاني دخل شال الغطا لفاهو فينا
محمود. كمال وقف خلاص
وكمال م شغال بيهو كانو م بتكلم معاهو اما عمو جا من تحت وبقي بحاول يمسكوهو بس م راضي
محمود. طب م قدامهم عاين ليهم خايفين كيف
عمو. كمال الله يرضي عليك فكو
شوية كمال وقف وكان بتنفس زي الكان جاري لي ساعة عاين لي انا ونور قبل واخد نفس
كمال. زحو من وشي م عايز اشوفو والا قسما بالله ح اقتلو
عمو. يا مرة سوقو الود دا برا
سندهو وطلعوهو برا
عمو. اعفي لي يا ولدي
كمال م ردا عليهو وم عاين ليهو اصلا لانو كان غضبان شديد بعد طلع كمال عاين لي يدينو الكان فيها دم وعاين لينا نحنا طلع فنيلتو وقشا يدينو شوية الباب دقا وجا محمود داخل شايل وجن  ختاها في السرير وادا كمال حبوب وطلع كمال وجا على انا ونور
هو. انتو كويسين؟
انا وهي كنا بنبكي
نور. انا كويسة بس هي لا
كمال شالني من الأرض ختاني في السرير بعدها شال نور
رقدني في النص ونور رقدت بالجهة التانية وبينا وجن نزل جاب موية وجا خلا نور تديني المسكن و هو لقط القزاز ألفي الأرض ورفع السلاح
هو.نور حبيبي بجد انتي كويسة
أشرت ليهو بي إي باسها في رأسها وغطاها
هو. اسف على الحصل
ابتسمت ليهو من سكات
بأس يدها وجا قعد جمبي
هو. بيبي انتي كويسة
عاينت ليهو وعيوني ملانه دموع شوية نزلو براهم رقد جمبي وحضني
هو. اسف بجد اسف م ح يتكرر تاني وانا حي وبتنفس ماف زول ح ياذيكم
مرت الليلة دي ويمكن تكون واحد من أصعب الايام في حياتنا اليوم التاني عمو حلف الا يسافر وكمال اتكلم معاهو بس رفض لانو كان خجلان شديد وكمال وضح ليهو انو م زعلان منو وعمو اعتذر مني ومن نور... الصراحة م يستاهل اولاد زي ديل اما امو كانت واقفة في صف ولدها وانو م غلط وقالت انو انا الغلطانة وانو كيف اقعد بي هدوم زي دي وهم قاعدين وقالت انو انا كنت بغويهو و24 ساعة بمش وبجي قدامو وسحر كذلك مع امها طبعا ابوهم م عارف انهم قالو كدا واصلا م ركزت معاهم وكمال رد ليهم ودافع عني

صباح الخير يشباب💃
اتفاعلو ووروني رايكم  💃