راجل مرتين

~1~

#راجل_مرتين1
بقلم: #nano_Ibrahim

كنت قاعدة بحضر في مسلسلي وكنت مندمجة شديد لدرجة انو م انتبهت للباب لمن فتح جا داخل انتبهت على الأصوات الكان بعملها بي المفاتيح عاينت ليهو ولي اول مرة اشوفو داخل ومبسوط كدا جا قعد في الكنبة عاينت ليهو وقبلت قدامي كانو م موجود
هو. عقدت على نور
عاينت ليهو بطرف عيني ورجعت احضر تاني اصلا م كان فارق معاي
هو. المهم خليك جاهزة لانو ح تسكن معانا هنا بعد ننزل من شهر العسل
برضو م رديت ولا عاينت ليهو
هو. على الأقل قولي مبروك دي شنو دي
برضو م رديت ليهو
قام من مكانو وقال لي متعشي وطلع فوق
(انا تالا عمري ٢٥ سنه خريجة إدارة أعمال وشغالة في شركة واموري باسطة غير شغلي اصلا اتربيت في عز وعيني ملانه... من ناحية جمال كنت جميلة شديد والعرسان زي م بقولو بالصف بس وقعت وقعة سودا... راجلي كمال... اتزوحنا يداب لينا شهور بس.. م بنعرف بعض يعني زواج تقليدي... م بينا شي ولا كلام ولا سلام واي زول عايش حياتو زي كانو التاني ماف... وحتى م بتلاقي كتير)
خلص المسلسل وطلعت غرفتي وعملتي روتيني ورقدت اتذكرت كلام كمال القبيل
Flash back
جيت داخلة من الشغل اتحممت وغيرت ونزلت عشان اتغدا معاهم
بابا. توته
انا. ايوة يبابا
هو. م حاسة انو بعد لازم تتزوجي
انا. يا بابا داير تاخد دور ماما الليلة 😂
ماما. قصدك شنو
انا. ااا لا شي بهزر 😂.. يا جماعة انا م لقيت الزول المناسب لسه
بابا. انا اديتك وقتك وزولك دا م جا وماف زول عاجبك
انا. يبابا انا م عندي زول وبعدين انا م عايزة اتزوج اي زول
بابا. وانا عشان انتي م عايزة اي زول اخترت ليك واحد
انا. كيف
هو. بتعرفي صالح صح
انا. ايوة
هو. عندو ولد أكبر منك وأعتقد شفتيهو وانا محتاج احكي عنو لانو سمعتو سبقاهو صح
انا. فعلا يبابا بس انا م حصل شفتو
ماما. والله ولد اختو في الجرح يبرا
بابا. ح يعجبك. المهم صالح دا قبل كم يوم لمن جانا هنا فاتحني في الموضوع
انا. وقلت ليهو شنو
بابا. قرينا الفاتحة
كنت باكل الاكل خنقني ماما ادتني موية
انا. بابا بتهزر صح
بابا. ودا موضوع يهزرو فيهو
انا. طب لكن.. أي عارفة انو زول كويس وم فيهو عيب وانا واثقة فيك واي حاجة بس ي بابا م كدا وهو زاتو احتمال م موافق
بابا. من الناحية دي هو موافق ولو م كدا م كان صالح فاتحني في الموضوع
ماما. خير م فعلت ربنا يجعل الفيهو خير
كلنا. آمين
End Flash Back

اليوم التاني صحيت من النوم وكان جمعة اتحممت وصليت ولبست بجامة ونزلت تحت عملت الشاي وشغلت التلفزيون وبقيت بحضر جا كمال نازل من فوق
هوو. توته
انا. اممم
هو. في ملابس فوق عايز غسل ومكوة وعايزهم الليلة
انا. اوك
قعد في الكرسي وكان بتثائب
كبيت ليهو شاي وطلعت ختيت الملابس في الغسالة م كانو كتار غسلتهم ونشفتهم بالنشاف وشريتهم نص ساعة كدا وجفو وكويتهم مشيت غرفتو لقيتو قاعد
هو. تعالي ساعديني جهزي معاي الشنطة
انا. اوك
المهم لقيتو مبهدلها بهدلة فرغتها كلها ورتبتها من اول وجديد وهو كان بساعدني
هو. م نفسك تحضري الحفلة
انا. حفلة شنو؟
هو. عرسي وكدا
انا. م شايفاك جبت لي توب ولا حاجة امش بيها عشان تعزمني
هو. أي صح طار من بالي.. م حنك نمش اسي ظبطي امورك
انا. اوك
قفلت الشنطة ونزلت من السرير لمن وصلت الباب قال لي البسي عباية عشان نطلع ونخلص قبل الصلاة
انا. تمام
فعلا مشيت لبست عباية ومشينا اتسوقنا اشتريت توب وفستان واي واحد طقمتو وواشتريت اكسسوارات جينا مارين بمحل دهب وممكن نقول انو عندو عشق معاهو نزلنا خلاني اختار اخترت لي طقم رفيع وحلو ورجعنا البيت بعد دخلنا اداني بطاقتو حقا الصراف
هو. امشي الكوفير ظبطي امورك
انا. كويس
دخلت عملت فطور وعملت بخور اصلا البيت نضيف.. كويست جلابية كمال بعد صلى جا راجع
هو. انا ح امش نتلاقى في بيتنا وقفلي البيت معاك
انا. اوك
هو. ولو م رجعت خلي بالك وم تفتحي لأي زول.. ولا امشي اقعدي مع ناس امك
انا. تمام
فعلا طلع وانا قفلت وشلت ملابسي ومشيت الكوفير ظبطت روحي ورسمت وميك اب بسيط ولبست توب وحرفيا كدا كنت قرضة والتوب جاي مع جسمي اصلا م بلبس تياب المهم ركبت عربتي ومشيت بيت نسابتي لقيت الخلق كلو هناك دخلت لي نسيبتي سلمت عليها واحضان وبوس ولا أديتها احساس انو دا عرس راجلي ويسلم على الناس عادي
هي. جيتي مع منو.
انا. كنت جاية مع كمال لكن اتاخرت في الكوفير.. بالمناسبة كمال وين
هي. قاعد مع الرجال بكون.. بس لي
انا. قبيل خلا البطاقة حقتو معاي ودايرة اديها ليهو
هي. م زعلانة منو
انا. ازعل منو فشنو؟
هي. العرس
انا. ابدا😂
لاقاني اخوهو الصغير اسمو محمود وهو أصغر مني برضو وهو نوعا ما صحبي كدا سلم على
هو. شنو لكن داير تطفي الجماعة
انا. دا كلامك 🤣😂
هو. عان دي صدقت
انا. اهبل دا 😂🤣.. وين كمال
هو. قاعد بهناك
انا. هاك اديهو دي
هو. الله.. حقو الزول امش اغنج قبل يديها ليهو
انا. بوريهو عشان يكسرك 🤣😂
هو. م بتخلي الزول يتسمتع نهاي 🤣
ونحنا بتضحك جا كمال
محمود. هدى قدامك جنيه م دخل في جيبي
انا. 😂😂كبسوك بس عشان كدا
كمال. جيتي متين.
انا. يداب جيت عايز حاجة؟
هو. لالا
مشي خلانا انا ومحمود المهم الوقت مشا والناس اتغدت وساعدتهم وكدا والناس دي كلها بتتكلم فيني بس عاملة م سامعة
جاتني مكالمة من كمال...