راجل مرتين

~3~

#راجل_مرتين3
بقلم :#nano_Ibrahim

لقيت كمال قاعد ونور في حضنو ونايمة كمال عاين لي بابتسامه حقت نصر كدا اما انا عاينت بقرف من منظرهم وم ركزت معاهم كتير كانو م شفتهم طلعت غرفتي طلعت العباية اتحممت ولبست بجامة ورفعت شعري فوق ونزلت دخلت المطبخ لقيت حالتو حالة عملت سندويتشين وشلت عصير وطلعت لاقاني كمال داخل المطبخ عاين لي بي ضيق كدا ضحكت وقلت ليهو م تضايق كلها كم شهر كدا وح أفضى ليكم الساحة😂 وبعدين المطبخ للأكل م للنوم ومشيت بدون انتظر رد طلعت غرفتي شغلت اللاب بتاعي وقعدت اكل واحضر شوية الباب فتح عاينت لقيتو كمال وقفت الفديو وعاينت ليهو وانا باكل
انا. فحاجة؟
هو. بعيد على أنو ح احاسبك على كلامك القبيل لكن م اسي انا جعان حاليا
انا. مرتك م أكلتك؟🙄
هو. انتي مالك 😑
انا. فعلا انا مالي؟ 🙄
هو. اوووفف أكلها م حلو وانا م بعرف والوقت اتاخر عشان اطلب حاجة ارتحتي؟😠
انا. اعمل سندويتش ايزي
هو. م هو انا لو بقدر م كنت جيتك😒
قلبت عيوني ونزلت من السرير كنت سلفا كملت الاكل شلت عصيري ونزلت تحت وهو نزل وراي بقى قاعد في كرسي وانا بعمل ليهو في الأكل
هو. م مضايقة؟
انا. من شنو؟
هو. يعني انو اتزوجت وكدا
عاينت ليهو وضحكت😂 قلت ليهو هو اصلا ماف بينا حاجة نحنا متزوجين بالاسم بس
هو. بس دا م بينفي انك مرتي
أنا. انا م شايفة كدا.. نحنا الاتنين عارفين انو نحنا مع بعض أداء واجب ليس إلا.. حتى لو الناس شافونا غير كدا
سكت وم ردا على كلامي.. جات نور داخلة وكانت لابسة قميص نوم بظهر اكتر مما بخفي
نور. بيبي بتعمل فشنو هنا🥺
هو. اااا كنت ...
نور. انا من قبيل منتظراك م قادرة انوم انا. يلا فوق ...
مسكتو من يدو وجرتو وطلعو فوق اما انا خلصت وختيت الاكل في سخان وطلعت فوق ونمت
صحيت اليوم التاني متأخر وكنت سلفا صحيت صليت الصبح ونمت تاني عملت روتين الصباح.. نزلت تحت لقيت المطبخ حالتو حالة وقفت جمب الباب وانا مخلوعة في المنظر جا كمال داخل
انا. الحصل شنو هنا؟😳
هو. اخخخ انسى بس
دخل شرب موية وطلع وانا عملت شاي وطلعت احضر لقيت العدة بتاعت الشاي قاعدة ومعناها صينية الاكل ف طوالي طلعت الجنينة بقيت بشرب في الشاي تحت مظله
Flash Back
بابا. اها يا توته؟
انا. يا بابا انا استخرت غايتو وموافقة
هو. متأكدة؟
انا. حاسه براحة.. نتوكل ونجرب
ماما. دا زواج م لعبة عشان يجربوها
أنا. كلامك صح.. المهم اتوكلو واعملو اللازم
End Flash Back

حسيت بي زول قعد جمبي عاينت ليقتو كمال وكان مرهق شديد
هو. انا مصدع وجعان وبكرة طالع وم عندي ملابس البسها والغرفة مبهدلة واموري جايطة😣
انا. اتكلم مع مرتك واتفاهم معاها انا دخلي شنو؟😒
هو. ح اتكلم معاها بس انتي اسي ساعديني
قلبت عيوني وقلت ليهو تمام.. بس م ح انضف الوسخ العملتو😑
هو. ماشي انا بتصرف في دي.. وشكرا على الاكل امبارح كنت ح اموت
انا. ماف داعي
قمت من جمبو
هو. وين ماشة ؟
انا. مش قلت جعان ومصدع وم عندك ملابس؟
هو. ايوا اي انتظريني
دخلنا جوا عملت فطور سريع كدا بعدها عملت ليهو قهوة وخليتو طلعت الغرفة حقتو بعد اتاكدت انو نور نزلت تحت وكانت حالتها حاله شلت لي غيار ليهو وانا طالعة صادفتني في الباب
هي. يا هلا
انا. اهلين
هي. دا منو السمح ليك تدخلي هنا😑
انا. معليش يعني بس انت لسه م تميتي يومين على بعضهم هنا عشان تقولي كلام زي دا
المهم بقت بتجوط وعلى صوتها جا كمال قامت مشت عليهو ومسكتو وهي شبه حاضناهو
هو فشنو؟
نور. شفت ي كميو دخلت غرفتنا بدون إذن وهبشت حاجاتك ويمكن شالت قروش أو دهبي لأنو كانت بتتسحب

اسفة على التأخير
رايكم في الرواية
اتفاعلو عشان انزل باقي الأجزاء 💃