حلقه 5
تاني يوم الصبح 🤍
تصلت مرام بولادها وقدرت تاخد الرقم المدير و الولد و الخطاب بجو الخميس خدي مالك رقم إسماعيل وتصل بيه
أسماعيل:أيوا
مالك:اهلين إسماعيل شن جوك
إسماعيل:تمام مني معاي
مالك:معقوله معرفتنيش
إسماعيل:لا والله معرفتك
مالك:زعلت منك راهو
إسماعيل:سامحني والله مزبطك
مالك: به تقدر إتجيني في جزيرة معيتيقه
إسماعيل:علاش خر نعرفك أنته مني قبل
مالك:تعالا للجزيره تو تعرفني معقوله تنسى العشره يالله بسيطه
إسماعيل:تمام بنجي على خاطر الفضول قتلني نبي نعرفك من تكون
مالك:ههه تصبر تحج يا ولد النعمي المهم نلقاك غادي مع جو ساعه 5 العشيه
إسماعيل:اليوم
مالك: لا غدوه
إسماعيل: والله صعب عليا غدوه عندي شغل
رغيد:الزفت قالك شغل
مالك:فنص لا تعالالي غدوه ضروري في صفقه مليحه ولا نقولك تعاله ساعه 7 صبح
إسماعيل:إذا كان هكي نقدر نجيك غدوه به
مالك:تمام وصكر
رغيد:تمام هكي كويس
مالك:عندك مفتاح الحوازه
رغيد:أي عندي و عندي مفاتيح حياشنا
مالك: لا لحوازه نطبوه و نحطوه فيها
رغيد:تمام لاكن نبوه هوا يقول منبيهاش
مالك:بالكفوف تو يقولها
رغيد: إنشاءالله خير و ربي يستر
...............................يوم الخميس..........................................
طبعا مالك و رغيد غيرو الموعد مع إسماعيل داروه ساعه 7 الصبح ناض رغيد و مالك الصبح و معاهم عزيز و محمد تفاهمو بأنه رغيد و محمد إقابلو إسماعيل و عزيز و مالك يقعدوا في الحوازه المهم ساعه 6 ونص كانت سيارة رغيد إمدرسه
ساعه 7
رغيد:أيوا مالك كلمه قوله وينك
مالك:تمام
مالك:أيوا
إسماعيل:أهلا
مالك:وين يا طير ليا ساعه إراجي فيك
إسماعيل:والله كيف طالع من الحوش
مالك:متعطلش و راي شغل
إسماعيل:خمس دقائق ونكون عندك بإذن الله
بعد مرور ربع ساعه وصل إسماعيل إلقي رغيد واقف
رغيد قدمت وقتله:أهلا إسماعيل
إسماعيل:أهلين
رغيد:خيرك تشوفلي
إسماعيل:نعرفك مش عارف وين شايفك
رغيد:أي مش عارف صار
إسماعيل:أنته ولد عبدالله وله أنته خو ميسم خطيبتي صح
رغيد ضربه على خشمه :معش تقول أسم أختي وأمتى ولت خطيبتك
إسماعيل:يا## تو تشوف وجي فوق رغيد و ضربه
رغيد:أعطيتك الضربه هادي بالمجاني و ناض فيه ضرب و ضربه لين قال حس
إسماعيل:برا يا ولد ### أقسم بالله عيلتكم عيله منتشرفش أني إناسبها أني إناسب ناس زيكم معقوله بوك إبيع أختك لواحد كبير زيي والله نقولك نتجوز أختك باش نحرقكم نقرهكم و نبدا جزء من عائلة العفن ال####
رغيد لما سب عيلتي و طريقت تفكيره أنه يتزوج أختي باش يقهرنا معاش نندري على روحي إلى وأني فوقه نهبك فيه كفوف على بوكسات على تيروات
محمد:جيت إنحز ما نحيت رغيد من علي إسماعيل إلا بسيف طيحلي جهدي: خلاص إستهدو بالله
إسماعيل ووجه إلي رايح خريطه :ههههههه بالله عليك قولي أختك شن بتنادي عليا بابا ولا جدي ولا عمي ولا ااااا زوجي قرة عيني شني بزبط😂😂😂
رغيد إستفزني هلبا بكلامه:لا لا محمد حول من قدامي غر إربيه معش نقدر أني راهو
محمد غمزتله: خلاص مش هكي تنحل
رغيد لما إغمزلي فهمته:أي نسيت على خاطر شني جاي نبي نتلاقه معاك
محمد:إنسحبت من بحداهم و درت منوم في الطرف و جيت من ورا إسماعيل و حشيته في خشمه طاح طرنا بيه أني ورغيد جري للسياره و أخدينه تليفونه و رفعنا مفتاح السياره والأوراق إلي فيها كله و وصلنا للحوازه إستقبلونا مالك و عزيز
مالك:هيي خيره هكي
محمد: ماخيراش كان رغيد إلعب فيه و هوا طلع سحنون ميتحملش اللعب و البصاره😂😂
مالك:😂😂 ننقنه يستاهل
رغيد:أقسم بالله أكتر إنسان مستفز ريته على كره الأرضية
عزيز:نهارك أنته وياه معش يبي ينوض الولد
مالك:قول شباني مش ولد 😒
محمد:لا قول زوجي قرت عيني😂😉
رغيد:ها ها بايخه
عزيز:به توا شن بدير
مالك:إنخليه يتمنى الموت ولا إناسبه
عزيز:لاكن فكونه من الإجرام جو التعديب منحباش
مالك:كان مش من التعديب كيف إسيب هالزواجه
رغيد:بعد ماريت هدا كلب سلوقي مايمشيش معاه إلا الضرب تفوووو تيييس
عزيز:إنقنك عاجنه عجنه مش عاديه أعطيني طريقة العجينه نبي نجربها😂😅
رغيد:مكونات ساهله و متوفرة في كل حوش
2أكواب من الكفوف و 3 ملاعق بوكسات على الفم و أي مكان يخطر عليك 6ملاعق أو أكثر من نطحات بعدين أقعد إظرب مليح.. وصحتين
عزيز: جميله الحكمه والله😂
ترن ترن ترن ترن
عزيز:الحاجه تتصل
عزيز: نعم نبع الحنان
نادرة:متقوليش وينك يا منجوه
عزيز:صباح النور يا أحلى أم
نادرة:والله وينك يا فرخ شن مداير من عملة آه
عزيز:حاضر أهو مروحين هي باي وسكرت
يا ولاد أمي قالتلكم تعالو
مالك:مفش داعي برو أنتم
عزيز:تي و عليا الإيمين و صبعي السمين إلا ماتجي أنته و شيف بوراك😂😂
مالك:ههههه قويه الحلفه
محمد:أسمع برا معاه يا وخي خير ما يحلف عليا يمين الطلاق و نقعد طول العمر محرمه عليه أستر عليا الله يسترك😅
مالك:لا خليه إطلقق باش نتزوجك أني خيرك غبيه فكري🤦
رغيد:والله أني وياها في علاقه قبل حتى ما تتزوج
عزيز:حييي مرتي خاينه أوووو يا خاينه يا خاينه يا خاينه
مالك: يا خاينه الخونه في عيونك باينه
رغيد:يا خاينه ليش جفيتي ليش عليا اليوم قسيتي
محمد:هان عليك الحب إنسيتي والله مانك هاينه
مالك رغيد محمد عزيز:يا خاينه 😂😂😂😂
محمد:هي نوضو إروحو
............................في حوش نادر...........................................
ألاء :ماما شن مزال أعييت راهو
نادرة:خلاص معش مزال إلا الغدي أهو خوك علي مرواحه
ألاء:أني مانبيش أغدي حطيلهم أنتي عادي
نادرة:وأنتي شن بديري
ألاء:نمشي لحوش عمي بنلبس عند رغد
نادرة:به بري و بعدين أمتى ناويه تمشي المدرسه
ألاء:أحد الجاي إنشاءالله ليا قريب سبوع نكتب في الدروس آمس بس كملت كل شيء
نادرة:به ربي يعاونك هي بري لحوش عمك
ألاء:أمواااه عسل أمي إركبت نجري طلعت لبستي و مشيت حوش عمي
مع جو ساعه 5 العشية بدينا نسمعو في الدوشه
ألاء:إلبست سروال أزرق ملكي و فوقه بلوزه فوق الركبه بشويه بيضه و فووقها بشت لونه أزرق ملكي و وشاح أبيض فيه تخرببشات بالازرق ملكي
رغد:إلبست سروال أبيض فوقه سوريه بودريه هاديه و وشاح أبيض مخربش بالبودري
طلعنا قصينا وخشينا للحوش نلقو صغار عمي الولاد برا في الجنان والعمله معاهم مالك و رغيد
أحمد:أووووو عاش من شافك
ميسر:تي تعالو سلمو
قدمت ألاء ورغد إبدوو إسلمو عليهم
ميسر:لول شن الجو
ألاء:ماشيه أهو سمعت أمك تبي تخطبلك
ميسر :خليها في سرك أووووو غودي شن الأمور
رغد:تمام أهو ماشيه
مهاب:به وخيرنا أحني شني ميسلموش علينا و لا كيف
ألاء:تي ننسو هابي أحني
مهاب:أسمعي عندي رسم جايبلك نبيك ترسميلي
ألاء:حاضر
مالك و رغيد:إشوفو و ساكتين مستغربين قعدو إشوفو للبنات كيف يضحكو و يتسهوكو معاهم و جوهم مليح
المهم خشو البنات سلمو على العيله إلي داخل و خشت ألاء للكوجينه إتوتي و رغد حصلت فرصه ركبت لنذير في داره
ألاء:ودوني على بيت حبيبي نعش مع بعضي فيه و دا طوبه طوبه من الحب بنبني .. أمممم وين الشكولاته تلفتت بنجيب الشكولاته إنخلعت
مالك:أخت عزيز عبيلي إميه🤣😂
ألاء:لا شكلك قريني صح 😂في كل مكان طلعلي
مالك:القدر يبي يجمعنا باي طريقه يا أخت عزيز 🤣😂و خشيت للكوجينه من الباب الخارجي ونبي عبيلي مياه
ألاء:تلفتت بنعبيله إميه دوره إنحس بإيد حاوطتني من خصري
مالك:وهي تلفتت تصب في الميه منعرفش شن صارلي قدمت عليها و حاوطتها من خصرها بايد وحدا وإيدي التاني على خدها و راسي في رقبتها
ألاء:أني خلاص جسمي مات حسيت بالقشعريره حاولت إندفه لاكن هوا أقوى مني وصوتي هرب معش قدرت نتكلم ضمني لحضنه أكثر و كان إيقولي خليك مستاحش حضن يقويني و يحسسني بالحنان و حط راسه في رقبتي و قعد يشم في ريحتي وقالي بصوت هادي و يقتل قتل
مالك:أمممم برفانك مش عادي يا بنت
ألاء:ساكته ،
مالك:نحبك ملاك
ألاء:لما قال الاسم عرفت إيحب بنت و يبي أي بنت يتغزل فيها وخلاص أو تعبيله الوقت الفاضي
مالك:صدمتني كيف مدت يدها عليا ضربتني برجلها ع رجلي :اااا أسف مكانش قصدي ووخرت
ألاء: أسفك مش مقبول و مرة تانيه تأكد من البنت ولا كان مستاحشها برالها باهي
مالك:مستاحش شن تقولي
ألاء:أني مش حبيبتك و الباقي فهمك كفايه
مالك:أسمعي أني مجرد كنت محتاج الحضن هدا و بعدين لا عندي حبيبه لا شيء
ألاء:سكتت مرديتش
مالك:كنت مقهور كنت محتاج نحكي لحد و هوا يهديني و أنتي في لحظة ضعف إلقيتك قدامي بس أنا آسف بحكم أني بعيد على أمي و خواتي بس
ألاء وجعني بالكلام إلي قاله قلت في خاطري ياناري أمه بعيده عليه و خواته صخفني قلتله:به أشكي لخوك مش توامك ولا برا لملاك
مالك:في حاجات مرات تبي أنثى تنصحك وتوجهك مش ولد وبعدين من ملاك (ياربي على التزريطه يا مالك)
ألاء:تمام أعتبرني أختك من اليوم كان تبي حاجه تعالالي تمام وملاك أسأل روحك عليها؟🤗
مالك:مرات خوك هكي لا لا فكيني وتجاهلت موضوع ملاك
ألاء: براحتك
مالك:إلي خلاني نحضنها جاني إتصال رقم غريب رديت طلعت وحده متوقعتش إتصالها بكل جتني صدمة طلعت ملاك حبيبتي الاولى و الأخيره مستحيل نحب بنت زيها متصله بيا تبي ترجع تبيني نولي حبيبها من الجديد وأني طبعي واعر مستحيل نولي لبنت هيا سيبتني فضلت عليا ولد تاني بمأنه طبعي واعر زي مقلتلكم و كبرياء عندي عالي إرفضتها معأني كنت مرايف عليها مرايف على صوتها ضحكتها مشيتها تغزلها فيا طريقة كلامها كل حاجه فيها مرايفلها هلبا قتلها أني منخدش فضلت غيري و صكرت التليفون وكان خاطري نقوللها قداش ما فاقدها و مستاحشها قعدت نبكي و نسب في روحي علاش بس مقبلتهاش علاش ونهرت بالبكاء أصعب شعور لما تبدأ مستاحش حبيبك ومش قادر توليليه قلبي محروق خلاص المهم أعطشت قلت نبي إميه ألقيت أخت عزيز وصار إلي صار كنت محتاج ملاك أصلاً كنت نشوف ف أخت عزيز ملاك نشبح فيها زيها بزبط حتى ريحت العطر نفس عطر ملاك
عزيز خشيت عليهم إلقيتهم إهدرزو:ماشالله إنسجام
ألاء:لا والله يبي ميه
عزيز:به شنفيها خيركم تخزرطو عادي مافيش مشكله
مالك:كيف؟ عزيز غريبه؟
عزيز: أصلاً توا بتاخدو علي بعضكم يعني بيبدو زي صغار عمك لأمتى بتقعدو محرومين من التقعميز ف الجنان وانته يا مالك بتاخد عليهم تمام
مالك: إنشاءالله.......................
عزيز:لول نبو عصير حتى أحني 😉
ألاء:تو نجيبلكم توا بنعطو للنساوين
عزيز:أسمعي عرس أكرم قرب سمعتي
ألاء:به
عزيز:غريبه مافيش عزيز طلعني نشري عزيز ناقصات عليا حاجات طلعني عزيز نهاري معنديش شن نلبس ولما نخش لدارك نلقى دولابك معبي وأني شن نقولك😂😅😅
ألاء:ماشالله أهو عندك ألبسي حاجه من إلي في الدولاب و أني شن نقولك😂
عزيز:لا يا عزيز ماهو شافوني بيهم كلهم لابستهم وأني نقولك عادي و كان عاوتي لبسه وأنتي تقوليلي لا تبيهم يضحكو عليا😂😂
مالك:ههههههههه الله إعينك الصراحه😂😂😂😂
عزيز:وعينك معاي عمله أقسم بالله 😂😂
مالك:وعلاش إعيني؟
عزيز:مش عندك خوات حتى أنته أني جت في وحده اما وانته أربعه ودارهم بصوابعه
مالك:عندي لاكن منطلعش فيهم تي أصلاً إخافو يطلبو مني
عزيز:إييي نسيت تلفتت لألاء إلقيتها تصب في العصير قتلها سمعتيه شن قال
ألاء:لا
عزيز:قال أني خواتي إخافو يطلبو مني يعني واعر شكلي بنبدا زيه
ألاء:مهتميتش لكلامهم وكملت تصبايت العصير
قمت الصفره
ألاء:ووووه رزينه زي الهم وحطيتها فوق الرخامه
عزيز:شن رايك إنخش نفرق العصير أني و مالك الشكولاته
ألاء في خاطري صار أسمك مالك
مالك:شرقت بالميه قعدت نكح
عزيز:يا ساتر أشرب إميه
ألاء:هوا شارق بالميه و يزيد يشرب إميه
عزيز:خلاص مالا جيبي خبزه 😂
مالك:تفوووو يا قرد أني بنموت وانته تضحك
ألاء قمت الصفرة مره تانيه و ناديت على حنين عمرها 6 سنين توزع الشكولاته وزعت على النساوين ووليت للكوجينه بنوطي للولاد
خشت رغد و نذير يضحكو
ألاء تلفتلهم:شني صافيه لبن
نذير:حلوه يا قشه 😉
ألاء:به يا رغد تعالي أرفعي الشوكولاته
رغد:امبه
طلعنا نفرقو عالولاد ووقفنا خدتنا الهدرزه قعدنا نهدرزو و مهتميناش لصحاب عزيز بكل قصدي في النهايه بحجابها
أكرم:أني مزالي أسبوع و نقعمز مع الشيابين 😌
نورالدين:علاش
أكرم:عرسي بعد أسبوع
نورالدين:,متزوج غير زويلك يا ساتر إسلام متزوج قبلك و يقعمز معانا
أكرم:المهم منوصيكمش قيمولي القدر ألاء و رغد دربكولي و نشطو الجو
ألاء:والله أصلا اليوم بندربكو
أكرم:أي أي دربكو و غنو عليا باهي
جت حنين تجري
حنين :ألاء ألاء قالتلك أميمه تعالي
ألاء:علاش؟
حنين:فرحانه بعرس أكرم تبيك إدربكي و تغني معاها
ألاء:والله
أكرم:بري سلم بنت عمي يا حنه
حنين:تعرفي من بكري تهزب في البنات قالتلهم أني إلي تمشي مع جوي ألاء بنت نادر بس
نذير:إيه عاد أختي مطقوقه معندهاش روح مع الاغاني و دربوكه
ألاء:تلفتت عجبته ومشيت نجري
نذير:عجبتني إستفزتني بحركتها كيف بنوضلها إمشت تجري لوحت عليا الشبشب و مجاش عليها عاودت الحركه🤏🏻معناها أنبح
وهني الولاد إنفجرو ضحك عليا
مالك الله إسمها ألاء حلو ألاء حبيبت مالك أو ألاء حرم مالك ال...... أو ألاء مرت مالك حلو آآخ 😍😍
رغيد:مالك في شني سارح
مالك.....................................
رغيد:ألوووو مالك نكلم فيك
مالك:.....................................
رغيد:ألووو هزيته من كتفه إستاقض بيا
مالك:تي خيرك النم
رغيد:ليا ساعه نكلم فيك وانته سارح في مني تفكر؟
مالك:رغيد إكلم فيا وأني نتفكر كيف شميت عطرها و كيف بستها وكيف حواطها من خصرها
رغيد:ضربه على خده بشويه سرحت مره تانيه شن فيك أحكيلي
مالك:مش وقته بعدين أسمع إسماعيل خليت بحداه الولاد
رغيد:إيه خليت أحمد و أيمن و محمد و نوري و أسيد
مالك:الله إبارك به مليح
أكرم:يا ولاد تعالو نقعمزو تحت الروشن بدو يدربكو
عزيز:شن بدير بغاني نساوين وبعدين صوت دربوكه في الجنان
مؤيد: أكرم صح كلامه فيهم جو أغانيهم
أكرم:هي نوضو.نقعمزو مستخطيين عليهم
ناضو الولاد قعمزو بعيد بحيت يقدرو يسمعو الدربوكه و الاغاني و بحيت ميبانوش وأحني منبانوش
............ ............................. ...............................
عند البنات:,
أسماء مرت عم ألاء و رغد:ألاء تعالي حناك تبيك
ألاء:نعم
فتحيه حنينه:تعالي يا بنيتي دربكي
ألاء:خلي بعد العشئ يا ميمه
فتحيه حنينه:لا توا شدي الدربوكه والا نزعل منك
ألاء قعمزت و بديت إندربك
فتحيه حنينه:يا سلم أحفادي يا عين لي خش يقول حنينه وين كلهم👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻👏🏻
فتحيه حنينه:سلم أحفادي كلهم مرتاحه في ضلهم
كلهم 👏🏻👏🏻👏🏻👏🏻👏🏻👏🏻👏🏻
ألاء:يا ولد العم شكارة خيشه
البنات:حي حي حي حي👏🏻👏🏻👏🏻
أسمهان:والبراني معاه العيشه
البنات:حي حي حي حي 👏🏻👏🏻👏🏻👏🏻
رغد:ياولد العم عسل إقطر
البنات باستغراب:حي حي حي حي 👏🏻👏🏻👏🏻
رغد: والبراني شكارة سكر
موده:لا عاد رفس يا رغد هكي
رغد: أني نبيها هكي مالك خيتي
ميرا:أعععع لبزتي الجو
رغد:مدخلكش أني بجوي نغني
أحلام :خلاص يا بنات ألاء عالي الدربوكه هيا صفقو
صابرين و صبه:و الغيا الغيا يا مرادي ني
البنات مع بعضهم:و الغيا الغيا يا مرادي ني و الغيا والغيا باش نرقي فوووق مع غاليا يا مرادي ني👏🏻👏🏻
أسماء أم أكرم:روووووووري
ألاء:ودهب وحرير 👏🏻👏🏻
البنات:يا مرادي ني ودهب وحرير يا مرادي ني ودهب وحرير
ألاء:باش نرقى فوق مع لريد يا مرادي ني👏🏻👏🏻
البنات:وعروض كتوفه يا مرادي ني وعروض كتوفه يا مرادي ني وعروض كتوفه وأجعني يالله ف حضنه ملفوفة 👏🏻👏🏻
أسمهان:ودهب حقاني👏🏻
ألاء بدت تغني معاها👏🏻
ألاء و أسمهان:ودهب حقاني يا مرادي ني و دهب حقاني يا مرادي ني ودهب حقاني باش نرقى فوق مع البراني يا مرادي ني👏🏻👏🏻
رغد:خاتم وحديده يامرادي ني👏🏻👏🏻
البنات:خاتم وحديده يامرادي ني خاتم وحديده باش نرقى فوق مع لريده يامرادي ني👏🏻👏🏻
ميرا:وحنه منقوشه يا مرادي ني 👏🏻👏🏻
البنات:حنه منقوشه يا مرادي ني حنه منقوشه باش نرقى فوق مع موله الكوشه يا مرادي ني👏🏻👏🏻👏🏻
البنات:خاتم إدهب يا مرادي ني وخاتم إدهب يا مرادي ني خاتم إدهب باش نرقي فوووق مع لنحب يامرادي ني 👏🏻👏🏻
البنات:حولي النابلسي يا مرادي ني وحولي النابلسي يا مرادي ني حولي النابلسي باش نرقي فوووق مع الطرابلسي يا مرادي ني 👏🏻👏🏻👏🏻
البنات:حنه في قدامي يا مرادي ني وحنه في قدامي يا مرادي ني وحنه في قدامي باش نرقى فوق مع الغرياني يا مرادي ني 👏🏻👏🏻👏🏻
البنات:ودهب إيطالي يا مرادي ني ودهب إيطالي يا مرادي ني ودهب إيطالي باش نرقى فوق مع مصراتي👏🏻👏🏻👏🏻
البنات:حنه سعودية يا مرادي ني وحنه سعودية يا مرادي ني وحنه سعودية باش نرقى فوق عروسه لغاليه يا مرادي ني👏🏻👏🏻
مها: روووووووري 💃💃
هالله هالله قولو ماشالله👏🏻👏🏻 دربوكه تقوت والبنات نشطو
أسمهان: الله وحده صمد ربي ماكيفه حد👏🏻👏🏻×2
رغد:الله وحد الله علينا يا عوينه مضرينه👏🏻👏🏻×2
ألاء:شايشه شايشه موتي كانك عايشه 👏🏻👏🏻×2
البنات:شايشه شايشه موتي كانك عايشه 👏🏻👏🏻×2
خشت أسماء ترقص💃💃💃
البنات:يا ميمة لعريس تعالي فرحانه واعطاك العالي👏🏻👏🏻×2
يا ميمة لعريس تعالي فرحانه واعطاك العالي 👏🏻👏🏻×2
خشت سلسبيل ترقص مع أمها💃💃💃
البنات:الليله منو زيها الليه عرس أوخيها👏🏻👏🏻👏🏻×2
البنات:خلوها ترقص خلوها فرحانه بمريت خوها 👏🏻👏🏻×2
أسماء:ياسلم ولدي الكبير على راسي كيف الشنبير 👏🏻👏🏻×2
صابرين:نور العين وضيها والعقبه لوخيها👏🏻👏🏻×2
صبه:نور العين وشمعتها والعقبه لوخيتها👏🏻👏🏻×2
ألاء و رغد: وأكرم يا خطير أميره قريب إطير👏🏻👏🏻×2
ألاء:ياولد العم أحني جينا ميتم الفرح إلا بينا👏🏻👏🏻×2
نادرة:هيا يعويله العشئ واتي تفضلوا
البنات:ألف الصلاة والسلام عليك ياحبيب الله محمد
البنات و نساوين العم مع بعضهم:روووووووووووووووري روووووووري
............................................................................
الولاد من أول ما بدت الدربوكه وهما يرقصو ولما بدو يغنو في مرادي ني
عزيز:حي عل سخافه 😂
مؤيد:إستغر الله😂😂 يبو يتجوزو شكلهم
ميسر:أي شن رايكم نقسمو روحنا وكل واحد يختار مرته😂😂😂 باش نرقو فوق 😉😉
رغيد:هههههههه سخيف
أمير:تي كيف يا مان فاهمين إلي صير 😉😉 غر يا أكرم متحشمناش بس
أكرم :صكر فمك يا حقير عيب إلي تقول فيه
نذير:حي صوت ألاء و رغد
مؤيد:أي صوت ألاء ورغد حي عالجو منحسابهم سخيفات حتى هما
مراد:ههههه إسمعتوهم لما يغنو على ولد العم و البراني 😂😂
مؤيد:أي والله وجعتني نفسي الصراحه بنبكي خلاص😂😂
آدم:أقسم بالله حتى أني لين خنقتني العبره 😂😂
نورالدين:غر نقضو الوضع بعركه كنهدا كلنا نجوحو زي النتايات😂😂😂
فراس:أي كل شيء إلا كسرت الخاطر أيوا
عزيز:تي جعان نمشي نشوفهم عطلو بالعشئ
أويس:خلاص وقفو الدربوكه نوض شوفهم
..............................................................................
حطو البنات يتعشو
أسمهان:شن جو الثناويه معاكم ألاء و أريام و أميره
أميره:أهو مشاية الحمد لله
أريام:خليني ساكته
ألاء:ساكته مابتش تتكلم
أسمهان:ألاء خيرك نكلم فيك أني
ألاء:لما نمشي للمدرسة تو نقولك
أسمهان:أه ربي يعاونكم
أريام:ويعاونك يا رب
المهم كملو ماكله طبعا طبعهم ياكلو وينوضو في العشئ بس ميخشوش للكوجينه وزي كل مره يعلقو الوقفات ألاء و رغد في الماعين المهم أمهاتهم لمولهم التباسي وطلعو ألاء ورغد و أريام يغسلو في الماعين برا في الجنان
😚😚😚😚 يتبع 😚😚😚
آسفه لو في خطأ إملائي ☺️❤️
