حلقه 2
تنحت الإيد
ألاء:هوا أنته تفو خلعتني😱
مؤيد:اصكتي
ألاء ربعت إيديها:شن تبي تفضل
مؤيد:جاي بنهدرز على بنت عمي
ألاء:طيح سعدك بدل ما تجي تهدرز مع ولاد عمك
مؤيد:أي حقا سيارات مني إلي برا بعتالي معش أطيحيلي سعدي هوا طايح من ربي😒
ألاء:😂😂😂حاضر صحاب خوي عزيز
مؤيد:أني بنخش توا بعتالي تو إنجيك إنهدرز عليك
ألاء:حتى ما تبيش إتجي عادي راهو😂
مؤيد:نعتبر روحي مسمعتش😌 وخش
ألاء وهيا ماشية للكوجينه تسمع في رغد تهدرز مع خوها نذير و تضحك
خشت إلقتهم شادين إدين بعض إنصدمت معقولة رغد بنت عمي هكي ولا مع خوي هههههه عملة يالله خر نحرقلهم دمهم
ألاء: أحمممممم
رغد ونذير إنخلعو ووخرو عن بعضهم
ألاء:شكلة في قصة حب صايرة وحني منعلموش😂😂
نذير:قصة عينك
ألاء:لا في ورص إرويصك😂😂
رغد بتموت من الحشم بعد الموقف إلي صار
نذير:ضمي فمك قلنا مافي شيء ولد عم إيهدرز مع بنت عمه
ألاء:بالله أسكت ريتك بعيني إلي بياكلها الدود وبعتالي ولد عم يهدرز بشدان الإيد
نذير وجها أحمر وبصوت هادي:مرض ميفوت عليك شي
رغد:لا مفيش منها الدوه
ألا:كيف شفتكم بعيني🤔
رغد:لا هوا إيده مجروحه إمشي أني شفتهاله بس
نذير:تي إيه صح
ألاء:ضمو فومكم شفت و سمعت مغير كدب
رغد:لا مش هكي هوا ج.......
ألاء:قاطعتها:أسكتي نقولك سمعت
نذير:وجه أحمر:لشني تبي توصلي أي أني وياها في علاقه و مش آمس ولا اليوم لينا خمسه شهور
ألاء خدت الساقم وقفت إتغني و ترقص بالتسهويك:دي قصت حب على شط الهواء أجمل حكاية قلب 😂😂
نذير: كيف قدمت بنضربها قالتلي حييي أوقف بالله عليك بنقولك حاجه مهمه وخطيره وقفت
ألاء قربت منه و حطت إيدها ع لحيته :الكبد حرفه و درت كبيده😂😂😂 وينوض ندير جري وراها و هيا تجري طلعو الجنان إنسو صاحب خوهم
نذير شاد عصاة مكنسة:والله إلا من نوريك يا فرخه تو تشوفي
ألاء:الحب يا كبدي معقولة تضربني على خاطر الكبيدة 😂
نذير:صكري فمك وجري أكتر و يشدها من رجلها إطيح لوطة ويضربها كف من قوت الكف لين فمها نزف دم و ضربها ضربا تانيه جت في خشمها حتى هوا دم إبدي نذير كان متعفلق من العمل زاداته ألاء إستفزاته ضربها ضربتين من غير ميحس على روحه لأنه معصب
في الصالون
عزيز:خيرهم شن هالصوت
مالك:أي صوت راجل إلي طالع
محمد:أكيد نذير إكشخ على الصغار
قعدو ساكتين يسمعو شوية ويخش أيهم وجه أصفر
أيهم:عزيز يا عزيز لحق
عزيز نخلعت :شن فيه
أيهم عيونه دموع:نذير الدراه ضرب جيري خلاها دم في فمها و خشمها الحيوان هدا🥺😭 أختك شكلها بتموت وووه عليا مع مني بنتعارك و مع مني بنسهر و مني بيديرلي نفص ساعه 3 ووووه 😭😧😭
(إمسميين ألاء و أيهم توم و جيري ألاء جيري وأيهم توم للعلم)
طلع محمد و عزيز يجرو مالك ورغيد وقفو قدام باب الصالون
ألاء:آه آي حار كلة منك تفو عليك 😭😭
عزيز: بشوية عليك نوضي معاي نرفعك وشاف لنذير هادي أختك مش عدوتك ولما إروح عندي كلام معاك
قام أخته ودم ينزل
نذير قدم لي أخته يبي إقيمها مع عزيز
ألاء:حول حول برا يا متع الكبيدة معش تمسني😭😭
لولاد مصدومين عزيز قام أخته و مشت معاه رغد و نذير و محمود قالو بنمشو و نذير كان ضميرة مأنبة أصر إنه يمشي في الآخير إمشي نذير بسيارتة و محمد قعد مع الولاد
المهم و صلو المستشفى ودورهم مزال
عزيز:وااااك كم مزال
نذير:نمشي نسأل و نجي
نذير: عفواً أمتى نخشو لدكتور الفولاني
الريسبشن:دقيقه.............قدامكم حالتين
نذير:تي شن نخرط قصدي نبي ممرضه تجي تعقم الجرح
ألاء كانت مقعمزة و شادة طرف على الجرح و تبكي
نذير جي قعمز بحداها:وخيتي الحلوة سامحيني
ألاء:برا من بحداي😭
نذير:آسف بالله عليك مكانش قصدي
ألاء:منبيش نسمع صوتك نوض من جنبي خير منعيط إنلم عليك الناس😭
عزيز:نوض توا أكيد وجعها خاطرها بعتالي وليلها
نذير:تمام
عزيز:مقلتوليش شن السبب العركة
ألاء:سبب العركة على خاطر كشفته يكلم ف بنت و البنت طلعت صاحبتي زي أختي روح بروح....نذير قدم بيضربني لاكن عزيز إدخل
عزيز:خلاص مش وقته هدا
المهم و أحني إراجو ف دورنا عزيز يشبح عبدالله بو مالك و رغيد خاش المستشفى و شاد بنته و إيدها كلها دم و وراه مرته مرام جو الممرضات يجرو رفعوها
عزيز:كيف حالك يا عمي إنشاءالله لباس
عبدالله:صحيت سلم ولدي
عزيز:شني خيرها بنتك
عبدالله:أااااا.....معرفش شني إقول....أي وهيا تلمع في المكتبة شورة المرشه طاحت وجت طيحتها على إيدها و تكسر المرش
عزيز:إنشاءالله لباس عليها
عبدالله:وانته خيرك لاباس
عزيز:لا شيء خر خوي لوح رشادة على أختي رأسها نفتح لاكن بسيطة إنشاءالله
عبدالله:يشينك فرخ أكيد أيهم
عزيز:أي أيهم😅
عبدالله:توقعته
عزيز:يالله هي بسلامه
عبدالله:باي
المهم خشت ألاء و عقموهولها روحو للحوش
رغد: ألاء
ألاء:هممم
رغد:كيف حالك
ألاء:شني تسألي فيا مش كنتي معاي
رغد:آسف
ألاء كانت راقدة ناضت تربعت:حقا أحكيلي شن في بينك أنتي و الكلب نذير
رغد:مافي شيء
ألاء:بلا كدب قوليلي خيره أني نقولك ف كل شيء
رغد:إلي صار إكتشفنا إني وياه نحبو بعض
ألاء:أووو مي قاد كيف أكتشفتو
رغد:لازم 😒
ألاء:أي لازم قوليلي أنتي خير ما نمشي إنقول لمحمد😌
رغد:شن بتقوليله😯
ألاء:إلي بنقولة باهي هيا قوليلي
رغد:أني وياه من قبل إنهدرزو زيك أنتي توا تهدرزي مع خوتي ف النت المهم خشلي مرة وأني الفترة هديكا كان تتفكري مريضه منفتحش ف النت هلبا ومعش نجيكم
ألاء بحماس:به😍
رغد:خشلي وقالي وينك إستحشناك رديت علية كيف إستحشتني قالي معش شفتك و لا سمعت صوتك قتلة هههه عادي قالي ولا الكبيدة شادك علينا قالك معش تكلمي صغار عمك😒رديت عليه معاش إلي شدني عليك أنتة بدات وهكي بدينه نهدرزو و خشينا ف علاقة
ألاء:أممممم كويس
ف صالون
عزيز:مالك راهو شفت بوك مدخل أختك للمستشفى شكله
رغيد:علاش خيرها
عزيز:(..................)وحكاله إلي صار
ناضو رغيد و مالك
مالك:راجي مرات بوك قاعد غادي
رغيد:أي صح راجي خلي ندير إتصالاتي نشوف بوك قاعد ولا لا
ناض رغيد يتصل
مالك:يارب ميطلعش عندة إيد ف الموضوع
عزيز:وسع بالك هدا بوك
مالك:لا مش بوي
محمد:هوا الموضوع خاص لاكن نبي نعرف شن سبب كرهك لبوك هكي ف النهاية أب ويتمنا لصغارة كل خير
مالك: أولاً لا موضوع خاص لا عام أني نقولك علاش هدا ميجيش أب علاش ميجيش أب لأنة معنداش قلب مرة زمان وأني صغير مروح من الجامع أني ورغيد وأني في الطريق إجيني كلب يجري وراي قعدت نجري شوية ونشوف بوي طالع بالسيارة قعدت نكلم فية تخيلو جت عني ف عينة فاتني و خلاني للكلاب هناك بو هكي ومرة بعد ما كبرت و بديت نفهم جيتة قلتلا بوي نبي رصيد رصيدي تم تعرفو شن قالي أني شن إندير بيك تقعد تمدلي في إيدك زي النتايات إلي عندي برا يا بنيه إتجي تطلب من بوك برا أخدم مش تمد إيدك زي البنت طلعت وأني خاطري مكسور ولد عمره 14السنة صحابي إلي معاي أبهاتهم يصرفو عليهم وإلي يبوه إجيهم قعدت نخدم و نقرا باش إنقوللهم بوي جابلي وبوي دارلي و توا توا مليهاش هلبا وقفت بيا السيارة و رغيد في الجبل عرس صاحبة وأني كنت ماشيلهم وقفت بيا السيارة في طريق الشط إتصلت ب خالد قالي أني بعيد إتصلت بأمير قالي حتى أني سيارتي واقفة كلمت بوي قالي دبر راسك قلتلة تي كيف مافيش حد غيرك تعالة ولدك يبيك توقف معاه قالي أني مش بوك و أنتة لا ولدي ولا نعرفك صكرت التليفون ف وجه وحلفت معاد إنكلمة أني ورغيد عشنا هلبا و شفنا هلبا من بوي الوجع و كسرة الخاطر
عزيز:أف هذا كلة معقولة
مالك:وأكثر
محمد:لاحوله ولا قوة إلا بالله
عزيز:عمي عبدالله هكي معقولة
مؤيد:توا أني براني لاكن غريبة مافيش بو يكره ولده هكي
محمد:وأنته شن دخلك نوض
عزيز:ٱهو قلتها بروحك أنتة براني😂
مؤيد:خزي تفو يقصفو ليه ليه😂
عزيز:نوض طير😂
مؤيد:نمشي نهدرز مع بنت عمي و مرت عمي أحسلي
محمد:خر متكترش ف الدوة
مؤيد:شن دخلك أني وبنت عمي نتصافو
مالك يضحك عليهم بيموت 😂😂 خش محمود
محمود:مؤيد تعالة تبيك دراه الكبد
مؤيد:مني؟
محمود:مني دراه الكبد واضحه إلي أكبر مني ب 6 سنين😩
عزيز:😂😂منسمحلكش
مؤيد:ياريته دراه كل حبيب😂😩وطلع
بعد ربع ساعه شاف ألاء وأخته شن يبو و وله
محمد:نوض وأنتة تقولي ملصقينك بالصقه 😂
رغيد:الله جوكم محلاه مع بعضكم
مالك:أي ماشالله ربي يدوم بينكم
عزيز:أمتى جيت العفو
رغيد:توا 😂حقا بوي قاعد غادي منقدروش نمشو ساعه8 توا
مالك:نمشو ف الليل مع جو ساعه10
رغيد:تم يا برنس
مالك:هي نوض وقت عطلنا
عزيز:قعمزو مفيش طلوع نذير وصل
نذير:كأنة سمعت أسمي
مالك:أبن الحلال من ذكرو يبان😂
نذير:هي تعالو تعشو 😂
عزيز:قدمو يا شباب
قعد نذير يمد في الشاورما للولاد فضلو زوز شاورمات خدي و حدة و قعدت وحده
عزيز:لمني الشاورما هادي وأشر على شاورما الفاضلة
محمد:بالك لي.....😉
نذير:ياسر وأنته تفكيرك غلط هادي للأخت باش ترضى عليا
رغيد:وانته إنشاءالله إدور ف رضاها
نذير:أكيد من بديرلي نفص ساعة 4, في الليل و مني بنخنب منه النقطه نت ومني بنحرقله دمه و نوضه من نومه لازم نراضيها
مالك:مصلحجي😂
نذير:أي مسحقيلها الله غالب
عزيز:لاكن والله تسخف فيا تبدأ كيف نايضه إمدايره لأيهم إجي البرنس ساعه 4 ويقوللها ديريلي وأني مرات نوضها ساعه 7 ونقوللها جعان😂😂
مؤيد:يناااري مش مستريحه ف نومها😂
محمد:أي لاكن أحني أختي ترقد إمخر عادي و طول النهار راقده قالبه النظام 😂
مؤيد:ماشيه بقاعدة الليل صبح و الصبح ليل😅😂
رغيد:حتى أني والله مرات مش ديمه نجوع لاكن إندير بروحي 🤧🤧🤧 بنبكي🥺 مافيش ولا وحده تنوضلي خوات بقلتهم
مالك 😅😅😅
رغيد:ترا مالك لما يبدا جعان إنشاءالله حتى الفجر يطلع يدور في مطاعم لين إحصل إنشاءالله حتى طعميه😂😂
مالك:أي ماشالله عليا منتعبش ف خواتي زيكم
عزيز:هههه خلاص ديما خليك معاي باش نحصل ف جرتك
رغيد:أحلم أني والله ميحسب فيا هالقفاص😌😒
عزيز:معقوله
محمد:أي خليه خليه كان الحب راهو حسبها😉
مالك:أهو قلتها تبدأ كوبيدتي بنحسبها مش أنته
طبعاً مؤيد قعمز معاهم باش يتعشى مصالاش من الطلوع
نذير:هي بنمشي إراضيها وهوا طالع كان سمعتوني نعيط تعالو حزو😂
عزيز:تم تو نجي نحز 😂خر طير توا
طلع نذير ومشي لأخته
نذير:للوتشي
ألاء:خيرك
نذير:قاعدة حرجانه مني
ألاء:إنتة شن رايك
نذير:هاك و مدلها الشاورما
ألاء:لا منبيش
نذير:علاش
ألاء:هكي منبي شيء منك أطلع
نذير:به كيف إراضيك ياروح خوك أنتي🥺
ألاء:إنسامحك لاكن بشرط
نذير:شن هوا
ألاء:به لو قلتلك تمشي تجيبلي شكاليت و فازو نوتيلا تجيبلي؟🤔🤔
نذير:أكيد
ألاء:خلاص برا جيبلي شكاليت و فازو نوتيلا
نذير:من عيوني😍يعني كان جبتلك تسامحني
ألاء:أي نسامحك
نذير:تمام دقايق ويكونو عندك وجي باسها 😘😘
وطلع وجابلها الحاجات وروح أعطاهملها ورجع مع الشباب
لاكن ألاء خطرت على بالها فكره ومشت لدار الخزينة و صااار.....................
😚😚😚يتبع😚😚😚
آسفه لو في خطأ إملائي ☺️☺️
أعطوني رايكم بلييز 😍
