زئير النمر لا يقتل الفريسه..

60

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت الستون /~

سلطانه تهتف لعزيزة بنبرة ودوده/تبي نطلع نتغدا انا وانتي برا نغير جو؟..

عزيزة هزت كتفيها بمعنى لا اعلم سلطانه بذات النبرة الودودة/خلاص اجل بنتظر شروق وغروب ونطلع كلنا سوى..

عزيزة ابتسمت بحنو ليفتح الباب ويدخل معاذ بهيبه وتالق وهو يعدل نسفة شماغه وعيناه على سلطانه..

هتف بثقل/صباح الخير..

عزيزة هزت راسها بينما سلطانه هتفت برود/صباح النور..

معاذ قبل راس والدته ثم جلس جوارها و سالها باهتمام/شلونك اليوم؟..

عزيزة اشرت بيدها بمعنى الحمدلله لينظر معاذ سلطانه بذات الاهتمام/وانتي شلونك اليوم؟..

سلطانه ذات البرود/طيبه الحمدلله..

معاذ وقف ثم هتف بحزم/سلطانه تعالي ابيك شوي..

سلطانه نهضت بهدو ولحقت معاذ الذي توجه نحوى الصاله وجلس على الاريكه لتجلس هي قباله بصمت؟

معاذ ينظر عيناها بوجع/تدرين ان كل الناس اتحمل زعلهم الا انتي؟..

سلطانه هتفت بعتاب/ليش يا معاذ تاخذ اطباع عمك ما توقعت يوم من الايام اشوفك بهاذي القسوه؟..

معاذ هتف بتقصد/بس انتي ظلمتي عمي عمري ما شفته يمد يده لا عليك ولا على اي مره غيرك..

سلطانه زفرت بحده/لوني ضعيفه مثل دانه ما كان عمك قصر يتوطى على رقبتي..

معاذ بحزم شديد/مستحيل يسويها عمي وعرفه زين صح انه يكابر وبارد لكن مدة اليد لا..

سلطانه بحزم اشد/اتركنا من عمك ابي اعرف ليش تمد يدك عليها من غير حق سالتها عن الجوال متى وهو معها خذيت وعطيت معها بالكلام ولا بس هجمت عليها وضربتها؟..

معاذ اجابها بتماسك/وانا وش دراني الجوال معها من متى لكن اللي قهرني انه داسته عني لو ما شفته بالصدفه كان ضلت تلعب بذيلها..

سلطانه تهتف بتقصد/البنت اللي شفتها البارح ماتوقع انها تعرف المكر والعب من تحت لا تحت..

معاذ قطب جبينه/وش قصدك؟..

سلطانه اجابته بوجع/البنت بريئه مسكينه حتى ابوها ماتعرف عنه شي لا تظلمها يا معاذ امسكها بالمعروف ولا سرحها باحسان..