زئير النمر لا يقتل الفريسه..

49

رواية زئير النمر لا يقتل الفريسه..

للكاتبة (شـــــــــغف)..

ربما ذاك الزئير لا يقتل ، لكن قد يخلق ضعفًا وانهزامية عظمى داخل النفس ..يظل يتردّد صداه في المسامع..فيهزّ الأوتار ويؤلم أشد الإيلام !!
ربما الزئير يقتل طموحًا أو يُقوّي روحًا؟؟..

(ادعو لوالدي برحمه والمغفره)..

~\البارت التاسع و الاربعون/~

سلطانه انتفضت برعب/معاذ وش صاير تكلم؟؟..

معاذ صمت ثوان ثم فجرها/دانه حامل..

سلطانه سالت بذهول/كيف يعني حامل؟؟..

معاذ قطب جبينه/وشو اللي كيف الحمل له مسمى ثاني وانا مادري؟..

سلطانه بذات الذهول اقرب لصدمة/حامل منك ولا من وين؟؟..

معاذ قطعها بغضب بالغ/اكيد مني ماهي بزوجتي؟؟..

سلطانه لتو تستوعب كلامها هتفت بحرج/معاذ لا تلومني ماني قادره افهم دقيقه بس لين استوعب..

معاذ صمت وعيناه تراقب سلطانه التي قاطبه جبينها ثوان ثم رفعت عينيها تنظر فيه/وانت وش دراك انها حامل؟..

معاذ اجابها بثبات/هي فوق بغرفتها..

سلطانه قفزت واقفه بصدمة/بنت راشد المجرم هنيه بالبيت صاحي انت يا معاذ امك ليكون تدري بس؟..

معاذ وقف بحزم بالغ/لا امي ماتدري عن شي بعدين البنت تحمل ولدي اجل وين اوديها والاهم من ذا كله ابوها ماراح يسلم نفسه الا عشانها..

سلطانه تعود جالسه وهي تهز راسها بعدم تصديق/لا مستحيل يصير كذا من متى وهي حامل وانت ماحسبت لذا الشي حساب؟..

معاذ عاد جالس كذالك ثم زفر بضيق/وانا وش يدريني بصير كل ذا؟..

سلطانه توترت حقاً/والله نمر ماراح يمشيها لك بالساهل..

معاذ تنهد بحيره/ادري والله راح يجن لكن وش اقدر اسوي؟؟..

سلطانه ابتلعت ريقها بصعوبه/اسمع معاذ انا مانصحك ابدا تبلغه..

معاذ اتسعت عيناه/صعب اخبي عنه موضوع مهم مثل ذا..

سلطانه بحزم جدي/ماقلت خب عنه ولكن خل انا اللي ابلغه بطريقتي وانت ابعد عنه ذي الفتره لين يهدا..

معاذ زفر بحده/ليش ابعد ليكون يبي يذبحني بس؟..

سلطانه هتفت بمحاتات/والله يسويها عاد هو خلقه مامن عقل..

معاذ عطاها نظره/حدك عاد ترا مهما كان نمر مارضى عليه..

سلطانه بادلته الانظار/ماقلت الا الصدق تبي تنكره؟..

معاذ ابتسم بارهاق/وش هو مسوي مخليك شايله بقلبك عليه كذا؟..

سلطانه اجابته بشفافيه/جايب مرته عندنا بالبيت يقول انه خايف تموت لحالها وهو مشغول عنها تخيل يبيني اصير حارس عليها..