متنساش لما تقرأ الفصل لو عجبك تقولي رايك و اكتر حاجة متشوق لها
الفصل الثاني
بليل في سرايا صفوان
كبارة البلد كانوا مشيوا بعد ما قعدوا مع "عزام" و اتكلموا في كل حاجة تخص شغلهم.
صفوان بجدية
:كويس انك قعدت معاهم و فهمتهم كل حاجة لأنهم كانوا عمالين يزنوا عايزين يعرفوا حصتهم هتبقى اد ايه من المحاصيل.
رفع عزام رأسه و اتكلم بغرور لايق عليه :
:ميقدروش يتكلموا كل واحد فيهم عايز مننا مصالح كتير و ميقدروش يفتحوا بوقهم معانا....
كمل كلامه بثقة و هو بيدي صفوان ملف :
:دا ورق توريدات اللحمه بتاع الشركة الأجنبية أنا خلصته و هنبدأ في التعامل معاهم.
صفوان ابتسم بفخر و هو بيربت على كتف عزام و بيتكلم بسعادة:
_ عفارم عليك يا ولدي... انا كنت متأكد انك هتعرف تخلص الصفقة دي... عفارم عليك... يالا بينا خلينا نتعشى زمانك واقع من الجوع.
عزام بجدية:
_لا أنا حاليا محتاج اطلع احد دش و اغير و بعدها نبقى نشوف العشاء دا...
صفوان فتح باب المكتب و طلعوا
:اعمل اللي ريحك...
ريم كانت واقفه عند الباب و على وشها ابتسامة واسعة و باين في عيونها لهفة و احساس بالانتصار
انها هتكون حرم عزام صفوان وااه من عزام من نظرة واحدة يخلي اي واحدة تقع في حبه حواليه هالة و كاريزما غريبة و مع ذلك في هالة من القسوة و الغرور...
ريم :حمد الله على السلامة يا عزام...غيبتك طولت المرة دي، ايه موحشنكش!
عزام بنبرة جامدة خالية من اي تاثر:
_الله يسلمك يا ريم، وحشتوني بس الشغل له أحكام...
ريم بهيام:ربنا يعينك...
أمها "رابحة" نغزتها في كتفها بحدة و اتكلمت بجدية :
_الغداء جاهز يا ولدي، مش يالا بينا دي ريم وقفت طول النهار مع الشغالين علشان تجهز لك الاكل زي ما بتحبه.
عزام بلامبالة:
_كتر خيركم يا مرات عمي بس انا مش جعان اتعشوا انتم...
رابحة كانت هتتكلم لكن شافت في عيونه نظرة حادة
_انا طالع، تصبحوا على خير.
صفوان :نوم العوافي يا ولدي...
عزام سابهم و طلع السلم بثقة و خطوات متبخطرة، ريم بصت له و عضت على باطن شفايفها لكن فاقت على صوت عمها صفوان...
صفوان بحدة و جبروت و هو رايح ناحية السفرة:
_صحيح يا رابحة... جوز بنتك رنا مش عجبني و قريب اوي لو متعدلش انا هشيل ايدي و اسيبه لعزام و هو اصلا على آخره منه و لولاي كان طرده من البلد كلها و خلاه يطلق بنتك...
رابحة ضربت على صدرها بخوف و اتكلمت برجاء
_ماله سمير عمل ايه تاني، و الله انا شديت عليه بس شكله كدا مش هيجيبها لبرا..
YOU ARE READING
سجينة عشقه بقلم دعاء أحمد
Romanceفي قرية بعيدة كانت هي الفريسة حين وقعت عيونه الحادة عليها، لا يعلم أن كل شيء في الحياة متقلب!
