(بعد مرور ايام
فجر:اي وش قالت دكتورة لتس؟؟
شهد:قالت مافي اي مشاكل
جود: حمد لله
ملاك:طيب ليه زعلانة حمدلله
نجود:اي ليه زعلانة مافهمت؟؟
شهد بزعل:لانه تعرضت لصدمة الموضوع مب سهل صح مافي مشاكل بس بنفس الوقت مافي امل
اديم:مافهمت !
ايلاف:تقصد انه ماعندها اي مشكلة بس بسبب صدمة وضرب الي جاها على بطنها اثر عليها يعني في امل ومافي صح؟
شهد:اي
ريم:يابنت لاتفقدين الامل اهبدتس ترا بعدتس صغيرة
توق:اي خيرررر يعني لا تزعلين
نجد:استهدي بالله يعيني
(دق باب المجلس)
ملاذ:انا بفتح الباب
خالد:حرمتي داخلي
ملاذ وهي تقلده:اي داخل
خالد:بنت!!
ملاذ:يشيخ يعني بخاف
خالد:بكفختس
ملاذ:بنت عبدلله ما اخاف عادي كون جنتل مان جود بس تسمع اسمك تتوتر لو انك جني مب كذا
خالد بضحكة:صغيرة ولسانها طولس اقول ناديها
ملاذ: ابشر جود الجني اقصد رجلتس على الباب
جود بتوتر:هذي انا جايةة
(بالحوش)
خالد: اتوقع اني قلت ما تطلعي بدون عبايتس؟
جود بمهايطة:ترا بالحوش مافي حد يكفي غيرة حتى بيت اهلي من يوم زواجنا ما وصلته وش ذا تملك؟؟
"سحبها بحضنه بقوة"
خالد بهمس عند اذنها:لاتهايطين اي تملك انتي خلاص حقي تفهمين!!!
جود: خلاص ابعد
شد على حضنها اكثر: روحي البسي عبايتك بنرجع يلا
جود بتحلطم: ما صار لنا ساعة يارجال؟؟؟
خالد: وش قلت
(ناظرته )
جود:تكفى!
خالد:بعد صلاة العشا بنرجع
جود:تممممم
(بعد ثلاث شهور)
الجد عبد الرحمن:جهزتم كلشي يعيال؟؟
سلطان:ايوا يجدي
الجدة منيفة:اي هذا العشم فيك كويس انك اجلتها الحين ينفع نخيم
الجد عبد الرحمن:مقدر اتونس واحد من احفادي مهو حولي
(عند الحريم)
العنود:كذا كلشي جاهز صح؟
الهيام:اي
منيرة:يلا يا بنات مب وقت تصوير
توق:اخر صورة يمه
اديم: اول تخييم لـ ياسر
نجود:حبيب عمته بسم الله عليه
(جت نجود بتساعدهم)
شهد :وش جالسة تسوين مهبولة؟
نجود:وش
ملاك:بعدتس ببداية الحمل ماينفع تحملين شي
ملاذ:وانتي بعد ماينفع تحملين شي
شهد:احفاد ابوي لا تضرونهم اهبدكم بعدين!!
ملاذ: اخيرا بصير عمة وخالة
شهد بضحكة:شعور حلوووو
العنود:عقبالتس يا امي اشوف عيالتس على يدينتس
شهد وهي تخفي حزنها:امين
(طلعت شهد للخارج)
ملاذ:يمه يعني لازم تذكرينها!
ملاك:انكتمي ملاذ
نجود: خلاص لا تنكدون
فراس: يابناتتت
نجود:لبيه
فراس: عادي ادخل ؟
ملاك:اي مافي حد
"دخل فراس "
ملاذ:انتبه على حرمتك لانها ملقوفة ولدنا نبيه يجي بسلامة
فراس بضحكة:سمعي الكلام يا ام عبدلله
نجود:ابشرر
فراس:فين جميله جميلات؟
ملاذ: بالحوش
ملاك:تدري فين سليمان ؟
فراس:عند زوجته ثانية
ملاك:ولدد اهبدك ترا
ملاذ:جينا بـ الامير حقها لا تبلعنا وخرر
YOU ARE READING
لو امدح هالصدف على مر الأيام ما الحق جزاها يوم فيك جمعتني
Romanceتتكلم عن فيصل و شهد الي جمعتهم صدفة وقت فيصل كان يلاحق رجال يراقبه ويلتقي فيها وسيارتها متعطلة بالبر ويساعدها ويجبرها تجي معه على ديرة عند أهله بعد احداث يعرف الجد عبد الرحمن أنه البنت حفيدت سلطان صديقه المختفي
