لا أسامح ولا أحلل القراءه دون تصويت‼️
______________________________
(رجع فراس و فيصل و عبدالله الديرة وكان باقي نص ساعة يوصلون)
فيصل: سليمان حنا نبي شوي نوصل علم الاهل فراس معنا
سليمان: الحمدلله يلا الحين اخبرهم
/
"بعد نص ساعة وصلوا ودخلوا للمجلس "
الجد عبد الرحمن:هلا ارحب يولدي
فراس حب راسه:هلا فيك
العم محمد:نقول مبروك
العم سلطان:اي نقول مبروك ولا وش يا حاكم
حاكم:على بركة الله
ابو سليمان:فراس وانا عمك شف هلك طمن قلبهم
(دخل فيصل هو فراس ونده للبنات و عمته)
الام العنود:فراس
حضنها فراس: لبيه يمه سمي
العنود:تكفى لا تعيدها لا تتركنا وانا امك تدري وش جالس يصير بقلبي من خوفي عليك
فراس:نعتذر منتس طال عمرتس
ملاك حضنته:حيوان
ملاذ:كنت ادري انك ما بتسافر عشان كذا ما صحت
ملاك:لا تجلسي تهايطين من الي كان يبتسي قبل شوي ؟
ملاذ:شهد
فراس: يجعلني افداكم
فراس شاف شهد وهي عيونها حمر من كثر الصياح وكانت واقفة تناظره وتناظر فيصل وتتشكره بعيونها
فيصل:استئذن انا فراس بس تخلص تعال
فراس: شهد تعالي يا نظر عيني
حضنته شهد بكل قوتها وهي تصيح وتشاهق: حيوان ليه تسوي كذا قذر انا اوريك
فراس:ادري انك تصايحين عشان بس اتوقع في سبب ثاني صح يلا يا بنات لداخل شهد ابيك بكلمة راس
"دخلوا البنات تبقى بس شهد و فراس"
شهد:وش تبي الحين؟
فراس:ابغى اشوف نجود
شهد:الحين لاا
فراس: ليه ؟
شهد:الكل هنا خلها بليل نروح انا و انت
"عند اديم و عبد العزيز"
عبد العزيز:وش فيتس تصيحين
اديم:ابغى ارجع للديرة وحشوني هلي
عبد العزيز: خرشتيني فكرت عندتس سالفة اهجدي ما صار لنا اسبوع
اديم:وانا اقولك برجع مالي دخل
عبد العزيز:صوتس
اديم: ما ابغى وش بتسوي يعني؟
"سحبها عبد العزيز وهمس بأذنها"
عبد العزيز:لا تهايطين يا بنت خالد
"قشعر جسمها من همسه وحضنه لها ولاحظ هو توترها"
اديم وهي تمثل القوة:بنت خالد تجيب راسك
عبد العزيز:اي والله جبتي راسي
اديم:يعني بنرجع
عبد العزيز: اي بكرة صباح
/
"بليل عند شهد و فراس جالسين بسيارة"
فراس:يلا دقي عليها
شهد:طيب صبر
نجود:هلا شهود
شهد:سمعي فراس يبيك بكلمة راس نزلي
نجود:ما ينفع
فراس بصوت مسموع:اذا ما نزلتي اطلع لتس
نجود:فيصل بيحس لانه صاحي
فراس:شهد كنتي تبين تراضين فيصل طلعي عنده الهي
شهد:لا والله حبيبي!!!
فراس:كنت ابيتس عون صرتي فرعون
شهد: والله محد فرعون غيرك
ضحكت نجود على مناقرتهم
فراس:لتس الي تبينه يلا
شهد:اوفف طيب نجود نزلي فتحي الباب عشان اروح عند اخوتس المخنس
(نزلت نجود وراحت مع فراس وطلعت شهد على غرفت فيصل)
"دقت شهد الباب"
فيصل:دخلي نجدي
"دخلت شهد وكان فيصل مركز بجواله ما انتبه لها"
شهد:مني نجدك حرمك
(أنصدم فيصل أنه شهد موجودة عنده)
فيصل:بسم الله عليتس صاير شي
"تقدمت شهد ببتسامة : لوء جيت اشوف ابو عيالي فيها مشكلة ؟
”حاوط خصرها فيصل وصار قريب منها مرة”
فيصل:يازين جياتك الي ترد روح
شهد:اسفة على الكلام الي قلته كان من العصبية ولا انا ما اقوى على فرقاك بس زعلت حبتين
فيصل: لا تعتذرين لو تغلطين الف مرة ماتركتك للغريب زيدي زعلك ماني مفارقك حتى لو إنك مخطيه
شهد: احبك
/
"عند فراس و نجود"
فراس: موافقة على زواجي منك؟
احمر وجه نجود وهزت راسها بـ أي
فراس:لا تحرميني صوتس سمعيني موافقتك
نجود: موافقة
أنت تقرأ
لو امدح هالصدف على مر الأيام ما الحق جزاها يوم فيك جمعتني
Romanceتتكلم عن فيصل و شهد الي جمعتهم صدفة وقت فيصل كان يلاحق رجال يراقبه ويلتقي فيها وسيارتها متعطلة بالبر ويساعدها ويجبرها تجي معه على ديرة عند أهله بعد احداث يعرف الجد عبد الرحمن أنه البنت حفيدت سلطان صديقه المختفي